தேனியில் ஓ பன்னீர்செல்வம் நினைத்தே பார்க்காதது.. கூண்டோடு விலகிய ஆதரவாளர்கள் எடுத்த முடிவு
தேனி: மூன்று முறை அதிமுக சார்பில் முதல்வராக இருந்த ஓ.பன்னீர்செல்வம், அதிமுகவில் சேர முடியாத நிலையில், கடந்த வாரம் சென்னையில் முதல்வர் ஸ்டாலினை சந்தித்து திமுகவில் இணைந்தார். அதிமுகவில் உட்சபட்ச அதிகாரத்துடன் இருந்த ஓ பன்னீர்செல்வம் அக்கட்சியில் ஜெயலலிதாவின் தீவிர விசுவாசியாக இருந்தார். நம்பர் 2 என்கிற அளவில் வளர்ந்த ஓ பன்னீர்செல்வம் இரட்டை தலைமை பிரச்சனையால் வெளியேற்றப்பட்டார். அதனால் அதிமுகவில் இருந்து நீக்கப்பட்ட ஓ பன்னீர்செல்வம், திமுகவில் இணைந்தார். ஆனால் தேனி மாவட்டடத்தில் அவரது ஆதரவாளர்கள் பலர் மொத்தமாக அதிமுகவில் இணைந்துள்ளனர்.
அரசியலில் எதுவும் நிரந்தரம் இல்லை என்பது ஓ பன்னீர்செல்வம் அரசியல் வாழ்க்கையை பார்த்தால் புரியும். ஒரு காலத்தில் அதிமுகவின் ஒருங்கிணைப்பாளராக இருந்த ஓ பன்னீர்செல்வம், கடந்த பிப்ரவரி 27ம் தேதி அன்று, முதல்வர் ஸ்டாலினை சந்தித்து திமுகவில் இணைந்தார். இது தமிழக அரசியலில் ஒரு மிகப்பெரிய பூகம்பத்தையே ஏற்படுத்தியுள்ளது.
ஓ பன்னீர்செல்வம் திமுகவில் இணைந்ததைத் தொடர்ந்து, கடந்த ஒரு வாரத்தில் அவரது ஆதரவாளர்கள் மத்தியில் பெரிய குழப்பமும், கட்சித் தாவல்களும் நடந்தது. நீங்கள் கேட்டபடி, கடந்த ஒரு வாரத்தில் அதிமுகவில் முக்கிய ஆதரவாளர்கள் அடுத்தடுத்து இணைந்தனர். முன்னாள் அமைச்சர் வெல்லமண்டி நடராஜன் ஓபிஎஸ்-ன் மிகத்தீவிர ஆதரவாளராக இருந்தவர். ஓபிஎஸ் திமுகவில் இணைந்த அடுத்த சில மணிநேரங்களிலேயே, "திமுகவிற்குச் செல்ல எனக்கு மனமில்லை" என்று கூறி, எடப்பாடி பழனிசாமியைச் சந்தித்து மீண்டும் அதிமுகவில் இணைந்தார்.
தேனி மாவட்டத்தைச் சேர்ந்த மார்க்கையன்கோட்டை அகிலன் (முன்னாள் சேர்மன்), பெரியகுளம் நகர நிர்வாகிகளுடன் சேர்ந்து மீண்டும் அதிமுகவில் இணைந்தார். அதேபோல் ஓ பன்னீர்செல்வத்தின் சொந்த ஊரான பெரியகுளத்தைச் சேர்ந்த பல உள்ளூர் நிர்வாகிகள், அவரது வீடுகளில் இருந்த ஓபிஎஸ் படங்களை அகற்றிவிட்டு, இபிஎஸ் படங்களை வைத்து மீண்டும் அதிமுகவில் ஐக்கியமாகியுள்ளனர்.
ராஜ்யசபா எம்.பியான ஆர். தர்மர் ஏற்கனவே ஓ பன்னீர்செல்வம் தலைமையிலான அதிமுகவை ஏற்றுக்கொள்வதாகத் தெரிவித்திருந்தார். இப்படி தேனி மாவட்டத்தில் ஓ பன்னீர்செல்வம் ஆதரவாளர்கள் பலரும் கடந்த ஒரு வாரமாக படிப்படியாக அதிமுகவில் இணைந்து வருகின்றனர்.இதன் ஒருபகுதியாக கடமலைக்குண்டு மயிலை ஒன்றிய ஓபிஎஸ் ஆதரவாளர்கள் அதிமுகவில் இணையும் நிகழ்வு கடமலைக்குண்டுவில் நடந்தது. நிகழ்ச்சிக்கு அதிமுக தேனி கிழக்கு மாவட்டச் செயலாளர் முருக்கோடை ராமர் தலைமை வகிக்க, தெற்கு ஒன்றியச் செயலாளர் எஸ்எம்.ராமர் முன்னிலை வகித்தார்.
இதில் க.மயிலை தெற்கு ஒன்றியத்தில் உள்ள 18 கிளைச் செயலாளர்களும் ஓபிஎஸ் அணியில் இருந்து ஒட்டுமொத்தமாக விலகி அதிமுகவில் இணைந்தார்கள்., வனத்தாய்புரம், மண்ணூத்து, சென்றாயபுரம், தேவேந்திரபுரம், கோம்பைத்தொழு, முத்துலாபுரம், வலம்புரி உள்ளிட்ட 18 கிராமங்களைச் சேர்ந்த கிளைச் செயலாளர்கள் விலகியதால் இப்பகுதியில் ஓபிஎஸ் கூடாரம் முற்றிலும் காலியாகி இருக்கிறது.
Click it and Unblock the Notifications
Sign in with Google
