Netflix OTT: அய்யோ நெட்ப்ளிக்ஸ் போச்சா! ‘ஸ்ட்ரேஞ்சர் திங்ஸ்’ சீரிஸ் வந்த சமயத்தில் பிரச்சனை! ரசிகர்கள் பரிதாபம்!

சென்னை: உலகம் முழுவதும் பிரபலமான ஓடிடி தளங்களில் ஒன்றான நெட்ப்ளிக்ஸ், நேற்று புதன்கிழமை (நவம்பர் 26-ஆம் தேதி) மாலை திடீரென செயலிழந்து இருக்கிறது. சமீபத்தில் மிகவும் எதிர்பார்க்கப்பட்ட அதன் பிரபல தொடரான 'ஸ்ட்ரேஞ்சர் திங்ஸ் சீசன் 5' வெளியாகும் சமயத்தில் இது நடந்தது தான் ரசிகர்களை மேலும் வருத்தமடையச் செய்தது.

10,000-க்கும் மேற்பட்ட பேர் பாதிப்பு

'டவுன்டிடெக்டர்' என்ற தளத்தின் தகவலின்படி, நெட்ப்ளிக்ஸ் தடைப்பட்ட சமயத்தில் 10,000-க்கும் மேற்பட்ட பயனாளர்கள் சிரமத்தைச் சந்தித்ததாகக் கூறப்படுகிறது. பிரச்சினைகள் குறித்து புகார் அளித்தவர்களில் 51 சதவீதத்தினர் வீடியோ ஸ்ட்ரீமிங்கில் பிரச்சனை என்றும், 41 சதவீதத்தினர் சர்வர் கனெக்ஷனில் பிரச்சனை என்றும் தெரிவித்துள்ளனர். இந்த சிரமம் அமெரிக்க நேரப்படி மாலை 5 மணி முதல் தொடங்கியுள்ளது.

ஸ்ட்ரேஞ்சர் திங்ஸ் சீசன் 5 தான் காரணமா

இந்த சிரமத்திற்கான உறுதியான காரணம் என்ன என்று நெட்ப்ளிக்ஸ் தரப்பு இன்னும் அதிகாரப்பூர்வமாகத் தெரிவிக்கவில்லை. ஆனாலும், 'ஸ்ட்ரேஞ்சர் திங்ஸ் சீசன் 5' வெளியாவதால், ஒரே சமயத்தில் அதிக ரசிகர்கள் இந்த தளத்திற்குள் நுழைய முயன்றதால் ஏற்பட்ட சர்வர் நெரிசல் தான் காரணம் என்று ரசிகர்கள் சமூக வலைதளங்களில் கேலியாக பதிவிட்டுள்ளனர்.

ரசிகர்களின் சோகம்

"இவ்வளவு நேரம் காத்திருந்து ஸ்ட்ரேஞ்சர் திங்ஸ் சீரிஸ் பார்க்கலாம்னு வந்தா நெட்ப்ளிக்ஸ் செயலிழந்து போச்சு" என்று ஒருவர் தனது வருத்தத்தைப் பதிவு செய்துள்ளார். மற்றொருவர், "ஸ்ட்ரேஞ்சர் திங்ஸ் சீரிஸில் அதிகமாக பேர் வந்ததாலே நெட்ப்ளிக்ஸ் முடங்கிப் போச்சு" என்று கேலிப் பதிவை வெளியிட்டுள்ளார்.

முன்னர் நடந்த சம்பவம்

இதேபோல், முன்பு ஜூலை 2022-இல், 'ஸ்ட்ரேஞ்சர் திங்ஸ் சீசன் 4-இன்' இறுதி இரண்டு எபிசோட்கள் வெளியானபோதும், நெட்ப்ளிக்ஸ் தளத்தில் சிறுது நேரம் செயலிழப்பு ஏற்பட்டது என்பது குறிப்பிடத்தக்கது. ரசிகர்கள் இவ்வளவு ஆவலுடன் காத்திருந்த 'ஸ்ட்ரேஞ்சர் திங்ஸ் சீசன் 5-இல்', ஹாக்கின்ஸ் ஹீரோக்கள் மீண்டும் தங்களது ஊருக்குத் திரும்பி, 'வெக்னா' மற்றும் அப்ஸ்ஐட் டவுனைத் தாக்க ஒரு இறுதி சண்டைக்குத் தயாராகிறார்கள்.

முக்கிய கதைக்கரு

இதில் 'எலவன்' தனது பழைய நண்பரான 'ஒன்'/ 'வெக்னா'வுடன் சண்டையிடுவார் என்றும், 'வில்'-லுக்கும் அப்ஸ்ஐட் டவுனுக்கும் உள்ள தொடர்பு மேலும் தெளிவாகும் என்றும் கூறப்பட்டுள்ளது. தற்போது சீசன் 5-இன் முதல் பகுதி வெளியாகியுள்ளது. இரண்டாம் பகுதி வரும் டிசம்பர் 25 அன்றும் (கிறிஸ்துமஸ்), சீசனின் இறுதி எபிசோட் புத்தாண்டு அன்றும் வெளியாகும் என்று அறிவிக்கப்பட்டுள்ளது.

English summary

Netflix OTT: Netflix experienced a sudden global outage on Wednesday, November 26, affecting more than 10,000 users worldwide. According to DownDetector, 51% of users reported video streaming issues, while 41% complained of server connection failures. The disruption began around 5 PM (U.S. time), coinciding with the release of the highly anticipated Stranger Things Season 5, leading fans to speculate that massive traffic caused the server overload. Social media was flooded with frustrated and humorous reactions from viewers who had waited eagerly for the new season. A similar outage occurred in July 2022 during the release of the Season 4 finale. Season 5 picks up with the Hawkins heroes preparing for a final battle against Vecna and the Upside Down, with Part 1 now streaming, Part 2 arriving on December 25, and the final episode releasing on New Year’s Day.