பாரதிராஜாவின் நிலைமை இதுதான்! பழைய கம்பீரம்.. நேரில் கண்ட காட்சி! வதந்தி பரப்பாதீங்க! நடிகை ஆதங்கம்

Updated: Monday, October 27, 2025, 16:33 [IST]

Subscribe to Oneindia Tamil

சென்னை: தமிழ் சினிமாவுல, பாரதிராஜா சாரைத் தவிர்க்கவே முடியாதுங்க! அவர் ஒரு ட்ரெண்ட் செட்டர். தன்னோட முதல் படமான 16 வயதினிலே'ல ஆரம்பிச்சு, தொடர்ந்து ஐந்து சில்வர் ஜூப்ளி திரைப்படங்களைக் கொடுத்தவர். இந்தச் சாதனையை இதுவரைக்கும் யாராலும் முறியடிக்க முடியலைன்னு சொல்றதுதான் நிஜம்.

ஆனா, அவருடைய மகன் மறைவுக்கு பிறகு கடந்த சில மாதங்களாக, "பாரதிராஜாவிற்கு பழசெல்லாம் மறந்து போச்சு... ஏதோ ஞாபகத்துல இருக்காரு..."ன்னு ஆதாரம் இல்லாத செய்திகள் இணையத்துலப் பறந்துகிட்டு இருக்கு. உண்மையில என்னதான் நடக்குதுன்னு விசாரிச்சுப் பார்த்தா, மனம் கலங்க வைக்கிற விஷயங்கள் தெரிய வருது.

மகன் தந்த துயரம்

பாரதிராஜா இப்போ தன்னோட மகனை இழந்து தவிச்சுட்டு இருக்காருங்க. கடந்த சில மாதங்களுக்கு முன்னாடி, அவரது மகன் மனோஜ் பாரதிராஜா உடல்நிலை குறைபாடு காரணமாக துரதிர்ஷ்டவசமாக காலமானார். "தனக்கு ஈமச்சடங்கு செய்ய வேண்டிய மகனுக்கு, தானே செய்ய வேண்டிய துர்பாக்கிய நிலை வந்து விட்டதென்று அவர் புலம்பாத நாளே இல்லை. மனோஜ் இழப்பு டைரக்டரை நிலைகுலைய வைத்திருப்பது என்னவோ உண்மைதான்"னு அவரைச் சந்திக்கும் சிலர் பேசியிருக்கின்றனர்.

வேதனை தரும் புரளி

இந்தச் சூழ்நிலையில், டைரக்டரிடம் நெருங்கிப் பழகிவரும் சிலரே இப்படிப் புரளியைக் கிளப்பி விடுவது வேதனையாக இருக்குன்னு அவரைச் சுற்றியுள்ளவங்க புலம்புறாங்க. விசாரணையில், பாரதிராஜாவின் சினிமா நண்பர் ஒருவர் அவரைச் சந்திச்சது, நீலாங்கரை கடற்கரைக்குப் போய்ப் பழைய விஷயங்களைப் பேசுனது, தேனியில் இருந்து வந்த நண்பருடன் மனம் திறந்து பேசுனதுன்னு எல்லாமே இயல்பா நடந்திருக்கு. அவர் இன்னும் மனத் தெளிவோடு தான் இருக்காருங்க.

ராதாவின் நெகிழ்ச்சியான சந்திப்பு

சமீபத்தில் டைரக்டரை அவரது வீட்டில் சந்திச்ச நடிகை தனியார் செய்தி சேனலில் பேசும்போது "எங்க டைரக்டரை அவரோட நீலாங்கரை வீட்டுல சந்திச்சேன். நான் நடிக்கிற காலத்துல மனோஜ் ஊட்டியில் படித்துக்கொண்டு இருந்தார். 'அம்மா, அப்பாவுக்குக் கடைசி காலத்துல பெரிய தண்டனையைக் கொடுத்துட்டுப் போயிட்டார்'னு (இறப்பைக் குறித்து) நாங்க மனோஜ் பத்திப் பேசி அவரோட சோகத்தைக் கிளறலை. அவரை அப்படியே முன்னாடி இருந்த ஆக்டிவான டைரக்டராக மாத்த முயற்சி செய்தேன்."

"பழைய காலத்துல ஷூட்டிங் ஸ்பாட்ல நடந்த சுவாரசியமான விஷயங்களை எல்லாம் பேசினேன். அவரும் எப்போதும் போலவே இயல்பாகப் பேசினார். நான் நடிச்சபோது ஏற்பட்ட சம்பவங்களை அப்படியே ஞாபகமாகச் சொல்லி என்னை ஆச்சர்யப்படுத்தினார்." "ராதிகா, ரேவதி கூட டைரக்டரைப் பார்த்து நலம் விசாரிச்சுட்டுப் போனதா சொன்னாங்க. எங்க டைரக்டர் எப்போதும் போலவே கம்பீரம் குறையாம, நிறைவான நினைவுகளோடு இருக்கிறார்"னு ராதா நெகிழ்ந்து பேசியிருக்கிறார்.

பாரதிராஜா: அறிமுகங்களின் சகாப்தம்

பாரதிராஜா தமிழ் சினிமாவுக்குக் கொடுத்தக் கொடை ரொம்பப் பெருசுங்க. ராதாரவி, பாண்டியன், ராதா, ராதிகா, ரேவதின்னு அவர் அறிமுகப்படுத்தின நட்சத்திரப் பட்டாளம் ரொம்பப் பெரிசு. இந்த நடிகைகள் எல்லோருமே அவர் இயக்கத்தில் நடிச்சுப் பெரிய இடத்தை அடைஞ்சவங்க. ராதிகா அவர் இயக்கத்தில் 'கிழக்கே போகும் ரயில்' போன்ற படங்களில் நடிச்சிருக்காங்க.

மகன் சோகத்தில் இருந்தபோதும், சமீபத்தில் ராதிகாவின் தாயார் மறைந்த சேதி கேட்டு ரொம்பவும் வருத்தப்பட்டு, ராதிகா வீட்டுக்குச் சென்று துக்கம் விசாரிச்சுட்டு வந்திருக்காரு. அவர் இன்னமும் தெளிவோடுதான் இருக்காரு. இப்படிப்பட்ட ஒரு கலைஞரைப் பத்தி வீண் வதந்திகளைப் பரப்ப வேண்டாம். அவர் நீண்ட காலம் வாழணும்னு நாம வேண்டிக்கலாம் என்பது பலருடைய எதிர்பார்ப்பாக இருக்கிறது.