"உள்ளத்திற்கு புத்துணர்ச்சி” ஷாருக் உடன் புகைப்படம் வெளியிட்ட ஜூலி.. கடைசியில் இப்படி சொல்லிவிட்டாரே

Published: Tuesday, October 4, 2022, 18:33 [IST]

Subscribe to Oneindia Tamil

சென்னை: பிக் பாஸ் ஜூலி தன்னுடைய இன்ஸ்டாகிராமில் வெளியிட்ட புகைப்படத்தை பார்த்து ரசிகர்கள் அடுத்தடுத்த கேள்விகளை எழுப்பி இருக்கிறார்கள்.

நாங்கள் நண்பர்கள் என்று ஜூலி ஷாரிக் உடன் இருக்கும் புகைப்படத்தை வெளியிட்டு கேப்ஷன் கொடுத்திருக்கிறார்.

பிக் பாஸ் நிகழ்ச்சிக்கு பிறகும் இவர்களுடைய நட்பு தொடர்வதை குறித்து அவருடைய ரசிகர்கள் வாழ்த்துக்களையும் கூறி வருகிறார்கள்.

மீண்டும் சரி செய்த ஜூலி

ஜல்லிக்கட்டு போராட்டத்தில் மூலமாக வீர தமிழச்சியாக தெரிந்த ஜூலி பிக் பாஸ் நிகழ்ச்சியின் மூலமாக அனைவரும் கலாய்க்கும் ஒரு நபராக மாறிவிட்டார். இவருடைய வாழ்க்கை இப்படி மாறும் என்று பிக் பாஸ் நிகழ்ச்சியில் இவர் கலந்து கொள்வதற்கு முன்பு நினைத்துக்கூட பார்த்திருக்க மாட்டார். ஆனால் தான் இழந்த பெயரையும் புகழையும் மீண்டும் பெற்று விட வேண்டும் என்று அதிகமான தைரியத்தோடு ஜூலி பிக் பாஸ் அல்டிமேட் நிகழ்ச்சியில் கலந்து கொண்டு தன்னுடைய இழந்த பெயரை மீட்டு விட்டு வந்து விட்டார்.

குழப்பத்தை ஏற்படுத்தும் புகைப்படம்

பிக் பாஸ் நிகழ்ச்சிக்கு பிறகு அதிகமான நெட்டிசன்கள் ஜூலியை சமூக வலைத்தளத்தில் திட்டி தீர்த்து வந்தனர். ஆனால் பிக் பாஸ் அல்டிமேட் நிகழ்ச்சியில் இவர் ரசிகர்களின் மனதை கவர்ந்து விட்ட பிறகு இப்போது அதிகமான நெகட்டிவ் கருத்துகள் வருவதில்லை. அதனாலே தற்போது தன்னுடைய இன்ஸ்டாகிராம் பக்கத்தில் ஜூலி தைரியமாக புகைப்படங்களை வெளியிட்டு வருகிறார்.

வதந்திகளுக்கு முற்றுப்புள்ளி

அந்த வகையில் பிக் பாஸ் அல்டிமேட் நிகழ்ச்சியில் இவரோடு கலந்து கொண்ட ஷாரிக் உடன் இவர் எடுத்துக் கொண்ட புகைப்படங்கள் பலவிதமான கருத்துக்களை பெற்று வருகிறது. ரியாஸ்கானின் மகனான ஷாரிக் பிக் பாஸ் இரண்டாவது சீசனில் அறிமுகமானார். ஆனால் இவர் அந்த நிகழ்ச்சியில் இருந்து பாதியிலே வெளியேவந்து விட்டார். அதற்கு பிறகு கடைசியாக ஒளிபரப்பான பிக் பாஸ் அல்டிமேட் நிகழ்ச்சியில் இவரும் ஒரு போட்டியாளராக கலந்து இருந்தார்.

நட்பு மட்டும்தான்

இந்த நிகழ்ச்சிக்கு பிறகு ஜூலிக்கும் ஷாரிக்க்ம் இடையில் காதல் இருப்பதாகவும் இவர்கள் இருவரும் டேட்டிங் செய்வதாகவும் பல வதந்திகள் கிளம்பி கொண்டிருந்தது. தற்போது அதற்கெல்லாம் முற்றுப்புள்ளி வைக்கும் விதமாக ஜூலி தன்னுடைய இன்ஸ்டாகிராம் பக்கத்தில் ஷாரிக் உடன் எடுத்த புகைப்படத்தை வெளியிட்டு "இனிமையான நட்பு உள்ளத்திற்கு புத்துணர்ச்சி அளிக்கிறது" என்று கூறியிருக்கிறார். இதை பார்த்து பலரும் வாழ்த்துக்களை கூறினாலும் ஒரு சில குதர்க்கமான நெட்டிசன்கள் அப்போ உங்களுக்குள் இருப்பது நட்பு மட்டும் தானா? என்று கேள்விகளையும் அனுப்பி இருக்கின்றனர்.

Published On October 4, 2022