பாவாடை தாவணியில் பம்பரமாய் சுழலும் சுஜிதா..புது கெட்டப்பின் காரணம்..ரசிகர்களுக்கு இன்ப செய்தி

Updated: Friday, January 21, 2022, 17:07 [IST]

Subscribe to Oneindia Tamil

சென்னை: பாண்டியன் ஸ்டோர் சீரியல் அண்ணியாக நடித்துவரும் சுஜிதா தற்போது பாவாடை தாவணியில் இளம் கதாநாயகிகளுக்கு டப் கொடுத்திருக்கிறார்.

இதுவரைக்கும் 100க்கும் மேற்பட்ட திரைப்படங்கள், சீரியல்களில் நடித்து இருந்தாலும் தற்போது இவர் வெளியிட்ட வீடியோ ரசிகர்களால் அதிகமாக பகிரப்பட்டு வருகிறது.

பாண்டியன் ஸ்டோர் தனம்

விஜய் டிவியில் ஒளிபரப்பாகிவரும் பாண்டியன் ஸ்டோர் சீரியல் குடும்ப ரசிகர்களின் மத்தியில் நல்ல மதிப்பைப் பெற்றிருக்கிறது. இந்த சீரியலின் வெற்றிக்கு தனம் கேரக்டரும் காரணம் என்று பலரும் கூறி வருகின்றனர். காரணம் இந்த கேரக்டர் மூலமாக ரசிகர்களின் மனதை கவர்ந்த சுஜாதாவின் நடிப்பு அனைவரையும் கவர்ந்து வருகிறது. அண்ணன் தம்பிகளின் பாசத்தை சொல்லும் கதையாக இந்த சீரியல் இருந்தாலும் அதில் ஒரு அண்ணியாகவும், அம்மா ஸ்தானத்தில் அனைவரையும் அதிகாரம் பண்ணிக் கொண்டிருக்கும் தனம் கேரக்டர் சுஜிதாவிற்கு தத்ரூபமாக செட் ஆகி உள்ளது.

குழந்தை நட்சத்திரமாக அறிமுகம்

சுஜிதா குழந்தை நட்சத்திரமாக சினிமாக்களில் அறிமுகமாகி சின்னத்திரை வெள்ளித்திரை என அனைத்து இடங்களிலும் தனது திறமையை வெளிக்காட்டியுள்ளார். அதுமட்டுமல்லாமல் இவர் தமிழ் மட்டுமல்லாமல் தெலுங்கு, மலையாளம் போன்ற பல மொழிகளிலும் நடித்துள்ளார். இவர் குழந்தையாக இருக்கும் போது அதுவும் நாற்பத்து ஒன்றாவது நாளிலிருந்தே நடிப்பதற்கு வந்துவிட்டார். நடிப்பு என்று தெரியாத வயதில் நடிக்க தொடங்கிய இவர் தற்போது நடிப்பில் பின்னி பெடல் எடுத்து வருகிறார் என்று ரசிகர்கள் கூறி வருகின்றனர். இவருக்கு அதிகமான தமிழ் ரசிகர்கள் இருந்து வருகின்றனர்.

பாவாடை தாவணியில் அசத்தல்

தற்போது இவர் பாண்டியன் ஸ்டோர் சீரியலில் தனம் கேரக்டரிலும், வாடியம்மா என்னும் தெலுங்கு சீரியலில் சீதை கேரக்டரிலும், எடடுகுலு எனும் தெலுங்கு சீரியலில் வாணி கேரக்டரிலும் நடித்து கொண்டிருக்கிறார். தற்போது தான் நடித்து வரும் தெலுங்கு சீரியலில் சூட்டிங் ஸ்பாட்டில் எடுத்த வீடியோவை தன்னுடைய இன்ஸ்டாகிராமில் இவர் பதிவிட்டிருக்கிறார். பாண்டியன் ஸ்டோர் சீரியல் இவரை குடும்பத்தலைவியாக புடவையில் அமைதியில் சொரூபமாக பார்த்து ரசித்த ரசிகர்கள் தற்போது பாவாடை தாவணியில் பவ்யமாக ஆட்டம் போட்டு இருக்கும் இவருடைய லேட்டஸ்ட் வீடியோவை பார்த்ததும் ரசிகர்கள் பலர் இது என்ன புது கெட்டப் என்று தான் கேட்டு வருகின்றனர்.

அதிக பட்ஜெட் வீடியோ

தான் நடிக்கும் தெலுங்கு சீரியலில் சூட்டிங் ஸ்பாட் வீடியோவை தற்போது அதிக அளவில் பட்ஜெட்டில் எடுத்த ரீல்ஸ் வீடியோ என்று இன்ஸ்டாகிராமில் பதிவிட்டுள்ளார். இந்த வீடியோவிற்கு லைக்குகள் அதிகமாக குவிந்து வருகிறது. அது மட்டுமல்லாமல் இந்த வீடியோவை இவருடைய ரசிகர்கள் பலர் பகிர்ந்து வருகிறார்கள். இதனால் இன்ஸ்டாகிராம் மட்டுமல்லாமல் சமூக வலைத்தளத்திலும் இந்த வீடியோக்கள் வைரலாக பரவி வருகிறது. அதில் பல ரசிகர்கள் அவருடைய அழகை புகழ்ந்து தள்ளி வருகிறார்கள். தொடர்ந்து இந்த மாதிரி வீடியோவை வெளியிட வேண்டும் என்றும் வலியுறுத்தி வருகின்றனர்.