எதிர்நீச்சல் சீரியல் "சாதனை”.. 5 மொழிகளில் ஒரே நேரத்தில்.. இதை கவனிச்சீங்களா..? இனி செம தான்..!

சென்னை: சன் டிவியில் ஒளிபரப்பாகி வரும் எதிர்நீச்சல் சீரியல் அதிகமான ரசிகர்களை கவர்ந்து டிஆர்பியில் முன்னணி இடத்தை பிடித்திருக்கிறது.

இந்த நிலையில் இந்த சீரியல் ஒரே நேரத்தில் ஐந்து மொழிகளில் வெவ்வேறு பெயரில் மொழிபெயர்க்கப்பட்டு ஒளிபரப்பாகி வருகிறது.

அதில் என்னென்ன மொழிகளில் எந்தெந்த பெயரில் என்பதை விரிவாக பார்க்கலாம்.

சின்னத்திரையில் முதல் முறையாக எந்த சீரியலும் செய்யாத பல சாதனைகளை சன் டிவியில் ஒளிபரப்பாகி வரும் எதிர்நீச்சல் சீரியல் குறுகிய காலகட்டத்திற்குள் செய்து கொண்டிருக்கிறது. ஏற்கனவே இதுவரைக்கும் இல்லாத வகையில் 9:30 மணிக்கு ஒளிபரப்பாகி வரும் இந்த சீரியல் டிஆர்பியில் இரண்டு வாரங்களாக முதலிடத்தை தக்க வைத்து இருந்தது.

அதுபோல ஞாயிற்று கிழமை எபிசோடும் அதிகமான டிஆர்பியை பெற்றிருந்ததை தொடர்ந்து இனி திங்கள் முதல் ஞாயிறு வரை வாரத்தில் அனைத்து நாட்களும் எதிர்நீச்சல் சீரியல் ஒளிபரப்பாகப்படும் என்று அறிவிக்கப்பட்டு இருக்கிறது. இதுவரைக்கும் திங்கள் முதல் சனிக்கிழமை வரை மட்டும்தான் எல்லா சீரியல்களும் ஒளிபரப்பாகி வருகிறது. முதல் முறையாக எதிர்நீச்சல் சீரியல்தான் வாரத்தில் அனைத்து நாட்களும் ஒளிபரப்பாக போகிறது.

எதிர்நீச்சல் சீரியலில் இயக்குனர் திருச்செல்வம் கோலங்கள் சீரியலுக்குப் பிறகு ஒரு சில சீரியல்களை இயக்கி வந்தார். ஆனால் அது அவர் எதிர்பார்த்த அளவிற்கு பெரிய அளவில் வெற்றி பெறவில்லை. ஆனாலும் சில வருடங்கள் பொறுமையாக காத்திருந்து இப்போது இயக்கும் எதிர்நீச்சல் சீரியல் பட்டி தொட்டி எல்லாம் பிரபலம் அடைந்து கொண்டிருக்கிறது. கிராமத்து ரசிகர்கள் மட்டுமில்லாமல் இந்த சீரியலுக்கு பல பிரபலங்களும் ரசிகர்களாக இருக்கின்றனர்.

புகுந்த வீட்டிற்கு வரும் மருமகள்கள் மூலம் பாரம்பரிய என்ற பெயரில் குடும்பத்தினர் பின்பற்றும் பிற்போக்குத்தனங்களை கேள்வி கேட்கும் விதமாக எதிர்நீச்சல் சீரியல் இருந்து வருகிறது. இதனால் அதிக வரவேற்பு பெற்று இந்த எதிர்நீச்சல் சீரியல் தற்போது ஐந்து மொழிகளில் எடுக்கப்பட்டு ஒளிபரப்பு செய்யப்படுகிறது. எதிர்நீச்சல் சீரியல் தமிழில் 2022 பிப்ரவரி முதல் ஒளிபரப்பாகி வருகிறது.

அதே நேரத்தில் தற்போது தெலுங்கில் (உப்பென்னா), மலையாளத்தில் (கனல் பூவு), கன்னடத்தில் (ஜனனி), பெங்காலியில் (அலோர் தீக்கனா), மராத்தியில் (சபாஷ் சன்னை) போன்ற மொழிகளில் பல்வேறு தலைப்புகளின் படி எதிர்நீச்சல் கதையை தழுவி சீரியல் எடுக்கப்பட்டு வருகிறது. அதே நேரத்தில் இந்த சீரியல்கள் சன் குடும்பத்தை சேர்ந்த பிற மொழி சேனல்களில் ஒளிபரப்பாகின்றது.

English summary

Ethirneechal serial produced in five languages: Sun TV's Ethirneechal serial has attracted more fans and has taken the top position in TRP.At this stage, this serial is simultaneously being translated and telecasted in five different languages. Let's see in detail which languages ​​and under which names.