Coolie: ரஜினியின் மனைவி கையெடுத்து கும்பிட்டு எமோஷனல்! அவங்க கூட இல்லையே உருக்கம்!

Updated: Thursday, August 14, 2025, 11:20 [IST]

Subscribe to Oneindia Tamil

சென்னை: சூப்பர் ஸ்டார் ரஜினிகாந்த் நடிப்பில், இயக்குநர் லோகேஷ் கனகராஜ் இயக்கத்தில் உருவாகியுள்ள 'கூலி' திரைப்படம், இன்று உலகம் முழுவதும் வெளியாகி, ரசிகர்களிடையே ஒரு பெரிய கொண்டாட்டத்தை ஏற்படுத்தியுள்ளது. இந்தப் படம், நீண்ட வருடங்களுக்குப் பிறகு, 'ஏ' சான்றிதழுடன் வெளியாவதால், அப்படி என்ன இருக்கிறது இந்த படத்தில் என்று பார்க்கவே, ரசிகர்கள், ஆர்வமுடன் இருக்கிறார்கள்.

கூலி- ஒரு பெரிய எதிர்பார்ப்பு:

'கூலி' திரைப்படம், இந்தியா உட்பட 100 நாடுகளில், கிட்டத்தட்ட 5,000 திரையரங்குகளில் வெளியிடப்பட்டுள்ளது. ரஜினியின் திரைப்படங்களில், அதிக திரையரங்குகளில் வெளியாகும் முதல் படம், என்ற பெருமையையும், 'கூலி' திரைப்படம் அடைந்துள்ளது.

கூலி வசூல் சாதனை

'கூலி' திரைப்படம், ஆன்லைன் முன்பதிவில், ஒரு பெரிய சாதனையை நிகழ்த்தி, பல கோடிகளுக்கு டிக்கெட்டுகளை விற்றுள்ளது. முதல் நாளிலேயே, இந்தப் படம், பெரிய வசூலை நிகழ்த்தலாம் என்று கணிக்கப்பட்டுள்ளது.

முதல் நாள் முதல் காட்சி (FDFS):

தமிழகத்தில், 'கூலி' திரைப்படம், முதல் காட்சியாக, காலை 9 மணிக்கு வெளியிடப்படுகிறது. கேரளா, ஆந்திரா, கர்நாடகா போன்ற மாநிலங்களில், காலை 6 மணி முதலே, முதல் காட்சி தொடங்கிவிட்டது. இதனால், அங்குள்ள ரசிகர்கள், படத்தைப் பார்த்து, சமூக வலைத்தளங்களில், தங்கள் கருத்துக்களைப் பகிர்ந்து வருகின்றனர்.

பாசிட்டிவ் விமர்சனங்கள்:

இதுவரை, சமூக வலைத்தளங்களில், பாசிட்டிவ் விமர்சனங்களே, வெளியாகி வருகின்றன.

பிரபலங்களின் வருகை

'கூலி' திரைப்படத்தைப் பார்க்க, பல பிரபலங்கள், முண்டியடித்து வருகின்றனர். நடிகர் தனுஷ், அவரது மகனுடன், ரோகிணி திரையரங்கிற்கு, சற்று நேரத்திற்கு முன்புதான் வந்தார். இயக்குநர் லோகேஷ் கனகராஜ், இசையமைப்பாளர் அனிருத், சாண்டி மாஸ்டர், என, அடுத்தடுத்து பிரபலங்கள், படையெடுத்து வருகின்றனர்.

ரஜினிகாந்தின் மனைவி லதா ரஜினிகாந்த், 'கூலி' திரைப்படத்தைப் பார்க்க, ரோகிணி திரையரங்கிற்கு வந்தபோது, பத்திரிகையாளர்கள், அவரிடம் பல கேள்விகளைக் கேட்டனர். "ரஜினியின் 50-வது பொன்விழா வருடம் இது. ரசிகர்கள், இத்தனை வருடங்களாக, அவருக்கு அளித்த அன்பையும், ஆதரவையும் பார்க்கும் பொழுது, நன்றி சொன்னால் போதாது. அவர்களுக்கு நான் தலை வணங்குகிறேன்," என்று, லதா ரஜினிகாந்த், நெகிழ்ச்சியுடன் கூறினார்.

மகிழ்ச்சி

"கூலி திரைப்படத்தைப் பார்த்து, ரஜினி சாரும், மகிழ்ச்சியாக இருக்கிறார். ரசிகர்களின் விமர்சனத்திற்காக, காத்துக் கொண்டிருக்கிறார்," என்றும், லதா ரஜினிகாந்த், பத்திரிகை நிருபர்களிடம் தெரிவித்தார். "ரஜினியின் 50-வது பொன்விழா வருடம் இது. அவர் என்ன சொன்னார்?" என்ற கேள்விக்கு, "அவரும், ரசிகர்களின் விமர்சனத்திற்காக, காத்திருக்கிறார்," என்று, லதா ரஜினிகாந்த் பதிலளித்தார்.

நினைவு

"இந்த நேரத்தில், கே. பாலச்சந்தர், பஞ்சு அருணாச்சலம், நடிகர் சோ போன்றவர்களை, நான் மிஸ் பண்ணுகிறேன்," என்றும், லதா ரஜினிகாந்த், உருக்கமாகக் குறிப்பிட்டார். லோகேஷ் கனகராஜ், சன் பிக்சர்ஸ், சத்யராஜ், அனிருத் போன்ற படக்குழுவினருக்கும், லதா ரஜினிகாந்த், தனது வாழ்த்துக்களைத் தெரிவித்தார்.