CWC 5: சாப்பாட்டை வைத்து கிண்டல் செய்த வனிதா.. திருமண விஷயத்தை வைத்து பதிலடி கொடுத்த பிரியங்கா
சென்னை: குக் வித் கோமாளி சீசன் 5 நிகழ்ச்சி கடந்த மார்ச் 27ஆம் தேதி சனிக்கிழமை பிரம்மாண்டமாக தொடங்கப்பட்டது. அதில் தொடக்க நாளில் முந்தைய போட்டியாளரான வனிதா கலந்து கொண்டிருந்தார். அப்போது குக்காக கலந்து கொண்டிருக்கும் பிரியங்கா திருமண வாழ்க்கை குறித்து கேள்வி கேட்டு கலாய்த்து இருக்கிறார். அது இணையத்தில் அதிகமாக பகிரப்பட்டு வருகிறது.
அந்த வகையில் நடிகை வனிதாவின் திருமண வாழ்க்கை திறந்த புத்தகமாக இருக்கிறது. முதல் திருமணம் அவருக்கு ஏமாற்றத்தில் முடிய அதைத் தொடர்ந்து இரண்டு திருமணங்களை செய்து கொண்ட வனிதா தற்போது தனியாகத்தான் வாழ்ந்து வருகிறார்.
இந்த நிலையில் பிக் பாஸ் நிகழ்ச்சிக்கு பிறகு வனிதாவிற்கு சின்னத்திரை வெள்ளி திரையில் வாய்ப்புகள் அமோகமாக இருக்கிறது. சமீபத்தில் கூட நடிகை சோனியா அகர்வாலோடு முக்கிய கேரக்டரில் "தண்டு பாளையம்" திரைப்படத்தில் நடித்திருக்கிறார். அந்த திரைப்படமும் இன்னும் ஒரு சில நாட்களில் வெளியாக இருக்கிறது.
இப்படியான நிலையில் கடந்த வாரம் பிரமாண்டமாக தொடங்கப்பட்ட குக் வித் கோமாளி சீசன் 5 நிகழ்ச்சியில் சிறப்பு விருந்தினராக கலந்து கொண்ட வனிதா கடந்த வாரத்தில் குக்குகளுக்கு வழங்கப்பட்ட டாஸ்க்குகள் குறித்து பேசுவதற்காக வந்திருந்தார். இவரும் நடிகை வித்தியுலேகாவும் கலந்து கொண்ட போது குக்குகளிடம் குக் வித் கோமாளி நிகழ்ச்சியில் விதிமுறைகள் குறித்து பேசிக் கொண்டிருந்தார்.
அப்போது இந்த சீசனில் போட்டியாளராக கலந்து கொண்டிருக்கும் பிரியங்காவை பார்த்ததும் நீங்க எல்லாரும் சமைக்கிறது எல்லாம் சரிதான். ஆனால் சமைச்ச சாப்பாடு பிரியங்காவிடமிருந்து காப்பாத்தறது உங்க வேலை. சாப்பாடு பத்திரம் என்று சொல்ல, அதற்கு பிரியங்கா சட்டென்று இவங்க சமைக்கிற சாப்பாடு இருக்கட்டும் "நீ எப்போ அக்கா கல்யாண சாப்பாடு போட போற" என்று கேட்க, அதற்கு வனிதா சிரித்து சமாளித்து இருந்தார்.
இந்த வீடியோ இப்போது இணையத்தில் வைரலாகி வருகிறது. ஏற்கனவே வனிதா இன்ஸ்டாகிராம் லைவில் ரசிகர்களின் கேள்விகளுக்கு பதில் அளித்துக் கொண்டிருக்கும் போதும் அவரிடம் சிலர் வனிதாவிற்கு அடுத்த திருமணம் எப்போது என்று தான் கேள்வி எழுப்பி வருகிறார்கள். அதற்கு வனிதா அது நடக்கும்போது நடக்கும் அடுத்த திருமணம் நடந்தால் தமிழ்நாட்டுக்கே போஸ்டர் அடித்து சொல்லி விடுவேன் என்று கூறியிருக்கிறார்.
Click it and Unblock the Notifications
Sign in with Google