எம்.ஜி.ஆர் குல தெய்வம் என்ன தெரியுமா? ஆன்மீக இணையதளத்தில் சுவாரஸ்ய கட்டுரை
சென்னை: ஆன்மீகம், ஜோதிடம் தொடர்பான கட்டுரைகள், ஆலய தரிசனங்களை படிப்பவர்களின் ஆர்வம் அதிகரித்து வருகிறது. ஆன்மீக செய்திகளை விரும்பும் வாசகர்களுக்காகவே இணைய தளத்தில் புதிதாக சக்தி ஆன்லைன் தொடங்கப்பட்டுள்ளது.
பிரபல தொலைக்காட்சிகளில் செய்தி பிரிவில் இருந்த பார்த்திபன் என்பவர் இந்த இணைய தளத்தை தொடங்கியுள்ளார். இந்த இணைய தளத்தில் சென்னையில் உள்ள பிரபல கோவில்கள் பற்றியும் சித்தர்கள், ஆன்மீக கட்டுரைகள் பலவும் அழகாக தொகுக்கப்பட்டுள்ளன. உலகில் உள்ள மிகப்பெரிய ஆலயங்கள் பற்றிய தொடரும் எழுதப்பட்டுள்ளது.
இந்த இணையதளத்தில் பிரபல ஊடகவியலாளர்கள் எழுதி வருகின்றனர். ஏழுமலை வெங்கடேசன் என்பவர் எம்.ஜி.ஆரின் குல தெய்வம் பற்றி எழுதிய கட்டுரையில் பல சுவாரஸ்ய தகவல்களை குறிப்பிட்டுள்ளார்.
புரட்சித் தலைவர் எம்.ஜி.ஆர் கடவுள் பக்தி நிறைந்தவர் என்றும், திருப்பதிக்கு சென்று தரிசனம் செய்துள்ளார் என்றும் ஒரு கட்டுரையில் எழுதப்பட்டுள்ளது. கோயில்களுக்கு போவேனே தவிர, அது வேண்டும் இது வேண்டும் என்று கடவுளிடம் வேண்டிக் கொள்வதெல்லாம் கிடையாது. வேண்டுவதுகூட தப்பில்லை. நமக்கு நேரும் கஷ்டங்களுக்கு கடவுளை குறை சொல்வதுதான் எனக்கு பிடிப்பதில்லை என்பது எம்.ஜி.ஆரின் கருத்தாகும்.
காளி எங்கள் குல தெய்வம். காளியையும் விஷ்ணுவையும் தவறாமல் வணங்கி வந்தார் என் தாய். திருப்பதி வெங்கடாஜலபதி மேல் அவருக்கு ரொம்ப பக்தி என்று தன் குடும்பத்து இஷ்ட தெய்வங்களை பட்டியலிட்டுள்ளார்.
ஜோதிடம் இல்லாத ஆன்மீக தளமா? ஜோதிடம், ராசிபலன், வாரபலன்களும் இந்த இணைய தள பக்கத்தில் இடம் பெற்றுள்ளது. பிரபல ஆன்மீக உபாசகர்களின் உரையும் வீடியோ வடிவில் இடம் பெற்றுள்ளது இந்த http://www.shakthionline.com/ இணைய தளத்தின் சிறப்பம்சமாகும்.
Click it and Unblock the Notifications
Sign in with Google