மூக்குத்தியில் என்ன பிரச்சினை உங்களுக்கு??.. குமுறும் மக்கள்

Published: Monday, May 7, 2018, 13:14 [IST]

Subscribe to Oneindia Tamil

Recommended Video

நீட் தேர்வு எழுத பெங்களூரில் சுவர் ஏறி குதித்த மாணவிகள்!-வீடியோ

சென்னை: சிபிஎஸ்இ அதிகாரிகளின் முட்டாள்தனமான உத்தரவுகள் மக்களை கடுமையாக கொதிக்க வைத்துள்ளன. இந்த விவகாரத்தில் குமரி முதல் டெல்லி வரை மக்களிடையே பெரும் எரிச்சலையே ஏற்படுத்தியுள்ளது நீட் தேர்வறை அதிகாரிகளின் செயல்பாடுகள்.

ஏதோ ஹிட்லர் காலத்து சித்திரவதைக் கூடம் போலவே காட்சி தந்தது நீட் தேர்வறை சோதனைக் காட்சிகள்.

ஒருவர் மூக்குத்தியைப் பிடுங்குகிறார். ஒருவர் காதுக்குள் டார்ச் அடித்துப் பார்க்கிறார். ஒருவர், மாணவியின் டிரஸ்ஸை லூசாக்கி காட்டச் சொல்கிறார். என்ன கொடுமை இது?. கழுத்தில் கிடந்த தங்கச் சங்கிலிக்கு அனுமதி கிடையாது. அட, சாமிக்கு நேர்ந்து போட்ட பாசி மணி மாலையைக் கூட கழற்றி விட்டார்கள்.

இது சாதாரண பரீட்சைதானே

மக்களிடையே இந்த செயல்பாடுகள் மிகவும் எரிச்சலையும், கோபத்தையும் ஏற்படுத்தியுள்ளன. சாதாரண பரீட்சைக்கு ஏன் இந்த அக்கப் போர். அந்த அளவுக்கா சிபிஎஸ்இ அதிகாரிகளுக்கு மூளை மழுங்கிப் போய் விட்டது.

மூக்குத்தியை ஏன் பறிக்கிறீர்கள்

இதில் கொடுமை என்னவென்றால் மாணவிகளின் மூக்குத்தியைக் கூட விடாமல் பிடுங்கியதுதான். ஒரு தந்தை தனது மகளின் மூக்குத்தியைக் கழற்ற முடியாமல் சிரமப்பட்ட காட்சி பெரும் பரிதாபமாக இருந்தது. பின்னர் அந்த மாணவியே போராடி அதை கழற்றி அப்பாவின் கையில் கொடுத்து விட்டு பரபரப்பாக உள்ளே போனார்.

கொடூரர்களாக மாறிய தேர்வறை அலுவலர்கள்

கிட்டத்தட்ட கொடூரர்களாக மாறி விட்டனர் நேற்றைய தேர்வு மைய அதிகாரிகள். வாசலிலேயே நிற்க வைத்து சோதனையிட்டது. காது கம்மலை கழற்றச் சொன்னது. மூக்குத்தியைப் பிடுங்கி விட்டது. தலைமுடியை கலைத்து அலங்கோலமாக்கியது. நினைக்கவே படு கடுப்பாக இருக்கிறது சிபிஎஸ்இயின் புத்திசாலித்தனம்.

எந்த மடையரின் யோசனையோ

மூக்குத்தியில் பிட் அடிக்க முடியும் என்ற எந்த மடையர் கூறிய யோசனை என்று தெரியவில்லை. மூக்குத்திக்குள் எப்படிப்பா பிட் வைத்து அடிக்க முடியும். என்ன மாதிரியான புத்திசாலித்தனம் இது? மக்கள் என்ன சொன்னாலும் செய்ய வேண்டும், என்ன விதிமுறை போட்டாலும் ஏற்க வேண்டும் என்று அடி முட்டாள்தனம் மட்டுமல்ல, சர்வாதிகாரமும் கூட.

தேர்வுகளை நடத்துவது எப்படி என்பதை தமிழகத்திற்கு வந்து டெல்லி சிபிஎஸ்இ அதிகாரிகள் முதலில் கற்றுக் கொள்ள வேண்டும் என்பதையே இந்த அரைகுறை வேலைகள் மீண்டும் நிரூபித்துள்ளன.

Published On May 7, 2018