மீண்டும் வருகிறேன், பெப்சி உமா கொடுத்த அப்டேட்.. சின்னத்திரையில் இனி கொண்டாட்டம் தான்

சென்னை: 90ஸ் கிட்ஸ்களின் பேவரைட் தொகுப்பாளர் பெப்சி உமா மீண்டும் தான் வரப்போகிறேன் என கூறியிருக்கிறார்.

ஒரு நிகழ்ச்சியில் கலந்து கொண்ட பெப்சி உமா பல தகவல்களை கூறி இருக்கிறார்.

தொகுப்பாளராக மீண்டும் அறிமுகமாகும் பெப்சி உமாவிற்காக இப்போது ரசிகர்கள் காத்திருக்க தொடங்கி விட்டார்கள்.

பொதுவாக நடிகர் நடிகைகள் என்றால் கூட அவர்கள் நடித்து பிரபலம் அடைந்த திரைப்படத்தின் பெயர்கள் தான் அவர்களுக்கு அடைமொழியாக வைப்பார்கள். ஆனால் 90ஸ் காலகட்டத்திலேயே தான் தொகுத்து வழங்கிய நிகழ்ச்சியில் ஒரு விளம்பரதாரரின் பெயரை அடைமொழியாக கொண்டவர்தான் பெப்சி உமா.

தற்போதைய சூழ்நிலையில் லேடி சூப்பர் ஸ்டார் என்று செல்லமாக நயன்தாரா அழைக்கப்பட்டாலும் அந்த காலகட்டத்தில் லேடி சூப்பர் ஸ்டார் என்று சொன்னால் அதற்கு பொருத்தமானவர் பெப்சி உமா தான். 90ஸ் கிட்ஸ்களின் ஃபேவரைட் தொகுப்பாளர்களில் இவர் முதன்மையானவர். பல தொகுப்பாளர்கள் வந்திருந்தாலும் இவருடைய இடத்தை யாராலும் பிடிக்க முடியாது என்று ரசிகர்கள் இப்பவும் கூறி வருகிறார்கள்.

கமலுக்கு நோ சொன்ன பெப்சி உமா.. ரஜினிகாந்த் கேட்ட கேள்வி.. தற்போது நிலைமை இப்படியா?
தொடர்ந்து 15 வருடங்களாக ஒரே நிகழ்ச்சியை தொகுத்து வழங்கி வந்த பெப்சி உமா அதைத்தொடர்ந்து இப்போது சில வருடங்களாக சின்னத்திரையை விட்டு விலகி இருந்து வருகிறார். இவருக்கு ரஜினி கமல் போன்ற முன்னணி நடிகர்களோடு ஜோடியாக நடிக்க வாய்ப்பு கிடைத்த போதிலும் அதுவெல்லாம் எனக்கு வேண்டாம் எனக்கு சின்னத்திரையே போதும் என்று இவர் உறுதியாக கூறி இருக்கிறார்.

கதாநாயகிகளுக்கு இணையாக அதிகமான ரசிகர்களைக் கொண்ட ஒரே தொகுப்பாளர் என்றால் அது பெப்சி உமா தான் என்று இப்போதும் 90 கிட்ஸ்கள் பலர் கூறி வருகிறார்கள். அந்த அளவிற்கு இவருடைய தெள்ளத் தெளிவான தமிழ் பேச்சு மற்றும் சிரித்த முகம் அவருடைய உடை அழகு பலரும் மெச்சித்தக்க வகையில் இருந்து வருகிறது. இந்த வகையில் இவர் பல வருடங்களாக காணவில்லையே எங்கே போனார் என்று ரசிகர்கள் தேடிக் கொண்டிருந்தனர்.

இந்த நிலையில் சமீபத்தில் ஒரு விருது வழங்கும் நிகழ்ச்சியில் பெப்சி உமா கலந்து கொண்டிருக்கிறார். அப்போது அந்த வீடியோவில் மீண்டும் நான் விரைவில் சின்னத்திரைக்கு வரப்போகிறேன் என்று அப்டேட் கொடுத்திருக்கிறார். இது 90ஸ் கிட்ஸ்கள் பலருக்கும் மகிழ்ச்சியை கொடுத்திருக்கிறது. தற்போது இந்த வீடியோவை அதிகமான ரசிகர்கள் பகிர்ந்து வருகிறார்கள்.

English summary

'90s kids' favorite host Pepsi Uma has said she's coming back.Pepsi Uma, who participated in an event, has given many information.Now fans have started waiting for Pepsi Uma to make her comeback as host.