Actor Sri: நான் இப்போ மாறிட்டேன்.. கம்பேக் கொடுத்திருக்கிறேன்.. வெள்ளிக்கிழமை சம்பவம்! நடிகர் ஸ்ரீ பதிவு

சென்னை: விஜய் டிவியில் ஒளிபரப்பான கனா காணும் காலங்கள் சீரியல் மூலம் பிரபலமடைந்த நடிகர் ஸ்ரீ சில மாதங்களுக்கு முன்பு ஆளே அடையாளம் தெரியாத அளவிற்கு மாறியிருந்தார். இப்போது மீண்டும் தன் பழைய நிலைக்கு மாறி இருப்பதாகவும் தான் எழுதிய புத்தகம் பற்றியும் ஒரு பதிவு ஒன்று வெளியிட்டு இருக்கிறார். அவருக்கு ரசிகர்கள் பலரும் வாழ்த்துக்கள் தெரிவித்து வருகிறார்கள்.

நடிகர் ஸ்ரீ பற்றிய செய்தி சில மாதங்களுக்கு முன்பு இணையத்தில் பெரிய அளவில் பரபரப்பை ஏற்படுத்தியது. விஜய் டிவியில் கலக்கப்போவது யாரு, கனா காணும் காலங்கள் போன்ற நிகழ்ச்சிகளில் கலந்து கொண்ட ஸ்ரீ வழக்கு எண் 16, மாநகரம், இறுகப்பற்று போன்ற பல திரைப்படங்களிலும் நடித்திருந்தார். ஆனால் கடந்த சில மாதங்களுக்கு முன்பு அவர் வெளியிட்ட வீடியோக்கள் தான் அனைவரையும் அதிர்ச்சி அடைய வைத்தது. ஆளே அடையாளம் தெரியாத அளவிற்கு உடல் மெலிந்து போய் இருந்தார்.

ஸ்ரீயின் மாற்றம்

அதிலும் தலைமுடி எல்லாம் நீண்டு வளர்த்து தாடியோடு இருந்ததை பார்த்ததும் இது மாநகரம் ஸ்ரீயா என்பது பலருக்கும் கேள்வி எழுப்பும் வகையில் இருந்தது. அதுபோல ஒரு தனி அறைக்குள் தானே சமைத்து சாப்பிட்டு கொண்டு இருந்த ஸ்ரீ தன்னுடைய உறவினர்கள் நண்பர்கள் என யாரிடமும் பேசாமல் தனியாக இருந்தார். தனக்கு சில திரைப்படங்களில் இன்னும் சம்பளம் கொடுக்கப்படவில்லை என்று தன்னுடைய சோசியல் மீடியா பக்கங்களில் பகிர்ந்து இருந்தார்.

பலருடைய கூட்டு முயற்சி

அதுபோல சில ஆபாசமான வீடியோக்களையும் வெளியிட்டு இருந்தார். இதை பார்த்ததும் அவருடைய நண்பர்கள், இயக்குனர் மிஸ்கின், லோகேஷ் கனகராஜ் உட்பட ஸ்ரீ நடித்த திரைப்பட இயக்குனர்கள் ஸ்ரீ இடம் தொடர்பு கொண்டு அவரை மருத்துவ சிகிச்சை அளிக்க வேண்டும் என்று கூறி வந்தனர். அனைவருடைய கூட்டு முயற்சியால் ஸ்ரீ அவருடைய குடும்பத்துடன் சேர்ந்து சிகிச்சை பெற்று வந்தார்.

மீண்டும் கம்பேக்

அதோடு தான் சோசியல் மீடியாவில் இருந்து சில மாதங்களாக ரெஸ்ட் எடுத்துக்கொள்ளப் போவதாகவும் அறிவித்திருந்தார். இந்த நிலையில் சில மாதங்கள் கழித்து இப்போது ஸ்ரீ தன்னுடைய இன்ஸ்டாகிராம் பக்கத்தில் ஒரு பதிவு வெளியிட்டிருந்தார். அதில் மே ஐ கம் இன் (may I come in) என்ற ஒரு இங்கிலீஷ் நாவலை தான் எழுதியதாக அறிவித்திருந்தார். அந்த நாவல் அமேசான் தளத்தில் கிடைக்கும் என்றும் அதில் கூறியிருந்தார்.

நடிகர் ஸ்ரீ எழுதிய புத்தகம்

இவருக்கு ரசிகர்கள் பலரும் வாழ்த்துக்கள் தெரிவித்திருந்தனர். இந்த நிலையில் இன்று தன்னுடைய இன்ஸ்டாகிராம் பக்கத்தில் ஸ்ரீ ஒரு வீடியோ வெளியிட்டு இருக்கிறார். அதில் தான் கம்பேக் கொடுத்திருப்பதாகவும் தனக்கு ரசிகர்கள் ஆதரவு தர வேண்டும் என்று வேண்டுகோள் விடுத்திருக்கிறார். அதோடு தான் எழுதிய மே ஐ கமிங் "may I coming" என்ற புத்தகம் 220 ரூபாய் வருகிறது, அதை எல்லோரும் வாங்கி படிக்கலாம் என்றும் கூறியிருக்கிறார்.

இயக்குனர் கனவு

அதில் காதல், ட்ராமா, சென்சிடிவ் என எல்லா விஷயங்களும் இணைந்து இருக்கிறது என்று கூறி இருக்கிறார். ஸ்ரீ நடிகராக பலருக்கும் தெரிந்தாகும் அவருடைய நெருங்கிய நண்பர்கள் அவர் சினிமா இயக்க வேண்டும் என்ற கனவோடு இருந்தார், ஆனால் சினிமா இயக்க வேண்டும் என்பதுதான் அவருடைய நெடுநாள் முயற்சியாக இருந்தது என்றும் கூறியிருக்கிறார்கள். தன்னுடைய ஆசை கனவுப்படி இப்போது நாவல் எழுத தொடங்கி இருக்கும் ஸ்ரீக்கு ரசிகர்கள் பலரும் வாழ்த்து தெரிவித்து வருகிறார்கள்.

English summary

Actor Shri, known for his roles in Vijay TV’s Kana Kaanum Kaalangal and films like Maanagaram, made headlines a few months ago due to his shocking physical transformation and disturbing social media posts. He appeared drastically thin, with long hair and beard, and was seen living in isolation, even claiming that some filmmakers hadn’t paid him for past work.