மகனால் வீட்டை விட்டு விரட்டப்பட்ட ஆட்டோக்காரர்.. 3.50 லட்சம் மதிப்புள்ள ஆட்டோவை வழங்கிய கூல் சுரேஷ்

Updated: Tuesday, May 21, 2024, 14:07 [IST]

Subscribe to Oneindia Tamil

சென்னை: நடிகர் கூல் சுரேஷ் தன்னிடம் உதவி கேட்ட ஆட்டோக்காரர் ஒருவருக்கு தன்னுடைய நற்பணி மன்றத்தின் சார்பாக ஆட்டோ வாங்கி கொடுத்திருக்கும் நிலையில் அது பலருடைய பாராட்டுகளை பெற்று வருகிறது.

அந்த வகையில் இப்போது பல நடிகர்கள் தொடர்ச்சியாக தங்களால் முடிந்த அளவிற்கு பலருக்கு உதவிகளை செய்து வருகின்றனர். அதே நேரத்தில் தாங்கள் செய்யும் உதவிகளை இணையத்தில் வீடியோக்களாகவும், புகைப்படங்களாகவும் வெளியிட்டு வருவதையும் பார்க்க முடிகிறது.

இது ஒரு பக்கம் விமர்சனங்களை சந்தித்தாலும் மறுபக்கத்தில் பலராலும் பாராட்டப்பட்டு கொண்டிருக்கிறது. நடிகர் லாரன்ஸ் தன்னால் முடிந்த அளவிற்கு பல மாணவ மாணவிகளை படிக்க வைத்து இப்போது அவர்கள் வேலையில் அமர்ந்திருக்கும் நிலையில் தொடர்ச்சியாக தன்னுடைய பணியினை செய்து வருகிறார்.

ஆரம்பத்தில் அவர் தான் செய்யும் உதவிகளை வீடியோவாக வெளியே வெளியிடும்போது அது அதிகமாக விமர்சிக்கப்பட்டது. அதற்கு லாரன்ஸ் நான் உதவி செய்கிறேன் என்று விளம்பரப்படுத்துவதற்காக இந்த வீடியோக்களை வெளியிடவில்லை. என்னைப் போல பலர் உருவாக வேண்டும் என்பதற்காகத்தான் நான் இதை பலருக்கும் தெரிய படுத்துகிறேன் என்று கூறியிருந்தார்.

அதைத்தொடர்ந்து கேபிஒய் பாலா, அறந்தாங்கி நிஷா என்று பலரும் தொடர்ச்சியாக உதவிகளை செய்து வருகிறார்கள். அந்த வரிசையில் நடிகர் கூல் சுரேஷ் இடம் பிடித்திருக்கிறார். கூல் சுரேஷ் ஒவ்வொரு திரைப்படம் வெளியாகும் போதும் அதில் "வெந்து தணிந்தது காடு" என்ற ஒரு டயலாக்கை வைத்துக்கொண்டு அதோடு குறிப்பிட்ட திரைப்படத்தின் பெயரைச் சொல்லி அதற்கு வணக்கத்தை போடு என்று விளம்பரப்படுத்தி கொண்டிருப்பார்.

இது அதிகமாக விமர்சனங்களை சந்தித்து வருகிறது. அதே நேரத்தில் அடிக்கடி பிரச்சனைகளில் சிக்கும் கூல் சுரேஷ் இப்போது பிக் பஸ் நிகழ்ச்சிக்கு பிறகு மொத்தமாக மாறி இருக்கிறார். அதுவரைக்கும் தடுக்கிறது எல்லாம் கூல் சுரேஷ் பிக் பாஸ் நிகழ்ச்சியில் மாற்றி இருந்தார். இந்த நிலையில் தான் தன்னுடைய மகனால் வீட்டை விட்டு விரட்டப்பட்ட கலீல் என்பவருக்கு 3.50 லட்சம் மதிப்புள்ள ஆட்டோவை தன்னுடைய நற்பணி மன்றம் மூலம் வாங்கி நடிகர் கூல் சுரேஷ் கொடுத்து இருக்கிறார்.

அதோடு அந்த ஆட்டோவை ஆட்டோக்காரரிடம் ஒப்படைத்ததும் ஆட்டோக்காரர் நான் உங்களை என்னுடைய ஆட்டோவில் ஒரு ரவுண்டு கூட்டிட்டு போறேன் என்று சொல்ல அதற்கு முடியாது நீங்க தான் எல்லோரையும் ஆட்டோவில் கூட்டிட்டு போறீங்க. அதனால நான் உங்களை கொஞ்ச நேரம் கூட்டிட்டு போறேன் என்று ஆட்டோவில் டிரைவர் சீட்டில் அமர்ந்த கூல் சுரேஷ் ஆட்டோக்காரரை பின்னாடி உட்கார வைத்து பக்கத்திலேயே ஒரு ரவுண்டு அடித்து விட்டு இருக்கிறார். இப்போது இந்த வீடியோ இணையத்தில் அதிகமாக பகிரப்பட்டு வருகிறது.