பாஸ் இருந்தும் வேஸ்ட் - கண்டு கொள்ளாத அரசு பேருந்துகள்; மாணவர்கள் புகார்!

தூத்துக்குடி: தூத்துக் குடியிலிருந்து மதுரை செல்லும் பஸ்கள் மாணவர்களை பாஸ் இருந்தும் ஏற்றாமல் செல்வதாக கூறி கலெக்டரிடம் மனு அளித்த சம்பவம் அங்கு பரபரப்பை ஏற்படுத்தியுள்ளது.

தூத்துக்குடி மாவட்டம் விளாத்திகுளம், எட்டயபுரம் தாலுகாவில் உள்ள கிராமங்களை சேர்ந்த மாணவர்கள் விருதுநகர் மாவட்டம் பந்தல்குடியில் உள்ள அரசு மேல்நிலைப்பளளியில் படித்து வருகின்றனர்.

தூத்துக்குடி-மதுரை தேசிய நெடுஞ்சாலையில் உளள தப்பாத்தி, மேலகரத்தை, வெ்ம்பூர் ஆகிய 3 பஸ் நிறுத்தங்களில் இருந்து சுமா்ர் 250 மாணவர்கள் தினமும் பந்தல்குடி பள்ளிககு செல்கின்றனர். இந்த வழி தடத்தில் நகர பஸ்கள் இயக்கப்படாததால் மதுரை-தூத்துக்குடி செல்லும் தொலைதூர பஸ்களில் மாணவர்கள் பயணிக்கலாம் என்று போக்குவரத்து துறை அதிகாரிகள் தெரிவித்திருந்தனர்.

ஆனால் அந்த வழியாக இயக்கப்படும் தூத்துக்குடி பணிமனை பஸ்கள் நிற்காமல் செல்வதால் காலை 7 மணி முதலே காத்திருக்கும் மாணவர்கள் பள்ளிக்கு செல்ல முடியாமல் தவித்து வருகின்றனர். தூத்துக்குடியிலிருநது வரும் பஸ்களில் கூட்டம் அதிகமாக இருப்பதால் மாணவிகள் கூட படியில் தொங்கிகொண்டு செல்ல வேண்டிய நிலை உள்ளதாக கூறுகின்றனர்.

இதனால் பொறுத்த பார்த்த மாணவர்கள் கொதித்து எழுந்து தாலுகா அலுவலகத்திற்கு கலெக்டர் வநதிருப்பதை அறிந்து அங்கு விரைந்தனர். அங்கு அவரிடம் சம்பவம் தொடர்பாக மனு அளித்தனர். அப்போது அங்கு இருந்த போக்குவரத்து கழக மேலாளர் இலவச பஸ் பாஸ் வழங்கப்பட்டு போதுமான பஸ் இயக்கப்படுவதாக தெரிவித்தார்.

இதற்கு மாணவர்கள் கடும் எதிர்ப்பு தெரிவித்தனர். பஸ் பாஸ் இருந்தும் டிக்கெட் எடுக்க நடத்துனர் கட்டயாப்படுத்துவதாக புகார் தெரிவித்தனர். இதையடுத்து கலெக்டர் குறிப்பிட்ட நிறுத்தங்களில் பஸ் மாணவர்களை ஏற்றுகிறதா, நின்று செல்கிறதா என கண்காணித்து நடவடிக்கை எடுக்க அதிகாரிகளுககு உத்தரவிட்டார்.

English summary

students forced to take ticket even they have bus pass in Tuticorin, gave a complaint to collector.