Jananayagan: மக்கள் நினைக்காமல் மாற்றம் பிறக்காது.. விஜய்க்கு ஹைப் ஏத்திய ஜனநாயகன் ப்ரோமோ! இவ்வளவுதானா?

சென்னை: எச் வினோத் இயக்கத்தில் நடிகர் விஜய் நடித்துள்ள ஜனநாயகன் படத்தின் இரண்டாவது சிங்கிள் ப்ரோமோவை பட குழு வெளியிட்டு இருக்கிறது. அந்த ப்ரோமோவில் "ஒரு பேரே வரலாறு" என தொடங்கும் இந்த பாடலை அனிருத், விஷால் மித்ரா இணைந்து பாடி இருக்கின்றனர். இந்த பாடல் நாளை வியாழக்கிழமை மாலை 6:30 மணிக்கு வெளியாகும் என்று அறிவிக்கப்பட்டு இருக்கிறது.

விஜய் நடிப்பில் உருவாகி பெரிய அளவில் எதிர்பார்ப்பை ஏற்படுத்தி இருக்கும் ஜனநாயகன் படத்தின் அப்டேட் தெரிந்து கொள்வதற்காகவே ரசிகர்கள் ஆர்வத்தோடு இருக்கின்றனர். வரும் பொங்கலுக்கு பிரபாஸின் ராஜாசாப் மற்றும் சிவகார்த்திகேயன் பராசக்தி உள்ளிட்ட பெரிய படங்களுடன் விஜய்யின் ஜனநாயகன் படமும் வெளியாக இருக்கிறது.

அதிலும் ஜனவரி ஒன்பதாம் தேதி உலகம் முழுவதும் விஜயின் ஜனநாயகம் வெளியாக உள்ள நிலையில் இந்த இதன் இசை வெளியீட்டு விழா இந்த மாதம் இறுதியில் மலேசியாவில் பிரம்மாண்டமாக நடைபெற இருக்கிறது

இப்படியான நிலையில் அனிருத் இசையில் உருவாகியுள்ள ஜனநாயகன் செகண்டு சிங்கிள் பாடலின் ப்ரோமோ வெளியாகி சோசியல் மீடியாவில் வைரலாகி வருகிறது. ஜனநாயகன் படத்தில் விஜயுடன் பூஜா ஹெட்டே, மமீதா பைஜூ, பாபி தியோல், பிரியாமணி, பிரகாஷ்ராஜ் உட்பட பலர் நடித்திருக்கின்றனர். இந்த படத்திற்காக "ஒரு பேரே வரலாறு" பாடல் 6.30 மணிக்கு வெளியாக உள்ள நிலையில் அதற்கான வீடியோ வெளியாகி இருக்கிறது.

அதில், "ஒரு பேரே வரலாறு.. அழித்தாலும் அழியாது.. அவன் தானே ஜனநாயகம்.. நம்ம மக்கள் நினைக்காமல் ஒரு மாற்றம் நடக்காது" என அரசியல் வரிகள் கொடுக்கப்பட்டிருக்கிறது. டிசம்பர் 18ஆம் தேதி நாளை மாலை ஆறு முப்பது மணிக்கு இந்தப் படத்தின் பாடல் வெளியாக இருக்கிறது. அதேபோல பராசக்தி படத்தின் 10 நிமிட வீடியோ காட்சியும் சென்னை வள்ளுவர் கோட்டத்தில் பிரம்மாண்டமாக நடைபெற உள்ள நிலையில் சோசியல் மீடியாவே நாளைக்கு கொந்தளிக்க போகிறது என்று தெரிகிறது.

ஏற்கனவே பராசக்தி படம் ஜனநாயகனுக்கு போட்டியாக வருகிறதா என்றும் விஜய் துப்பாக்கியை கொடுத்ததும் சிவகார்த்திகேயன் அவருக்கு எதிராகவே நிற்கிறாரே என்றெல்லாம் பேசப்பட்டு வரும் நிலையில் நாளை என்ன நடக்கப் போகிறது என்று பொறுத்திருந்து பார்க்கலாம்.

English summary

Vijay’s Jananayagan: The makers of Jananayagan, starring actor Vijay and directed by H. Vinoth, have officially released the promo of the film’s second single. The song, which begins with the powerful line “Oru Pere Varalaaru” (One name is history), is sung by Anirudh Ravichander and Vishal Mishra. The full song is scheduled to release tomorrow, Thursday at 6:30 PM.Jananayagan is one of the most highly anticipated films of the Pongal season and is set to clash with big releases like Prabhas’ Raja Saab and Sivakarthikeyan’s Parasakthi. The film is slated for a worldwide release on January 9, and its grand audio launch event is expected to take place later this month in Malaysia.The promo has already gone viral on social media, drawing attention for its strong political undertones. Lyrics such as “Even if erased, history will not fade… He himself is democracy… Change won’t happen unless the people think” have intensified discussions among fans and political observers alike.The film features a strong ensemble cast including Pooja Hegde, Mamitha Baiju, Bobby Deol, Priyamani, and Prakash Raj. With the song release coinciding with the planned unveiling of a 10-minute video from Parasakthi at Chennai’s Valluvar Kottam, social media is expected to witness massive buzz and comparisons tomorrow.Speculation continues about whether Parasakthi is positioning itself as a direct competitor to Jananayagan, especially given the symbolic political narratives surrounding both films. All eyes are now on how tomorrow’s releases will shape the conversation.