9 + 9 + 7 + 7+ 3 + 3 ... ஓ.பன்னீர் செல்வத்திற்கும், ஜெ.வுக்கும் ராசி எப்படி செட்டாகுது பாருங்க...!
சென்னை: சில விஷயங்களில் சில சுவாரஸ்யங்கள் நமக்கேத் தெரியாமல் எட்டிப் பார்க்கும். அப்படித்தான் ஓ.பன்னீர் செல்வமும், அதிமுக பொதுச் செயலாளர் ஜெயலலிதா சம்பந்தப்பட்டதும்.
ஜெயலலிதாவின் தீவிர விசுவாசியாக ஓ.பன்னீர் செல்வம் இருப்பதன் ரகசியம் இதுதானோ என்று எண்ணவும் வைக்கிறது இந்த நம்பர் விளையாட்டு.
வாங்க, அந்த சுவாரஸ்யத்தைப் பார்க்கலாம்....
9ம் மாதம்
ஆச்சரியமாக இருக்கிறதா.. வேறு ஒன்றும் இல்லை. முதல்வராக முதல் முறை ஓ.பன்னீர் செல்வம் பதவியேற்ற மாதம் 2001ம் ஆண்டு செப்டம்பர் மாதத்தில், 21ம் தேதி.
இரண்டு 3.. ஒத்தப்படை!
இதில் 2001ன் கூட்டுத் தொகை 3. 21ம் தேதியின் கூட்டுத் தொகையும் 3. எல்லாமே ஒத்தப்படை. அதை விட முக்கியமானது செப்டம்பர் மாதம். அதாவது 9வது மாதம். இந்த 9 என்ற எண் ஒரு காலத்தில் ஜெயலலிதாவின் ராசி எண்ணாகும்.
இப்போதும் 9
2வது முறையாக ஓ.பன்னீர் செல்வம் முதல்வராகப் பதவியேற்கவுள்ள மாதமும் 9தான்.
7.. ஜெயலலிதாவின் லேட்டஸ்ட் ராசி எண்
ஓ.பன்னீர் செல்வம் பிறந்த ஆண்டு 1951. இதன் கூட்டுத் தொகை 7 என்று வருகிறது. ஜெயலலிதாவின் தற்போதைய ராசி எண் 7 என்பது நினைவிருக்கலாம்.
2014.. இதிலும் 7!
தற்போதைய ஆண்டு 2014. இதன் கூட்டுத் தொகையும் கூட 7தான்.
வயசும் 9!
ஓ.பன்னீர் செல்வத்துக்கு தற்போது 63 வயதாகிறது. இதன் கூட்டுத் தொகை 9...!
இவருக்கு ஒர்க் அவுட் ஆகிறது.. அவருக்குத்தான் ஆகலை!
உண்மையில் ஜெயலலிதாவின் ராசி நம்பரும், ராசியும், ஓ பன்னீர் செல்வத்துக்கு நன்றாகவே ஒர்க் அவுட் ஆகியுள்ளது. ஆனால் ஜெயலலிதாவைத்தான் அது கை விட்டு விட்டது!