எதிர்நீச்சலில் குணசேகரனாக மாரிமுத்து வரும் கடைசி காட்சி.. நந்தினியால் மாட்டிக்கொண்ட விசாலாட்சி
சென்னை: சன் டிவியில் ஒளிபரப்பாகி வரும் எதிர்நீச்சல் சீரியலின் செப்டம்பர் 11ம் தேதிக்கான ப்ரோமோ வெளியாகி இருக்கிறது.
அதில் நந்தினி புதியதாக தொடங்கி இருக்கும் பிசினஸ் விஷயம் குணசேகரனுக்கு தெரிய வந்திருக்கிறது.
அதே நேரத்தில் குணசேகரன் ஆக நடிகர் மாரிமுத்து கடைசியாக நடித்த எபிசோடு இன்று வெளியாக இருக்கிறது. அது குறித்து விரிவாக பார்க்கலாம்.
சன் டிவில் ஒளிபரப்பாகி வரும் எதிர்நீச்சல் சீரியலில் குணசேகரனாக நடித்த நடிகர் மாரிமுத்து சில தினங்களுக்கு முன்பு மாரடைப்பு காரணமாக மரணம் அடைந்திருந்தார். இந்த நிலையில் அவர் கடைசியாக எதிர்நீச்சல் சீரியலில் நடித்துக் கொடுத்த எபிசோடு இன்று வெளியாக இருக்கிறது.
அதற்கான ப்ரோமோ தற்போது வெளியாகி இருக்கிறது. அதில் நந்தினி, ஜனனி கூட்டிட்டு வந்த காரில் தான் செய்த சாப்பாடு அனைத்தையும் ஏற்றிக் கொண்டிருக்க அந்த நேரத்தில் குணசேகரன், ஞானம் மற்றும் கதிரோடு காரில் வந்து இறங்கி விடுகிறார். அப்போது நந்தினியும் ஜனனி சக்தி மூவரும் சாப்பாடு பாத்திரங்களை முன்பு நிற்பதை பார்த்ததும் ஏதோ சோறாக்கி எடுத்துட்டு போற மாதிரி இருக்கு என்று குணசேகரன் கேள்வி கேட்கிறார்.
அதற்கு நந்தினி சும்மா கேள்வி கேட்டுக்கிட்டே இருக்காதுங்க, சாமி குத்தமா ஆகிடும் என்று சொல்ல, அதற்கு கதிர் அப்போ வா நானும் சேர்ந்து வருகிறேன் நாலு பேருமா சேர்ந்து போயிட்டு வந்துரலாம் என்று சொல்ல, அதற்கு நந்தினி நாலும், 40ம் மாமாவுக்கு சுத்தமா ஆகாது என்று சொல்ல, அதற்கு குணசேகரன் ஏய் மரியாதையா உண்மைய சொல்லிரு என்று மிரட்டுகிறார்.
அது தொடர்ந்து வீட்டுக்குள் வந்த குணசேகரன் டைனிங் ஹாலில் இருந்தபடி தன்னுடைய அம்மா விஷாலாட்சியிடம் சோத்த பொங்கி வீட்டு பொம்பளைங்கள எங்கேயோ அனுப்பி வச்சிருக்கு, அது என்ன ஏதுன்னு கேட்டு சொல்லுங்கப்பா என்று கேட்கிறார். அப்போது என்னவென்று புரியாத விசாலாட்சி திரு திருவென்று முழித்துக் கொண்டிருக்க, வெளியே நின்று கொண்டிருக்கும் ரேணுகாவும், ஈஸ்வரியும் விசாலாட்சியிடம் யாருக்கும் தெரியாமல் சைகை மொழியில் ஆமாம் என்று சொல்லும் படி சிக்னல் காமித்து கொண்டு இருக்கின்றனர்.
அதை ஒரு வழியாக புரிந்து கொண்ட விசாலாட்சி நான் பார்த்துக் கொள்கிறேன் என்று சொல்கிறார். இப்படியாக ப்ரோமோ முடிவடைந்து இருக்கும் நிலையில குணசேகரன் ஆக மாரிமுத்து நடித்த கடைசி எபிசோடு இதுதான் என்று நடிகர் ஞானமாக நடிக்கும் கமலேஷ் இன்று பேட்டி ஒன்றில் தெரிவித்து இருந்தார். அதுவும் மாரிமுத்து இன்று கலகலப்பான ஜாலியான எபிசொட்டில் நடித்து முடித்து இருந்தார் என்றும் ஞானம் கூறியிருக்கும் நிலையில் இந்த எபிசோடுகாக ரசிகர்கள் ஆர்வத்தோடு காத்திருக்கின்றனர்.
Click it and Unblock the Notifications
Sign in with Google