பிக் பாஸ் 6:என்னோட மகள் வயசு பொண்ணு..! நான் எப்படி? கதறி அழுத ஜி.பி முத்து.. இப்படி ஒரு குற்றசாட்டா?

Updated: Thursday, October 13, 2022, 19:01 [IST]

Subscribe to Oneindia Tamil

சென்னை:பிரம்மாண்டமாக ஆரம்பிக்கப்பட்டுள்ள பிக் பாஸ் 6 சீசனில் பல்வேறு துறையை சார்ந்த பிரபலங்கள் போட்டியாளர்களாக களம் இறங்கி உள்ளனர்.

ஒரு உரைக்குள் இரண்டு கத்தி என்பது போல் டிக் டாக் பிரபலங்களான ஜி.பி முத்துவும் தனலட்சுமி உரசி கொள்வது பிக் பாஸ் போட்டியின் விறுவிறுப்பை கூட்டி இருப்பதோடு மட்டுமின்றி, மற்றொரு டிக் டாக் பிரபலமான தனலட்சுமி மீதான வெறுப்பை ரசிகர்கள் மத்தியில் ஏற்படுத்தி உள்ளதாக பலர் கூறி வருகின்றனர்.

களம் இறங்கியதும் கதாநாயகன்

ஜி.பி முத்து பிக் பாஸ் நிகழ்ச்சியில் போட்டியாளராக களம் இறங்கியதிலிருந்து ஜி.பி முத்துவை குறித்த மீம்ஸ்களும் கலாய்ப்பு வீடியோக்களும் இணையத்தை ஆக்கிரமிக்க துவங்கி விட்டன. தன்னுடைய வெகுளித்தனமான பேச்சாளும் நடவடிக்கைகளாலும் பெரிய அளவிற்கு சமூக வலைதளங்களில் ரசிகர்களை வைத்திருக்கும் ஜி.பி முத்து நிகழ்ச்சியில் வெற்றி பெறுகிறாரோ!? இல்லையோ?! ஆனால் கண்டிப்பாக இறுதிப் போட்டி வரை செல்வார் என்றும், அந்த அளவிற்கு ஜி.பி முத்துவிற்கு ரசிகர்களின் ஆதரவு இருப்பதாக பலர் கூறி வந்தனர்.

மலையோட மோது தலையோடு மோதாதே

பிக் பாஸ் வீட்டிற்குள் சென்றதிலிருந்து ஜி.பி முத்துக்காண ஆதரவு தொடர்ந்து அதிகமாகி வருகிற சூழ்நிலையில் டிக் டாக் மூலம் பிரபலமான தனலட்சுமி ஆட்டிட்யூட் காட்டுவதாக நினைத்துக் கொண்டு ஜி.பி முத்து உடன் நடந்து கொண்ட விதம் ஜி.பி முத்து ரசிகர்கள் மட்டுமின்றி பலரை முகம் சுளிக்க வைத்துள்ளதாக கருத்து தெரிவித்து வருகின்றனர். நிகழ்ச்சி துவங்கி இரண்டு நாட்களே ஆன நிலையில் தனலட்சுமி மற்றும் ஆயிஷாவை விஷப்பாட்டில் என்று ரசிகர்கள் சமூக வலைதளங்களில் கூறிவந்த நிலையில் ஜி.பி முத்து உடன் நடைபெற்ற மோதல் டிக் டாக் புகழ் தனலட்சுமிக்கு மேலும் சிக்கலை உண்டு பண்ணி உள்ளது.

முகம் சுளிக்க வைத்த முதல் போட்டியாளர்

நிகழ்ச்சி துவங்கிய போது நல்ல முறையில் அறிமுகமான தனலட்சுமி ஜி.பி முத்து உரையாடல்கள் வைரலாக வலம் வந்து கொண்டிருந்த நிலையில், திடீரென்று இவர்களுக்குள் ஏற்பட்ட மோதல் பிக் பாஸ் ரசிகர்களை ஆச்சரியப்பட வைத்துள்ளது.பிரபலத்துடன் மோதி பிரபலமாகும் வியூகத்தை தனலட்சுமி செய்ய முயல்கிறாரோ!? என்று பலர் கேள்வி எழுப்பி வருகின்றனர். ஜி. பி முத்துவுடனான இந்த மோதலால் இந்த சீசனின் ரசிகர்களிடம் பெயரைக் கெடுத்துக் கொள்ளும் முதல் போட்டியாளராக தனலட்சுமி ஆகிவிட்டார் என்று பிக் பாஸ் ரசிகர்கள் கூறி வருகின்றனர்.

கடுப்பான ஜி பி முத்து ஆர்மி

தான் நடிப்பதாகவும் தன்னை அக்கா வென்று கூறச் சொல்லியும் தனலட்சுமி ஜி.பி முத்து உடன் கூறியதை கேமராவிடம் சொல்லி வருத்தப்பட்ட ஜி.பி முத்து, தனலட்சுமி இவ்வாறு பேசுவது தனக்கு பிடிக்கவில்லை என்றும் தன்னுடைய மகள் போன்று இருக்கும் தனலட்சுமி இவ்வாறு பேசுவது தனக்கு மிகவும் கஷ்டமாக இருப்பதாகவும் கூறியுள்ளார்.ஜி.பி முத்துவின் புலம்பலை கேட்ட ரசிகர்கள் தனலட்சுமின் பேச்சுக்களையும் முக பாவனைகளையும் கலாய்த்து தனலட்சுமிக்கு எதிராக கருத்துக்களை பதிவிட்டு வருகின்றனர். தனக்கு இருக்கும் ரசிகர்கள் பலத்தை மட்டும் தெரிந்திருக்கும் தனலட்சுமிக்கு ஜி பி முத்து ரசிகர்கள் பலம் தெரியவில்லை போல என்று பார்வையாளர்கள் பலர் தங்கள் கருத்துக்களை பதிவு செய்து வருகின்றனர்.