மீண்டும் சீரியலில் களமிறங்கும் ரச்சிதா மகாலட்சுமி.. இப்படி ஒரு கேரக்டரா? இனி கலக்கல் தான்

Updated: Saturday, August 5, 2023, 13:19 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வந்த சரவணன் மீனாட்சி சீரியலின் மூலமாக பிரபலமடைந்த நடிகை ரச்சிதா பிக் பாஸ் நிகழ்ச்சிக்கு பிறகு எந்த சீரியலிலும் நடிக்காமல் இருந்தார்.

இந்த நிலையில் தன்னுடைய இன்ஸ்டாகிராம் பக்கத்தின் மூலமாக கம்மிங் சூன் என்று புதிய வீடியோ ஒன்றை வெளியிட்டு இருக்கிறார்.

Actress Rachitha Mahalakshmi who will be back in the serial what is the character

இந்த நிலையில் மீண்டும் ரச்சிதா சீரியலுக்கு வந்ததை அதிகமான ரசிகர்கள் பாராட்டி வரவேற்று வருகிறார்கள்.

விஜய் டிவியில் ஒளிபரப்பான பிரிவும் சந்திப்போம் சீரியலின் மூலமாக சின்னத்திரையில் தமிழ் சீரியலில் அறிமுகமான நடிகை ரச்சிதா மகாலட்சுமி அதைத் தொடர்ந்து சரவணன் மீனாட்சி சீரியலில் நடித்து பட்டி தொட்டி எல்லாம் பிரபலமடைந்தார். முதல் சீரியலில் கருப்பான கிராமத்து பெண்ணாக நடித்திருந்த ரச்சிதா அதைத் தொடர்ந்து தொடர்ச்சியாக சரவணன் மீனாட்சி சீரியல்களில் எல்லா சீசன்களிலும் கதாநாயகியாக நடித்து வந்தார்.

அது மட்டுமல்லாமல் அதை தொடர்ந்து விஜய் டிவியில் ஒளிபரப்பாகி வந்த நாம் இருவர் நமக்கு இருவர் என்ற சீரியலிலும் ஜீ தமிழில் நாச்சியார் புறம், இது சொல்ல மறந்த கதை என்ற சீரியல்களில் தொடர்ச்சியாக நடித்து வந்த நிலையில் கடைசியாக பிக் பாஸ் தமிழ் சீசன் 6 நிகழ்ச்சியில் ஒரு போட்டியாளராக கலந்து கொண்டார்.

இந்த நிகழ்ச்சியில் கலந்து கொள்வதற்காக பல வருடங்களாக ரச்சிதா முயற்சி செய்திருந்த நிலையில் கடந்த முறை தான் அவருக்கு வாய்ப்பு கிடைத்தது. அதுவும் கடைசி வரைக்கும் இந்த நிகழ்ச்சியில் இருக்க வேண்டும் என்று என் நினைத்திருந்த ரச்சிதா பைனலுக்கு சில வாரங்களுக்கு முன்பு எலிமினேஷன் ஆகி இருந்தார்.

அதைத்தொடர்ந்து தனக்கு புதிய சினிமா வாய்ப்பு கிடைத்திருப்பது என்று ரச்சிதா தன்னுடைய இன்ஸ்டாகிராம் மூலம் தெரிவித்திருந்தார். அதைத் தொடர்ந்து இலங்கைக்கு சூட்டிங் சென்று வந்த ரச்சிதா அதற்குப் பிறகு அந்த சினிமா பற்றி எந்த அப்டேட்டும் கொடுக்காமல் இருந்தார். இந்த நிலையில் தற்போது போலீஸ் உடையில் இருக்கும் வீடியோவை பகிர்ந்து கம்மிங் சூன் என்று வீடியோ வெளியிட்டு இருக்கிறார். இது அதிகமான வரவேற்பை பெற்றிருக்கிறது.

ரச்சிதா எந்த சீரியலில் நடிக்கிறார் என்ற தகவல்கள் உறுதியாக வெளியாகவில்லை. என்றாலும் இவருடைய கம்பீரமான கெட்டப் பலரை கவர்ந்திருக்கிறது. அதுபோல இவருடைய கேரக்டரின் பெயர் ஸ்ருதி என்று தெரிய வந்திருக்கிறது.