கடுமையாக திட்டிய நடுவர்கள்..CWCயில் இந்த வாரம் வெளியேறியது இவரா? இப்படி ஆயிடுச்சு..!?

சென்னை: குக் வித் கோமாளி நிகழ்ச்சியின் ஏப்ரல் 22 மற்றும் 23ஆம் தேதிக்கான ப்ரோமோ வெளியாகி இருக்கிறது.

இந்த நிலையில் இந்த வாரத்தில் எலிமினேஷன் ரவுண்ட் இருக்கிறது.

இதில் இந்த வார எலிமினேஷன் லிஸ்டில் சிவாங்கி, ஸ்ருஷ்டி, ஷெரின் மூவரும் சிக்கியிருக்கின்றனர்.

குக் வித் கோமாளி நிகழ்ச்சியின் நான்காம் சீசன் தற்போது பரபரப்பான கட்டத்தை எட்டி இருக்கிறது. மேலும் இந்த வாரம் எலிமினேஷனில் யார் வெளியேற போகிறார்கள் என்ற எதிர்பார்ப்பும் இருக்கிறது. இந்த நிலையில் இந்த வாரம் போட்டியாளர்கள் அசைவம் தான் சமைக்க வேண்டும் என்ற டாஸ்க் கொடுக்கப்பட்டிருக்கிறது.

அதோடு போட்டியாளர்கள் ஒவ்வொரு சக்கரத்தை சுற்றி அவர்களுக்கான டிஷ் என்ன என்பதை தேர்வு செய்தனர். அதில் சிவாங்கிக்கு மீன் வகை வந்திருக்கிறது. அதே நேரத்தில் இதுவரைக்கும் சிவாங்கி இந்த நிகழ்ச்சியில் ஒரு முட்டையை கூட சமைத்தது இல்லை. ஆனால் இந்த முறை அசைவம் செய்தே ஆக வேண்டும் என்ற கட்டாயம் வந்திருக்கிறது.

எனவே கடந்த வாரத்தில் பாகற்காயை வைத்து என்னால் சமைக்க முடியாது என்று சிவாங்கி கூறியதால் நடுவர்கள் சிவாங்கியை திட்டி இருந்தனர். அவருக்கு அறிவுரையும் கொடுத்திருந்தனர். இந்த நிலையில் இந்த வாரம் மீன் வைத்து சிவாங்கி என்ன சமையல் செய்யப் போகிறார் என்ற எதிர்பார்ப்பு ரசிகர்களிடம் இருக்கிறது.

அதே நேரத்தில் எலிமினேஷன் லிஸ்டில் இறுதியாக சிவாங்கி, ஷெரின் மற்றும் ஸ்ருஷ்டி ஆகியோர் இருக்கின்றனர். அந்த நேரத்தில் நடுவர் தாமு சிவாங்கியை திட்டி இருக்கிறார். வெஜ் தான் சாப்பிடுவேன் என்பதால் நான்வெஜ் செய்ய மாட்டேன் என்று சொல்ல முடியாது. ஆனாலும் இது ஒரு ஷோ ஃபார்மேட் அதை செய்து தான் ஆக வேண்டும் என்று தாமு கூறுகிறார்.

இதனால் இந்த வாரம் சிவாங்கி வெளியேறுவாரா? என்று எதிர்பார்ப்பு ரசிகர்கள் மத்தியில் இருக்கிறது. அதே நேரத்தில் சிவாங்கி இந்த வாரம் அவருக்கு கொடுக்கப்பட்ட டாஸ்கை சரியாக செய்து நடுவர்களிடம் பாராட்டு வாங்கி இருக்கிறார் என்றும், அதுபோல இந்த வாரம் நிகழ்ச்சியில் இருந்து ஷெரின் தான் வெளியேறி இருக்கிறார் என்றும் தகவல்கள் வெளியாகி இருக்கிறது. ஆனாலும் இது எந்த அளவிற்கு உண்மை என்பது இன்று தெரியவரும்.

English summary

Cook with Comali Season 4 This week Sherin is elimination The promo of Cook with Comali show on April 22nd and 23rd is out.In this case, there is an elimination round this week.Shivangi, Srushti and Sherin are all involved in this week's elimination list.