வைரலாகும் சர்வைவர் மேக்கிங்... அம்மாடி.. எல்லாமே தீயால இருக்கு

By V Vasanthi

Updated: Thursday, October 28, 2021, 17:10 [IST]

Subscribe to Oneindia Tamil

சென்னை: சர்வைவர் நிகழ்ச்சியின் மேக்கிங் பார்த்து ரசிகர்கள் வாயடைத்துப் போய் இருக்கின்றனர்.

டாஸ்க் தான் வேற லெவலில் இருக்கிறது என்றால் நிகழ்ச்சிக்கான மேக்கிங் கூட வேற லெவல் தான்.

பறந்து பறந்து வீடியோ எடுக்கும் கலைஞர்களின் திறமை அபாரம் தான் என ரசிகர்கள் கூறி வருகின்றனர்.

ரசிகர்கள் மற்றும் சர்வைவர்

ஜீ தமிழில் ஒளிபரப்பாகி வரும் ரியாலிட்டி ஷோவான சர்வைவர் நிகழ்ச்சிக்கு ரசிகர்கள் மத்தியில் நல்ல வரவேற்பு கிடைத்து வருகிறது. வழக்கமாக இருக்கும் ரியாலிட்டி ஷோ போன்று அல்லாமல் இது தில்லான ரியாலிட்டி ஷோவாக இருந்து வருகிறது. இந்த ஷோவில் ஜெயிக்கும் போட்டியாளர்களுக்கு ஒரு கோடி பரிசு அறிவிக்கப்பட்டு இருக்கிறது. பரிசுக்காக ஒருசில போட்டியாளர்கள் கலந்து கொண்டாலும், தங்களுடைய திறமையை வெளிக்காட்டி தங்களுக்கு வாய்ப்புகளை ஏற்படுத்திக் கொள்வதற்காக பல போட்டியாளர்கள் இந்த நிகழ்ச்சியில் கலந்து கொண்டிருக்கிறார்கள். போட்டியாளர்கள் நினைத்தது போலவே இதில் கலந்து கொண்ட அனைவரும் ரசிகர்கள் மத்தியில் நன்றாக பிரபலம் அடைந்து விட்டனர்.

கலக்கலான அர்ஜுன் என்ட்ரி

ரசிகர்களின் பேர் ஆதரவினால் இந்த நிகழ்ச்சி ஒவ்வொரு நாளும் டிஆர்பி யில் முன்னேறிக் கொண்டிருக்கிறது. ரியாலிட்டி ஷோ என்றால் இதுதான் என்று சொல்லும் அளவிற்கு தற்போது ரசிகர்கள் மத்தியில் நல்ல வரவேற்ப்பையும், இடத்தையும் பிடித்து விட்டது. இது எந்த ஷோவை போன்றும் சாயலிலும் இல்லை. இது ஒரு தனித்துவமான நிகழ்ச்சி என்று இதற்கு ரசிகர்கள் சர்டிபிகேட் கொடுத்து கொண்டிருக்கும் போது நிகழ்ச்சியில் நடக்கும் காட்சிகள் எல்லாமே பார்க்கும் போதே கண்களில் தீப்பொறி பறக்கிறது.

மிரட்டும் போட்டியாளர்கள்

முதல் நாள் எபிசோட்டில் அர்ஜுன் ஹெலிகாப்டரில் பறந்து வந்து போட்டியாளர்களிடம் அறிமுகப்படுத்திக் கொள்ளும் போது எடுத்த மேக்கிங் வீடியோ தற்போது சமூக வலைத்தளத்தில் வைரலாக பரவி வருகிறது. இதில் கடல் நடுவே இருக்கும் குட்டித் தீவில் போட்டியாளர்கள் அனைவரும் அர்ஜுனுக்காக வெயிட் பண்ணிக் கொண்டிருக்கும்போது, ஸ்டைலாகவும் மாஸாகவும் ஹெலிகாப்டரில் வந்து இறங்கிய இவரை பல கேமராக்களும், வல்லுனர்களும் சூழ்ந்து இருப்பதை பார்த்து ரசிகர்கள் வாயடைத்துப் போய் இருக்கிறார்கள்.

வேற லெவல் டாஸ்க்

ஆக்ரோஷமான அலைகளுக்கு நடுவே கப்பலில் சென்று கொண்டிருக்கும் போட்டியாளர்களை பார்த்து இவ்வளவு ரிஸ்க் எடுக்கிறார்கள் என யோசித்துக் கொண்டிருக்கும் போதே, அடுத்ததாக டாஸ்க்கில் இவர்கள் செய்யும் வேற லெவல் விளையாட்டுகளை பார்த்து அடடா என்று பலர் வாய்பிளந்து இருக்கின்றனர். அந்த அளவிருக்கு டாஸ்க்கு எல்லாமே ஒரிஜினலாக போட்டியாளர்கள் விளையாடி இருக்கிறார்கள். அதில் எந்த எடிட்டிங்கும் செய்யாமல் பல கேமராக்கள் சுற்றிசுற்றி இவர்கள் செய்யும் டாஸ்க்களை படம் எடுத்து வருகிறது. அதுமட்டுமல்லாமல் கம்ப்யூட்டர் முதல் நவீன தொழில்நுட்ப கருவிகள் வரை அத்தனையும் பயன்படுத்தும் வல்லுநர்கள் அதிகமாக வெளிநாட்டை சேர்ந்தவர்கள் தான் இருக்கின்றனர். இந்த வீடியோவை பார்த்ததும் ரசிகர்கள் தங்களுடைய கருத்துக்களை மலைபோல குவித்து வருகின்றனர்.