வெற்றி பெறுவது எளிது... தோல்வி அடைவது அவ்வளவு எளிதானது அல்ல.. டொனால்ட் டிரம்ப்
வாஷிங்டன்: வெற்றி பெறுவது எளிதானது; தோல்வி அடைவது ஒருபோதும் எளிதானது அல்ல என கூறியுள்ளார் அமெரிக்க அதிபர் டொனால்ட் டிரம்ப்.
அமெரிக்க அதிபர் தேர்தலுக்கான வாக்குப் பதிவு நடைபெற்று வருகிறது. தேர்தல் கருத்து கணிப்புகள் பொதுவாக ஜனநாயக கட்சி வேட்பாளர் ஜோ பிடனுக்கு வெற்றி வாய்ப்பு இருப்பதாக கூறுகின்றன.
இருந்தபோதும் அதிபர் டொனால்ட் டிரம்ப், எப்படியும் வெல்வோம் என்ற நம்பிக்கையில் படுதீவிரமாக உள்ளார். அமெரிக்க அதிபர் தேர்தல் முடிவடைந்த பின்னர் வெற்றியை ஏற்றுக் கொண்டும் தோல்வியை ஒப்புக் கொண்டும் உரைகள் வாசிக்கப்படுவது வழக்கம்.
இதனை ஒருநடைமுறையாக வைத்திருக்கின்றனர். இதனிடையே தற்போதைய தேர்தலில் தோல்வியை ஏற்றுக் கொள்கிற உரையை தயாரித்துவிட்டீர்களா? என டொனால்ட் டிரம்ப்பிடம் கேள்வி எழுப்பப்பட்டது.
அதற்கு பதிலளித்த டிரம்ப், வெற்றி பெறுவது எளிது. தோல்வியை தழுவுவத் ஒருபோதும் எளிதானது அல்ல; தேர்தல் முடிவுகளுக்கு பிந்தைய உரையை தயாரிப்பது தொடர்பாக சிந்திக்கவே இல்லை என கூறியுள்ளார்.
Click it and Unblock the Notifications
Sign in with Google