பல வருடம் கழித்து விளம்பரத்தில் நடித்த அஜித்.. வலுக்கும் எதிர்ப்புகள், ரசிகர்களே இப்படி சொல்றாங்க

சென்னை: தமிழ் சினிமாவில் நடிகர் அஜித் குமாருக்கு கிடைத்த ரசிகர் அந்தஸ்து ரொம்பவே தனிச்சிறப்பு வாய்ந்தது. ஆரம்ப காலங்களில் "காதல் மன்னன்", "அல்டிமேட் ஸ்டார்" என்ற அடைமொழிகளுடன் கொண்டாடப்பட்ட அஜித், தீனா படத்துக்கு பிறகு "தல" என்ற பெயரிலேயே ரசிகர்களின் மனதில் இடம் பிடித்தார். ஒரு கட்டத்தில் ரசிகர் மன்றங்கள், கோஷங்கள், பால் அபிஷேகம் எல்லாம் அதிகரிக்க, அஜித்தே நேரடியாக வந்து "இதெல்லாம் வேண்டாம்" என்று சொல்லி ரசிகர் மன்றங்களையும் கலைத்தார். அதுமட்டுமல்ல, "தலன்னு கூட என்னை அழைக்க வேண்டாம்" என்று பல முறை அவர் சொல்லியும் இருக்கிறார்.

அஜித்தின் இன்னொரு முக்கியமான குணம் என்னவென்றால் - பட புரமோஷன். 'விடாமுயற்சி', 'குட் பேட் அக்லி' போன்ற படங்களுக்கு 100 கோடி ரூபாய்க்கும் மேலான சம்பளம் வாங்கினாலும், எந்த ஆடியோ லான்ச்சுக்கும் வரவில்லை. எந்த ஸ்டேஜிலும் பேசவில்லை. ரசிகர்களை நேரில் சந்திப்பது கூட அரிது.

அந்த பக்கம் பார்த்தால், விஜய் 'ஜனநாயகன்' படம் ரிலீஸ் ஆகும் முன்பே ஆடியோ லான்ச் வைத்து தயாரிப்பு நிறுவனத்திற்கு பெரிய வருமானம் ஈட்டிக் கொடுத்தார் என்கிற பேச்சும் ஓடுகிறது. இதையெல்லாம் பார்த்து "அஜித் இப்படியேதான்" என்று ரசிகர்கள் பழகி போயிருந்தார்கள்.

ஆனால், பல வருடங்களாக "விளம்பரம் இல்லை", "புரமோஷன் இல்லை" என்று கண்டிப்பாக இருந்த அஜித், திடீரென ரிலையன்ஸ் நிறுவனத்தின் 'கேம்பா எனர்ஜி' (Campa Energy) எனர்ஜி டிரிங் விளம்பரத்தில் நடித்தது தான் இப்போ பெரிய சர்ச்சையாக மாறி இருக்கிறது.

அஜித் அந்த பானத்தை அருந்துவது போல வெளியான புகைப்படங்கள், வீடியோக்கள் சமூக வலைதளங்களில் வேகமாக பரவ, அதைவிட வேகமாக விமர்சனங்களும் குவிந்தன.

ரசிகர்களே எதிர்க்கும் அரிய காட்சி

வழக்கமாக அஜித்தை யாராவது கிண்டல் செய்தால், உடனே அரணாக நின்று பாதுகாக்கும் அவரது ரசிகர்களே இப்போது "இது தப்பு தான்" என்று வெளிப்படையாக பேச ஆரம்பித்திருப்பது தான் பலரையும் ஆச்சரியப்பட வைத்துள்ளது.

"தயாரிப்பாளர்கள் காசு போட்டுப் படம் எடுக்கிறப்போ ஒரு ஸ்டேஜ்க்கு கூட வராத நீங்க, உங்க சொந்த ரேசிங் கம்பெனிக்காக இப்படி ஒரு குளிர்பான விளம்பரமா?" "இளைய ரசிகர்களை நலம் வாழ ஊக்குவிக்கிறவர் இப்படியொரு எனர்ஜி டிரிங்கை பிரபலப்படுத்தலாமா?"
என கேள்விகள் எழுப்பி, சட்டையை பிடித்து உலுக்காத குறையாக பதிவுகள் போட்டு வருகிறார்கள்.

விளம்பரத்துக்குப் பின்னால் இருக்கும் உண்மை

இதற்கு இன்னொரு பக்கம் விளக்கம் சொல்லும் ரசிகர்களும் இருக்கிறார்கள். அஜித்துக்கு சிறுவயதிலிருந்தே பைக், கார் ரேசிங் மீது தீராத ஆர்வம். அந்த ஆர்வத்தின் விளைவாக தான் 'Ajith Kumar Racing' என்ற அணியை தொடங்கி, இதுவரை சினிமாவில் சம்பாதித்த பெரும்பாலான பணத்தையும் அதில் முதலீடு செய்துள்ளார்.

இந்த அணியில் வெளிநாட்டு வீரர்களும் இருப்பதால், சர்வதேச போட்டிகள், தொழில்நுட்ப வசதிகள் என மிகப் பெரிய செலவுகள் தேவைப்படுகிறது. அதனால் தான் ஸ்பான்சர்ஷிப்புக்காக இந்த 'கேம்பா எனர்ஜி' விளம்பரத்தில் நடித்துள்ளார் என்றும், அதற்காக பெரிய தொகை பெற்றுள்ளார் என்றும் சொல்லப்படுகிறது.

இதற்கிடையில், "கடவுளே அஜித்தே"ன்னு கத்தின ரசிகர்களே இப்போ "தப்புன்னா தப்பு தான்"ன்னு கேள்வி கேட்குற நிலைக்கு வந்திருப்பது தான் இந்த விவகாரத்தின் ஹைலைட். ஒருபக்கம் விஜய் ரசிகர்களே கூட "இதில் அஜித் ரசிகர்கள் பேசுவது நியாயம் தான்" என்று சொல்லும் அளவுக்கு இந்த விவாதம் பெரிதாகி இருக்கிறது.

English summary

Ajith Kumar: Tamil superstar Ajith Kumar, known for his strict stance against promotions, fan clubs, and commercial endorsements, has surprised fans by appearing in a Campa Energy drink advertisement after many years. Ajith, who has repeatedly asked fans not to idolise him or use titles like “Thala,” has also consistently avoided audio launches and film promotions despite commanding massive salaries. This sudden shift has led to intense criticism on social media, notably from his own fan base—a rare sight. Fans question why Ajith, who avoids film-stage appearances for producers, would endorse an energy drink, especially given concerns about influencing young audiences. Supporters defending him point to his deep passion for motorsports and the financial demands of running the Ajith Kumar Racing team, suggesting the endorsement is tied to sponsorship needs. The debate has grown so large that even rival fan groups acknowledge the criticism as fair, making this controversy a significant moment in Ajith’s public image.