திருநள்ளாறு சனீஸ்வர கோயிலில் நவக்கிரக சன்னிதி இல்லாதது ஏன்? காளஹஸ்தியிலும் இல்லையே!

சென்னை: திருக்கடையூர், திருநள்ளார் உள்ளிட்ட கோயில்களில் நவக்கிரகங்கள் ஏன் இல்லை என்பதை தெரிந்து கொள்ளுங்கள். சிவன் கோயில் என்றாலே நவக்கிரகங்களும் இருக்கும். ஆனால் சில கோயில்களில் அவை இல்லை. இதற்கு ஒரு கதை உண்டு.

இதுகுறித்து குவோராவில் ரத்தினம் வடிவேல் சேகர் என்பவர் கூறியிருப்பதாவது: எங்கெல்லாம் எமன் சிவனை வழிபட்டுள்ளாரோ அங்கெல்லாம் நவக்கிரகங்கள் இருக்காது என்பதை பற்றி விளக்கும் எளிய கதை

🌺 தமிழகத்தில் அனைத்து சிவாலயங்களிலும் நவக்கிரக சன்னிதி இடம் பெற்றிருக்கும்.
🌺நவக்கிரகங்கள் இல்லாத பிரசித்தி பெற்ற புராதன சிவாலயங்கள் கோளிலி தலங்கள் எனப்படுகின்றன.
🌺இத்தலங்களில் வணங்க எம வாதனை இருக்காது. வினைகள் அறும். முக்தி சித்திக்கும். எங்கெல்லாம் எமன் சிவனை வழிபட்டுள்ளாரோ அங்கெல்லாம் நவக்கிரகங்கள் இருக்காது.
🌺திருவான்மியூர் மருந்தீஸ்வரர் கோயிலில் நவக்கிரகம் இல்லை. ஏனென்றால் அங்கு எமன் வந்து வழிபட்ட தலம்.
🌺திருநள்ளாறு தர்பாரண்யேஸ்வரர் கோயிலிலும் நவக்கிரக சந்நதி இல்லை. அங்கும் எமன் வந்து வழிபட்டதாகக் கூறப்படுகிறது.
🌺ஸ்ரீவாஞ்சியம். இங்கு எமனுக்கு முக்கியத்துவம். இங்கு எமன் சிவனை வழிபட்டதாக ஐதீகம்.
🌺திருவாவடுதுறை. இங்கு எமன் சிவனை வழிபட்டதாக வரலாறுகள் உள்ளன.
🌺திருப்பைஞ்சீலி, வாழை மரத்தைத் தலவிருட்சமாகக் கொண்ட சிவஸ்தலம். திருச்சிக்கு அருகில் உள்ள இந்த தலத்திலும் நவகிரகங்கள் கிடையாது.
🌺திருக்கடையூர் மானிடர்களின் உயிரைப் பறித்த எமனுக்கு சிவன் இங்கு மறுபடியும் உயிரை எடுக்கும் அதிகாரம் வழங்கியதாக ஐதீகம்
🌺காளஹஸ்தி. பஞ்சபூத தலங்களில் இது வாயு ஸ்தலம். அங்கு ஒன்பது படிகள் கொண்ட தங்க ஏணியில் ஒவ்வொன்றிலும் மூன்று மலர்கள் பொறிக்கப்பட்டிருக்கும்.
🌺இந்த 3*9 என்பது 27 நட்சத்திரத்தைக் குறிக்கும். 27 நட்சத்திரங்களும் இந்த ஏணியில் ஆவாகனம் செய்யப்பட்டிருக்கிறது. இந்த ஏணி சிவலிங்கத்தின் மீது சாய்த்து வைக்கப்பட்டிருக்கும். அதைத் தீபாராதனை காட்டும் போது மட்டும் தான் பார்க்க முடியும்.
🌺திருமழபாடி. திருவையாற்றுக்கு அருகில் உள்ளது. அங்கும் நவகிரக சந்நிதி இல்லை.திருவெண்காடு. இங்கிருக்கும் நடராஜர் சிதம்பரத்தை விடப் பழமையானவர்.திருப்புறம்பியம். இங்கும் நவக்கிரகம் கிடையாது. இவ்வாறு அவர் தெரிவித்துள்ளார்.

English summary

Why there is no Navagrahas in Thirukadaiyur temple and Thirunallar Saneeswara temple?