அடுத்த “கல்யாணம்”பற்றி திடீர் என்று பேசிய டிடி..அக்கா பிரியதர்ஷினி சொன்ன வார்த்தை.. நல்ல முடிவு தான்

சென்னை: தொகுப்பாளர் டிடி திருமண வாழ்க்கை குறித்து அது பற்றிய கேள்விகள் குறித்து முதல் முறை பதிலளித்திருக்கிறார்.

அவரோடு அவருடைய அக்கா எதிர்நீச்சல் நடிகை பிரியதர்ஷினியும் டிடி யின் கருத்துக்கு ஆதரவு தெரிவித்திருக்கிறார்.

இந்த நிலையில் என்ன நடந்தது என்பது பற்றி விரிவாக பார்க்கலாம்.

தொகுப்பாளர் என்று சொன்னதுமே ஒரு சிலருடைய முகம் உடன் டக் என்று நினைவிற்கு வரும் அந்த வகையில் டிடி பல வருடங்களாகவே தொலைக்காட்சி தொகுப்பாளராக இருந்து வருகிறார். இதற்கு முன்பாக சில திரைப்படங்களிலும் நடித்திருக்கிறார். ஆனால் அதிகமாக தொகுப்பாளராக தான் பிரபலம் ஆகி இருக்கிறார்.

கிட்டத்தட்ட 20 வருடங்களுக்கு மேலாக தொலைக்காட்சி தொகுப்பாளராக கொடி கட்டி பறந்து வரும் இவரை சமீபத்தில் அதிகமாக நிகழ்ச்சியில் பார்க்க முடியவில்லை. ஆனாலும் சுந்தர் சி இயக்கத்தில் 2022 ஆம் ஆண்டு வெளியான காபி வித் காதல் படத்தில் முக்கிய கதாபாத்திரத்தில் நடித்திருந்தார். அதைத் போல 2014 ஆம் ஆண்டு தன்னுடைய நீண்ட நாள் நண்பரும் உதவி இயக்குனருமான ஸ்ரீகாந்த் ரவிச்சந்திரனை குடும்பத்தினர் சம்மதத்தோடு திருமணம் செய்து இருந்தார்.

இந்த நிலையில் ஒரு சில மாதங்களுக்குள் இவர்களுக்குள் கருத்து வேறுபாடு ஏற்பட்டு பிரிந்து வாழ்ந்து வந்தனர். பிறகு விவாகரத்தும் ஆகிவிட்டது. அதைத் தொடர்ந்து அதிகமான முறை டிடி இரண்டாவது திருமணம் செய்ய போகிறார் என்று வதந்திகள் பரவிக் கொண்டே இருந்தது. இந்த நிலையில் இது குறித்து சமீபத்தில் பேட்டியில் டிடி மனம் திறந்து பேசி இருக்கிறார்.

அதில் பத்து ஆண்டுகளுக்கு முன்பு திருமணம் குறித்து என்னுடைய புரிதல் வேறாக இருந்தது. இப்போது அது மாறிவிட்டது. திருமணம் செய்து கொள்வது அவரவர் விருப்பம். திருமணம் செய்து கொண்டால் தான் வாழ்க்கை முழுமையடையும் என்றெல்லாம் கிடையாது. திருமணம் செய்து ஆக வேண்டும் என்று எந்த கட்டாயமும் கிடையாது.

திருமணம் என்பது வாழ்க்கையில் ஒரு பகுதி தான். திருமணம் செய்யாமல் இருப்பதால் என்னுடைய வாழ்க்கை குறித்து நீங்க யாரும் சர்டிபிகேட் கொடுக்க வேண்டாம். அது எனக்கு தேவையையும் இல்லை. எனக்கான சர்டிபிகேட்டை நானே எனக்கு கொடுத்துக் கொள்வேன். என்னைப் பற்றி எனக்குத் தான் முழுமையாக தெரியும் என்று கூறியிருக்கிறார்.

அதற்கு அவருடைய அக்கா எதிர்நீச்சல் சீரியலில் நடிக்கும் நடிகை பிரியதர்ஷினி திருமண வாழ்க்கை என்பது அவர்களுடைய இஷ்டம் நாங்கள் கூட அதைப்பற்றி அவளுடைய முடிவு சரியாக இருக்கும் என்று நினைத்திருக்கிறோம். ஆனால் பலர் அறிவுரை சொல்வதாக நினைத்து தவறாக பேசிக் கொண்டிருக்கிறார்கள். அது டிடியை மட்டுமல்லாமல் யாரையும் இப்படி காயப்படுத்தி கருத்து கூற வேண்டாம் என்றும் கூறியிருக்கிறார்.

English summary

Host DD answers questions about married life for the first time. Along with him, his sister anti-swimming actress Priyadarshini has also supported DD's opinion. Let's take a closer look at what happened at this stage.