தாய் அமமுகவில்.. மகள் காங்கிரஸில்.. திருப்பூரில் களமிறங்கும் தீபிகா அப்புக்குட்டி.. யார் இவர்?

Published: Tuesday, February 1, 2022, 13:48 [IST]

Subscribe to Oneindia Tamil

திருப்பூர்: திருப்பூர் மாநகரில் 22 வயது பெண்ணுக்கு காங்கிரஸ் கட்சி சார்பில் 55 வது வார்டில் போட்டியிட வாய்ப்பு வழங்கப்பட்டுள்ளது.

Recommended Video

திருப்பூர்: 55 வது வார்டில் காங்கிரஸ் கட்சி சார்பில் போட்டியிடும் 22 வயது ஆன தீபிகா அப்புக்குட்டி - வீடியோ

தமிழகத்தில் உள்ள 21 மாநகராட்சிகள், 138 நகராட்சிகள், 490 பேரூராட்சிகள் என அனைத்து நகர்ப்புற உள்ளாட்சி அமைப்புகளுக்கும் வரும் பிப்ரவரி 19 ஆம் தேதி தேர்தல் நடத்தப்படுகிறது.

12,838 பதவியிடங்களுக்கான நகர்ப்புற உள்ளாட்சி பிரதிநிதிகள் நேரடி தேர்தல் மூலம் தேர்ந்தெடுக்கப்பட உள்ளனர். மொத்தம் 1,298 பதவியிடங்களுக்கு மார்ச் 4-ஆம் தேதி மறைமுகத் தேர்தல் நடைபெறும் என்று அறிவிக்கப்பட்டுள்ளது.

காங்கிரஸுக்கு 5 வார்டுகள்

திமுக கூட்டணியில் இடம்பெற்றுள்ள காங்கிரஸுக்கு திருப்பூரில் 5 வார்டுகள் ஒதுக்கி இடப்பங்கீடு நேற்று இறுதி செய்யப்பட்டது. அப்போதே அந்த 5 வார்டில் யார் யார் போட்டியிடுகிறார்கள் என்ற விவரமும் வெளியிடப்பட்டது. அதன்படி 25 வது வார்டில் பூபேஷ் , 30 வது வார்டில் முத்துலட்சுமி , 48 வது வார்டில் விஜயலட்சுமி , 51 வது வார்டில் செந்தில்குமார் , 55 வது வார்டில் தீபிகா அப்புக்குட்டி ஆகியோர் போட்டியிடுவார்கள் என அறிவிக்கப்பட்டுள்ளது.

தீபிகா அப்புக்குட்டி

இதில் 55-வது வார்டில் போட்டியிடும் தீபிகா அப்புகுட்டி என்பவர் கவனிக்கத்தவராக உள்ளார். 22 வயது ஆன தீபிகா அப்புக்குட்டி கடந்த 2020 ஆம் ஆண்டு அக்டோபர் மாதம் தான் காங்கிரஸ் கட்சியில் இணைந்தார். இவருடைய தாய் விசாலாட்சி அதிமுக கட்சியில் திருப்பூர் மாநகரின் மேயராக பதவி வகித்தார்.

அமமுக

ஜெயலலிதா மறைவிற்கு பிறகு அதிமுகவில் இருந்து விலகி அமமுகவில் இணைந்தார். கடந்த சட்டமன்ற தேர்தலின் போது திருப்பூர் தெற்கு தொகுயில் போட்டியிட்டு தோல்வி அடைந்தார். தற்போதும் விசாலாட்சி அமமுகவில் தான் உள்ளார். தாய் அமமுகவில் இருக்கும் போதே அவரின் மகள் தீபிகா அப்புகுட்டி காங்கிரஸ் கட்சி சார்பில் கவுன்சிலராக போட்டியிட உள்ளார் என்பது குறிப்பிடத்தக்கது.

பிரியதர்ஷினி

தமிழ்நாடு பிரியதர்ஷினி காங்கிரஸ் மாநில ஒருங்கிணைப்பாளராகவும் திருப்பூர் தீபிகா அப்புக்குட்டி நியமிக்கப்பட்டுள்ளார். இந்த முறை தமிழக உள்ளாட்சி தேர்தலிலும் 5 மாநில சட்டசபை தேர்தல்களிலும் காங்கிரஸ் சார்பில் இளைஞர்கள் போட்டியிட வாய்ப்பு வழங்கப்படும் என தெரிகிறது.

Published On February 1, 2022