நடிகர் சார்லி மகனின் திடீர் திருமணம்.. முதலமைச்சர் ஸ்டாலின் என்ட்ரி.. மணமகள் இந்த பிரபலமா?
சென்னை: நடிகர் சார்லியின் மகன் திருமணத்தில் முதலமைச்சர் மு க ஸ்டாலின் கலந்து கொண்டு மணமக்களை வாழ்த்தியிருக்கும் நிலையில் இந்த புகைப்படங்கள் இணையத்தில் வெளியாகியிருக்கிறது. அதோடு நடிகர் சார்லி மகன் திருமணத்தில் யாரெல்லாம் கலந்து கொண்டார்கள் என்பது பற்றி விரிவாக பார்க்கலாம்.
இன்று காலையில் இருந்தே பல பிரபலங்களின் வீட்டு திருமண புகைப்படங்கள் மற்றும் செய்திகள் தான் இணையத்தில் வந்து குவிந்த வண்ணமாக இருக்கிறது. ஏற்கனவே நடிகர் அர்ஜுன் மகள் திருமணம் புகைப்படங்கள் வெளியாகி பரபரப்பை ஏற்படுத்தி இருந்தது. அதைத் தொடர்ந்து இப்போது நடிகர் சார்லியின் மகன் திருமண புகைப்படங்களும் இணையத்தில் வெளியாகி இருக்கிறது.
ஜூன் மாதம் தொடங்கியதுதான் தொடங்கியது ஒரு பக்கம் ஸ்கூல் திறந்து விட்டது என்று பெற்றோர் நிம்மதி பெருமூச்சு விடும் நேரத்தில் மறுபக்கத்தில் திருமண சுபக்காரியங்கள் அடுத்தடுத்து வந்து கொண்டே இருக்கிறது. ஒரே நேரத்தில் பலர் வீட்டில் பங்க்ஷன் கொண்டாடப்படுவதால் மக்கள் எங்கு போவது என்று தெரியாமல் தவித்துக் கொண்டிருக்கிறார்கள். அதே நேரத்தில் பல பிரபலங்களும் தங்களுடைய வீட்டில் அடுத்தடுத்து பங்ஷன்களை வைத்து கொண்டிருக்கிறார்கள். அந்த வரிசையில் நடிகர் சார்லின் குடும்பமும் இடம் பிடித்திருக்கிறார்கள்.
தமிழ் சினிமாவில் காமெடி நடிகராக கலக்கி வரும் நடிகர் சார்லி குணசித்திர நடிகராகவும் பிரபலம் அடைந்திருக்கிறார். இவர் அதிகமாக படித்திருந்தாலும் அரசு வேலையை உதறித் தள்ளிவிட்டு நடிகனாகத்தான் ஆகுவேன் என்று பிடிவாதமாக இருந்தார். 1983 ஆம் ஆண்டு பொய்க்கால் குதிரை என்ற திரைப்படத்தின் மூலமாக சினிமாவில் அறிமுகமான சார்லி காமெடியான கேரக்டரிலும், துணை நடிகராகவும் கிட்டத்தட்ட 800-க்கும் மேற்பட்ட படங்களில் நடித்திருக்கிறார்.
அதிலும் இவர் நடித்த பிரண்ட்ஸ் திரைப்பட காமெடி அவ்வளவு சீக்கிரத்தில் யாராலும் மறந்து விட முடியாது. அதுபோல விஜயுடன் காதலுக்கு மரியாதை, கண்ணுக்குள் நிலவு, அஜித்துடன் அமர்க்களம் என்று பல திரைப்படங்களில் நடித்திருக்கிறார். அதிலும் "வெற்றி கொடி கட்டு" திரைப்படத்தில் இவருடைய நடிப்பு இப்போதும் பலரையும் கண்கலங்க வைத்து விடும்.
இந்த நிலையில் சார்லியின் மகன் அஜய் தங்கசாமி பெர்மிசியாடெமி ஆகிய இருவருக்கும் நேற்றைய தினம் திருமண வரவேற்பு பிரம்மாண்டமாக நடைபெற்று இருக்கிறது. இன்று அவர்களுடைய திருமணம் நடைபெற்று இருக்கிறது. இதில் ரிசப்ஷனில் பல பிரபலங்களும் கலந்து கொண்டு இருக்கின்றனர். அவர்களோடு முதலமைச்சர் ஸ்டாலினும் கலந்து கொண்டு மணமக்களை வாழ்த்தி உள்ளார். தற்போது இந்த புகைப்படங்கள் இணையத்தில் வைரலாகி வருகிறது.
Click it and Unblock the Notifications
Sign in with Google