சன் டிவி டாப் சீரியல் கதாநாயகி அதிரடியாக மாற்றம்.. காரணம் இதுதானா? புதியதாக வரும் விஜய் டிவி நடிகை

சென்னை: சன் டிவியில் ஒளிபரப்பாகி வரும் சிங்க பெண்ணே சீரியலில் ரெஜினா கேரக்டரில் நடித்து வந்த நடிகை ஜிவி டிம்பிள் சீரியலில் இருந்து விலகி இருக்கிறார். அவருக்கு பதிலாக விஜய் டிவியில் நடிக்கும் நடிகை அறிமுகமாகி இருக்கிறார். புதியதாக அறிமுகமான நடிகை யார்? எந்த சீரியலில் நடித்திருக்கிறார் என்ற தகவலை குறித்து விரிவாக பார்க்கலாம்.

அந்த வகையில் சன் டிவியில் டிஆர்பியில் முதல் இடத்தை தொடர்ச்சியாக சிங்க பெண்ணே சீரியல் பிடித்து வருகிறது. இந்த சீரியல் தொடங்கி சில மாதங்கள் ஆகி இருந்தாலும். சீரியலுக்கு ரசிகர்கள் மத்தியில் நல்ல வரவேற்பு இருக்கிறது. கிராமப்புறங்கள் மற்றும் நகரப்புறங்களில் இந்த சீரியலுக்கு என்று தனி ரசிகர்கள் கூட்டம் இருக்கின்றனர்.

சன் டிவியில் ப்ரைம் டைமில் ஒளிபரப்பாகும் சீரியல்கள் பொதுவாக மக்கள் மத்தியில் அதிகமான இடத்தை பிடித்து விடுகிறது. அந்த வரிசையில் இந்த சீரியலும் இடம் பிடித்திருக்கிறது. எத்தனையோ சீரியல்கள் சன் டிவியில் ஒளிபரப்பானாலும் இந்த சீரியலுக்குத்தான் அதிகமான ரசிகர்கள் இருக்கின்றனர்.

சீரியலின் கதைப்படி ஆனந்தி கிராமத்தில் இருந்து தன்னுடைய வீட்டு சூழ்நிலைக்கு சென்னைக்கு வேலைக்கு வந்து இருக்கிறார். அங்கு அவர் சந்திக்கும் பிரச்சனைகள், காதல், நட்பு என்று கலவையாக இந்த சீரியலின் கதை பயணித்துக் கொண்டிருக்கிறது. அதாவது சீரியலின் கதாநாயகன் அன்பு, அழகன் என்ற கதாபாத்திரத்தில் நடித்துக் கொண்டிருக்க அழகனை ஆனந்தியும் காதலித்துக் கொண்டிருக்கிறார்.

ஆனால் இதை தெரிந்து கொண்ட வில்லி குரூப் ஆனந்தியை ஏமாற்றுவதற்காக வேறு வகையில் பிளான் போட்டுக் கொண்டிருக்கிறார்கள். இதில் ஆனந்தி ஏமாறுவாரா? அல்லது அழகன் அன்பு தான் என்பதை கண்டுபிடிப்பாரா? என்ற முக்கியமான திருப்பங்களோடு கதை இப்போது பயணித்துக் கொண்டிருக்கிறது.

இந்த நிலையில் இந்த சீரியலில் ஆனந்தியின் தோழியாக ரெஜினா கேரக்டரில் நடித்து வந்த நடிகை ஜிவி டிம்பிள் திடீரென்று சீரியலில் இருந்து விலகி இருக்கிறார். அவர் சன் டிவியில் மட்டுமல்லாமல் ஜீ தமிழில் இந்திரா சீரியலும் நடித்துக் கொண்டிருந்தார். அந்த சீரியலில் இருந்தும் விலகி விட்டார். தொடர்ச்சியாக இவர் சீரியலில் இருந்து விலகி இருக்கும் நிலையில் சன் டிவியில் விரைவில் ஒளிபரப்பாக இருக்கும் புது சீரியலில் கதாநாயகியாக நடிக்க இருக்கிறார் என்று கூறப்படுகிறது.

அதற்கான சூட்டிங்கில் இவர் கலந்து கொண்டிருப்பதால் சிங்க பெண்ணே சீரியலில் இருந்து விலகி விட்டார் என்று கூறப்படுகிறது. அதே நேரத்தில் ரெஜினா கேரக்டரில் ஜிவி டிம்பிள்க்கு பதிலாக வீஜே கல்யாணி நடித்து இருக்கிறார். விஜே கல்யாணி விஜய் டிவியில் ஒளிபரப்பாகி வரும் மோதலும் காதலும் சீரியலில் நடித்துக் கொண்டிருக்கிறார்.

அதுபோல கனா காணும் காலங்கள் சீரியலிலும் நடித்திருந்தார். இந்த நிலையில் இனி ரெஜினாவாக விஜே கல்யாணி நடிக்க இருக்கும் நிலையில் அவருக்கு நம்முடைய வாழ்த்துக்களை தெரிவித்துக் கொள்ளலாம்.

English summary

Actress Jeevitha, who played the character of Regina in Singappenne serial aired on Sun TV, is away from the serial. An actress acting in Vijay TV has made her debut instead. Who is the new debutant actress? You can see in detail the information about which serial he has acted in.