எதிர்நீச்சல்: ரகடு பாயாக சுற்றி வந்த கதிரை பத்து பாத்திரம் கழுவ வச்சிட்டாங்க.. இனி நடக்கப் போவது?

எதிர்நீச்சல் சூட்டிங் ஸ்பாட்டில் கதிராக நடிக்கும் விபு பாத்திரம் கழுவும் வீடியோவை சக்தி வெளியிட்டிருக்கிறார்.

சென்னை: சன் டிவியில் ஒளிபரப்பாகி வரும் எதிர்நீச்சல் சீரியலில் கதிர் கேரக்டர் முரட்டுத்தனமாக சுற்றிக் கொண்டிருக்கிறார்.

தன்னுடைய அண்ணன் சொல்வது மட்டும் தான் சரி என்று நம்பிக் கொண்டிருக்கும் கதிர் தற்போது பாத்திரம் கழுவும் வீடியோவை வெளியிட்டு இருக்கின்றனர்.

சீரியலில் சீரியஸாக இருக்கும் இவர்கள் சூட்டிங் ஸ்பாட்டில் செய்த சேட்டைகளை தற்போது ரீல்ஸாக வெளியிட்டு இருக்கிறார்கள்.

நான்காவது இடம்

சன் டிவியில் ஒளிபரப்பாகி வரும் எதிர்நீச்சல் சீரியலுக்கு நாளுக்கு நாள் ரசிகர்கள் கூட்டம் அதிகரித்து வருகிறது. இதன் அடிப்படையில் தான் கடந்த வாரத்தில் மொத்த சேனல்களின் சீரியல்களின் டாப்10 இடத்தில், ஐந்தாவது இடத்தை பிடித்த இந்த சீரியல் இந்த வாரம் நான்காவது இடத்தில் முன்னேறி இருக்கிறது. கிராமப்புறங்கள் மற்றும் நகரப்புறங்களில் இந்த சீரியலுக்கு டிஆர்பி அளவு அதிகரிக்க தொடங்கி இருக்கிறது.

அண்ணனுக்கு ஏற்ற தம்பி

எதிர்நீச்சல் சீரியலில் வில்லனாக அனைவரையும் மிரட்டி கொண்டிருப்பது குணசேகரன் என்றால் அவருக்கு அடுத்ததாக அனைவராலும் கழுவி கழுவி ஊத்தப்படும் ஒரு கேரக்டர் என்றால் அது கதிர் கேரக்டராக தான் இருக்கும். கதிர் எப்போதும் ரகடுபாயாக லுங்கியில் கிராமத்து கெட்டப்பில் வலம் வருபவர். அண்ணன் சொல் மட்டும்தான் தனக்கு வேத வாக்கு அண்ணன் சொன்னால் சரியாக இருக்கும் என்று கண்மூடித்தனமாக நம்பும் கேரக்டராக இருந்து வருகிறார்.

வெள்ளி திரையிலும் நடிப்பு

கதிர் கேரக்டரில் நடிகர் விபு நடித்து வருகிறார். இவர் இதற்கு முன்பு பல திரைப்படங்களில் சைடு கேரக்டரில் நடித்திருக்கிறார். குறிப்பாக ஒரு கல் ஒரு கண்ணாடி திரைப்படத்தில் ஹன்சிகாவின் வெளிநாட்டு மாப்பிள்ளையாக நடித்திருப்பார். தற்போது இந்த சீரியலில் இவர் அதிகமாக ரசிகர்களால் திட்டப்படும் ஒரு நபராக இருக்கிறார். இந்த சீரியலில் பெண்கள் என்றால் அடிமையாக தான் இருக்க வேண்டும் வீட்டில் சாப்பாடு செய்து கொடுத்து குழந்தைகளை பார்த்துக் கொள்ள வேண்டும் அவ்வளவுதான் அவர்களுடைய வேலை என்று ஆணித்தரமாக நம்பிக்கொண்டிருக்கும் கதிர் சூட்டிங் ஸ்பாட்டில் எடுத்த ஜாலியான வீடியோ தற்போது சமூக வலைத்தளத்தில் அதிகமாக பகிரப்பட்டு வருகிறது.

ஜாலியான ரீல்ஸ்

எதிர்நீச்சல் சீரியலில் நடிக்கும் நடிகர்களின் கேரக்டரை அப்படியே நிஜமான ரசிகர்கள் நம்பிக்கொண்டிருக்கும் நிலையில் இவர்கள் சூட்டிங் ஸ்பாட்டில் செய்யும் அலப்பரைகளை அடிக்கடி ரீல்ஸ் வீடியோ வெளியிட்டு ரசிகர்களுக்கு இன்ப அதிர்ச்சி கொடுத்து வருகின்றனர். அந்த வகையில் தான் தற்போது கூட விபுராமன் அதாவது கதிர், பாத்திரம் கழுவிக் கொண்டிருக்க கரிகாலனும் சக்தியும் அருகில் நின்று கொண்டு இவரை கலாய்த்து வீடியோ தற்போது வெளியாகி இருக்கிறது.

கதிரின் செயலை ரசிக்கிறாங்க

வின்னர் திரைப்படத்தில் வடிவேலு காமெடிக்கு அவர்கள் ரீல்ஸ் வீடியோ வெளியிட்டு இருக்கின்றனர். இதை பார்த்த நெட்டிசன்கள் என்னதான் ரகடு பாயாக சுற்றிக் கொண்டிருந்த கதிரையும் இப்படி கடைசியில் எச்சி பாத்திரம் கழுவ வைத்து விட்டீங்க. ஒரு வழியா இது பார்ப்பதற்கு மனசுக்கு சந்தோஷமாகத்தான் இருக்கிறது என்று கூறி வருகின்றனர். அது மட்டும் அல்லாமல் ஆதிரையின் திருமணம் யாரோடு நடக்கும் என்று பெரும் எதிர்பார்ப்பு இருக்கும் நிலையில் இவர்களின் இந்த காமெடி வீடியோ தற்போது வேற லெவல் என்று பலர் பாராட்டி வருகின்றனர்.

English summary

Ethirneechal serial: Kathir's character is going around rudely in the Ethirneechal serial aired on Sun TV.Kathir, who believes that only what his brother says is right, is currently publishing a video of washing dishes.These people who are serious in serial are now releasing the pranks they did at the shooting spot as reels.