டாட்டூ படத்தின் மூலம் ஹீரோவாகும் இன்ஸ்டா பிரபலம் "சதீஷ்”.. போஸ்டரே இப்படி இருக்கே!

Updated: Friday, July 11, 2025, 17:26 [IST]

Subscribe to Oneindia Tamil

சென்னை: டிக் டாக் ஆக்டிவாக இருந்த கால கட்டத்தில் அதில் வீடியோக்கள் போட்டு பிரபலமான சதீஷ் "டாட்டூ" என்ற தமிழ் திரைப்படத்தின் மூலமாக கதாநாயகனாக அறிமுகம் ஆகுகிறார். இந்த படத்தின் போஸ்டர் வெளியாகி பலருடைய பாராட்டை பெற்று வருகிறது.

சதீஷ் இன்ஸ்டாகிராம் மற்றும் டிக் டாக், youtube போன்ற சோசியல் மீடியா பக்கங்களில் பிரபலமானவர். அதுவும் அவருடைய மனைவியோடு சேர்ந்து ஜாலியாக இவர்கள் வீடியோ வெளியிடுவது பலருக்கும் பிடிக்கும். காமெடி மற்றும் டான்ஸ் வீடியோக்கள் போட்டு பிரபலமான சதீஷ் மற்றும் அவருடைய குடும்பமே இளைஞர்கள் மத்தியில் நல்ல பிரபலமாக இருக்கின்றனர். இந்த நிலையில் டாட்டூ திரைப்படத்தின் மூலமாக சதீஷ் கதாநாயகன் அறிமுகம் ஆகிறார்.

சதீஷ் நடிக்கும் டாட்டூ திரைப்படத்தின் போஸ்டர் வெளியாகி இருக்கிறது. அந்த போஸ்டரில் சதீஷ் நாக்கை வெளியே நீட்டி கைகள் இரண்டையும் சாமி சிலை போல வைத்திருக்கிறார். அவருக்கு முதுகு பக்கத்தில் இந்த பக்கத்தில் நான்கு கைகளும், அந்த பக்கத்தில் நான்கு கைகளும் காட்டப்படுகிறது. அதுபோல லுங்கி கட்டிக்கொண்டு அவர் அமர்ந்திருப்பது போன்று அந்த போஸ்டரில் இருக்கிறது. அதோடு அவருடைய முதுகுக்கு பின்னாடி இரண்டு பாம்பு டாட்டூ போடப்பட்டிருக்கிறது. இதை வைத்துதான் இந்த படத்தின் கதை இருக்கும் என்று எதிர்பார்க்கப்படுகிறது.

பொதுவாக சில இன்ஸ்டா ஜோடிகளின் வீடியோக்களை பார்க்கும்போது க்ரிஞ்சாக இருக்கும் ஆனால் சதீஷ் மற்றும் தீபா இருவருடைய வீடியோ ஜாலியாகவும் மீண்டும் மீண்டும் பார்க்கும் வகையிலும் இருக்கும். ஆனால் இப்போது சதீஷ்க்கு பட வாய்ப்பு கிடைத்திருப்பது அவரைப் போல சினிமாவில் ஜொலிக்க வேண்டும் என்று எதிர்பார்ப்போடு இருக்கும் இளைஞர்களுக்கு உத்வேகம் கொடுக்கும் வகையில் இருக்கிறது என்று பலரும் கமெண்ட் கொடுத்திருக்கிறார்கள்.