எதிர்நீச்சல் "ஞானம்” வீட்டில் விசேஷம்..12 வருடம் கழித்து பிறந்த குழந்தை.. வாழ்த்த குவிந்த நடிகர்கள்

சென்னை: சன் டிவியில் ஒளிபரப்பாகி வரும் எதிர்நீச்சல் சீரியலில் ஞானம் கேரக்டரில் நடிகர் கமலேஷ் நடித்து வருகிறார்.

இந்த நிலையில் அவருக்கு 12 வருடம் கழித்து பிறந்த பெண் குழந்தைக்கு இன்று பிரம்மாண்டமாக பிறந்தநாள் விழா கொண்டாடப்பட்டிருக்கிறது.

இந்த விழாவிற்கு எதிர்நீச்சல் சீரியல் அணியினர் மட்டுமல்லாமல் இதுவரைக்கும் கமலேஷோடு நடித்த பல நடிகர்கள் இந்த நிகழ்ச்சியில் கலந்து கொண்டு குழந்தையை ஆசீர்வாதம் செய்து இருக்கின்றனர்.

சன் டிவியில் ஒளிபரப்பாகி வரும் எதிர்நீச்சல் சீரியலில் ஞானசேகரன் கேரக்டரில் ரசிகர்களின் மத்தியில் பிரபலமான கமலேஷ் தற்போது ஞானம் என்று ரசிகர்களால் செல்லமாக அழைக்கப்பட்டு வருகிறார். இவர் சன் டிவியில் ஒளிபரப்பான ஆனந்தம் சீரியலின் மூலமாக அதிகமாக ரசிகர்களின் மத்தியில் பிரபலமானவர் தான்.

பல வருடங்களாக இவர் சின்னத்திரை வெள்ளி திரையில் நடித்துக் கொண்டிருந்தாலும் இவருக்கு என்று தனி ரசிகர்கள் கூட்டம் இருக்கின்றன. சமூக வலைத்தளத்தில் ஆக்டிவாக இருக்கும் இவர் எப்போதும் பிரபலங்களோடும் தன்னுடைய குடும்பத்தோடும் எடுக்கும் புகைப்படங்களை பகிர்ந்து வருகிறார்.

கமலேஷ் ஜி தமிழ் டிவி சேனலில் சூப்பர் சிங்கர் செலிப்ரிட்டி என்ற போட்டியில் ஒரு போட்டியாளராக பங்கேற்றார். அப்போது அதே நிகழ்ச்சியில் கலந்து கொண்ட மற்றொரு பிரபலமான சிந்துஜாவை காதலித்து 2007 செப்டம்பர் 6ஆம் தேதி சென்னையில் திருமணம் செய்து கொண்டார். இவர்களுடைய திருமணத்தில் பல சின்னத்திரை, வெள்ளித்திரை பிரபலங்கள் கலந்து கொண்டனர்.

நடிகர் கமலேஷ் தமிழ், தெலுங்கு, கன்னடா சீரியல்களில் நடித்து வருகிறார். சென்னையில் பிறந்து வளர்ந்த இவர் தனது குழந்தை பருவத்தில் இருந்தே கிளாசிக்கல் இசையை கற்று இருக்கிறார். ஒரு நடிகராகவும், பாடகராகவும் இருக்கும் இவர் எதிர்நீச்சல் சீரியலில் ஞானம் கேரக்டரில் அமைதியின் சொரூபமாக அண்ணன் பேச்சை எதிர்த்து பேச துணிவு இல்லாத கேரக்டராகவும் இருந்து வருகிறார்.

ஆனால் நிஜ கேரக்டரில் இவர் அந்த மாதிரி கிடையாதாம். அதுமட்டுமல்லாமல் இவர்களுடைய திருமணத்திற்கு பிறகு இவர்களுக்கு 12 வருடங்கள் குழந்தை இல்லாமல் தான் இருந்திருக்கிறது. தங்களுக்கு இனி குழந்தை இருக்குமா? இல்லையா? என்ற ஒரு கேள்வியோடு இருந்த நிலையில் தான் இவருக்கு அழகான ஒரு பெண் குழந்தை பிறந்திருக்கிறது. அந்த குழந்தை தான் தன்னுடைய மொத்த உலகம் என்று இவரும் அவருடைய மனைவியும் கூறி இருக்கின்றனர்.

இந்த நிலையில் இன்று கமலேஷ் மகளான தியாவிற்கு பிறந்தநாள் பங்க்ஷன் கொண்டாடப்பட்டிருக்கிறது. அதற்கு அதிகமான சின்னத்திரை நடிகர்கள் கலந்து கொண்டிருக்கின்றனர். அதில் நடிகர் ராஜ்கமல், நடிகர் போஸ் வெங்கட், மற்றும் அவரது மனைவி சோனியா மேலும் எதிர்நீச்சல் சீரியல் நடிகர்கள் அனைவருமே கலந்து கொண்டிருக்கின்றனர்.

பிறந்தநாள் விழாவில் எடுத்த புகைப்படங்களை எதிர்நீச்சல் சீரியலில் குணசேகரனின் அம்மாவாக நடிக்கும் நடிகை சத்யபிரியா தன்னுடைய இன்ஸ்டாகிராம் பக்கத்தில் வெளியிட்டு இருக்கிறார். அதுபோல பிறந்தநாள் பங்க்ஷனில் கலந்து கொண்ட பல பிரபலங்களும் தொடர்ச்சியாக புகைப்படங்களை வெளியிட்டுக் கொண்டிருக்கின்றனர். இந்த நிலையில் தியா பாப்பாவிற்கு வாழ்த்துக்கள் குவிந்து வருகிறது.

English summary

Actor Kamlesh is playing the character of Gnanam in the Ethirneechal serial being aired on Sun TV.In this situation, a grand birthday party has been celebrated today for a girl child who was born 12 years after him.Apart from the team members of the Ethirneechal serial, many actors who have acted with Kamlesh so far are participating in this event and blessing the child.