சிவாங்கிக்கு போட்டியாக களமிறங்கும் நபர்.. திகைத்த அரங்கம்.. ஸ்ருஷ்டிக்கு செஃப் கொடுத்த அதிர்ச்சி

சென்னை: விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சிக்கான ஏப்ரல் 8 மற்றும் 9ம் தேதிக்கான ப்ரோமோ வெளியாகி இருக்கிறது.

இந்த வாரம் கோமாளிகள் குக் வேஷத்தில் வந்திருக்கின்றனர்.

ரசிகர்கள் ஆர்வத்தோடு எதிர்பார்த்து இருந்த பல சுவாரசியங்கள் இந்த வாரம் நடந்திருக்கிறது.

ரசிகர்கள் வெயிட்டிங்

விஜய் டிவியில் ஒளிபரப்பாகும் குக் வித் கோமாளி நிகழ்ச்சியை பார்ப்பதற்காகவே தனி ரசிகர்கள் பட்டாளம் காத்திருக்கின்றனர். அதனாலேயே இந்த நிகழ்ச்சிக்கான ஒவ்வொரு வாரமும் ப்ரோமோவை அதிகமான ரசிகர்கள் எதிர்பார்த்து கருத்து வெளியிட்டு வருகின்றனர். இந்த நிலையில் வழக்கம்போல இந்த வாரம் பல சுவாரசியமான கலகலப்புகள் காத்திருக்கிறது. ஏற்கனவே கோமாளிகள் குக்களை பாடாய்படுத்தி பலரையும் வயிறு குலுங்க சிரிக்க வைத்துக் கொண்டிருக்கின்றனர்.

குவியும் லைக்குகள்

இந்த நிலையில் குக்குகள் மீது தங்களுக்கு இருக்கும் கோபங்களை எல்லாம் இந்த வாரம் கொட்டி தீர்க்க கோமாளிகளுக்கு வாய்ப்பு கொடுக்கப்பட்டிருக்கிறது. ஒவ்வொரு கோமாளிகளும் குக்குகளின் வேஷத்தில் வந்திருக்கின்றனர். அதில் குக்குகளின் வேசமிட்ட கோமாளிகள் செய்யும் அட்டூழியங்களும் கலகலப்பும் இந்த வார ப்ரோமோவிற்கு லைக்குகளை குவித்து வருகிறது.

கலக்கும் புது சிவாங்கி

அதிலும் முதல் ப்ரோமோவில் சிவாங்கி கெட்டப்பில் மோனிஷா வந்திருக்கிறார். பார்ப்பவர்களுக்கு இது சிவாங்கியா? மோனிஷாவா? என்று குழப்பமே வந்துவிடும் அந்த அளவிற்கு மோனிஷாவிற்கு சிவாங்கி தாண்டவம் ஆடுகிறார். மூன்று சீசன்களில் சிவாங்கி செய்த சேட்டைகளை அப்படியே சிவாங்கியே வியந்து பார்க்கும் அளவிற்கு மோனிஷா செய்து காட்டி கலகலப்பு ஏற்படுத்தி இருக்கிறார்.

புது டாஸ்க்

இந்த நிலையில் இந்த வாரம் டாஸ்க்கில் போட்டியாளர்களுக்கு கைகளில் ஸ்பூன் மாட்டிவிட்டு சமைக்க சொல்லி இருக்கின்றனர். இதனால் கோமாளிகளும் குக்குகளும் திணறிக் கொண்டிருக்கின்றனர். ஒரு பக்கம் செஃப் பட் எங்களுக்கு உதவி செய்ய வேண்டும் என்று போராட்டமும் செய்து கொண்டிருக்கின்றனர். இந்த நிலையில் இந்த வாரம் சிவாங்கி கெட்டப்பில் மோனிஷா என்னவெல்லாம் அட்ராசிட்டி செய்து அசத்தப்போகிறார் என்று ரசிகர்கள் ஆர்வத்தோடு எதிர்பார்த்து இருக்கிறார்கள். இந்த நிலையில் ஸ்ருஷ்டி கெட்டப்பில் குரோஸி இந்த வாரம் அனைவரையும் மிரட்டிக் கொண்டிருக்கிறார்.

English summary

The promo for Cook with Comali on April 8 and 9 is out on Vijay TV.This week the clowns are dressed as cooks.Many interesting things happened this week that the fans were eagerly waiting for.