டாப் குக்கு டூப் குக்கு.. போட்டியாளராக வந்த பிரபல வில்லன்! அடேங்கப்பா இவங்களுமா வர்றாங்க!

சென்னை: சன் டிவியில் ஒளிபரப்பாக இருக்கும் டாப் குக்கு டூப் குக்கு நிகழ்ச்சியின் புதிய ப்ரோமோ வெளியாகி இருக்கிறது. இதில் குக் வித் கோமாளி நிகழ்ச்சியில் இருந்து விலகிய வெங்கடேஷ் பட் நடுவராக கலந்து கொள்கிறார். அதுபோல விஜய் டிவியில் குக் வித் கோமாளி நிகழ்ச்சியில் கலந்து கொண்ட பல கோமாளிகள் இந்த நிகழ்ச்சியில் கலந்து கொண்டிருக்கின்றனர்.

ஏற்கனவே ஒரு ப்ரோமோ வெளியாகி இதில் கலந்து கொள்ளும் டூப் குக்கு யார் என்பது தெரிய வந்திருந்த நிலையில் இப்போது டாப் குக்கு யாரெல்லாம் என்று புதிய பிரமோவில் காட்டி இருக்கின்றனர்.

விஜய் டிவியில் நான்கு சீசன்களாக குக் வித் கோமாளி நிகழ்ச்சி பெரிய அளவில் பிரபலமடைந்திருந்த நிலையில் ஐந்தாவது சீசன் தொடங்குவதற்கு முன்பே பெரிய அளவில் பிரச்சனைகள் ஏற்பட்டது. அதில் மீடியா மிஷன் தயாரிப்பு நிறுவனம், ஐந்தாவது சீசனில் இருந்து தான் விலகுவதாக அறிவித்திருந்தது. அதை தொடர்ந்து வெங்கடேஷ் பட் தானும் குக் வித் கோமாளி நிகழ்ச்சியில் இருந்து விலகுவதாக கூறியிருந்தார்.

இந்த நிலையில் சன் டிவியில் டாப் குக்கு டூப் குக்கு நிகழ்ச்சியை தயாரிப்பதாக அறிவித்திருக்கிறது. இந்த நிகழ்ச்சியில் வெங்கடேஷ் பட்டின் VB Dance நிறுவனம் முக்கிய பங்கு ஆற்றுகிறது. அதுபோல வெங்கடேஷ் பட் மட்டுமல்லாமல் குக்கு வித் கோமாளி நிகழ்ச்சியின் பிரபலங்களான கேபிஒய் தீனா, சூப்பர் சிங்கர் பரத், ஜிபி முத்துக்கள் ,மோனிஷா பிளஸ்சி, தீபா போன்ற பலரை களம் இறக்கி இருக்கின்றனர்.

இவர்கள் எல்லோரும் கலந்து கொண்ட முதல் ப்ரோமோ வெளியாகி இருந்தது. அந்த ப்ரோமோவின் வீடியோவை பதிவிட்டுள்ள வெங்கடேஷ் பட், "கண்டெண்டு தான் என்றும் ராஜா. ஒரிஜினல் கண்டண்டு தான் பேரரசர். மீடியா மெஷின்ஸ் வழங்கும் ஒரு புத்தம்புது நிகழ்ச்சி என்று குறிப்பிட்டதோடு #victoryForOriginality என்ற ஹேஸ் ஸ்டைக்கையும் போட்டுள்ளார்.

இந்த நிலையில் இன்று இந்த நிகழ்ச்சிக்கான இரண்டாவது ப்ரோமோ வெளியாகி இருக்கிறது. அதை தன்னுடைய சமூக வலைதள பக்கத்தில் பகிர்ந்த வெங்கடேஷ் பட், நாங்க எல்லாரும் ரெடி நீங்களும் ரெடியா மக்களே? என்று கேட்டிருக்கிறார். அதோடு இந்த பிரமோவில் பல நடிகர்களும் கலந்து கொண்டிருக்கின்றனர்.

அதிலும் திரைப்படங்களில் வில்லனாகவும் காமெடி கேரக்டரிலும் மிரட்டி கொண்டிருக்கும் நடிகர் பெப்சி விஜயனை பார்த்த ரசிகர்களுக்கு ஒரே ஆச்சரியமாக தான் இருந்திருக்கும். ஸ்டண்ட் மாஸ்டரான பெப்சி விஜயன் ஒரு நடிகர் மட்டுமல்லாமல் இயக்குனராகவும் இருக்கிறார். அதிலும் நடிகர் அஜித் குமாரின் நடிப்பில் வெளியான வில்லன், ஆஞ்சநேயா, விஜய் நடிப்பில் வெளியான வில்லு, சூர்யா நடித்த ஆதவன்,

விக்ரம் நடிப்பில் வெளியான தில், ரஜினியின் பாபா உள்ளிட்ட பல படங்களில் நடித்திருக்கிறார். முரட்டு ஆளான பெப்சி விஜயனை குக்காக அழைத்து வருவார்கள் என்று யாரும் நினைத்திருக்க மாட்டார்கள். அவரோடு செஃப் சரவணன், டூப் குக்காக ஆதித்யா கதிர் ஆகியோரும் இருக்கிறார்கள். விஜயன், சரவணன், கதிரை வச்சுக்கிட்டு நான் எப்படிடா இந்த நிகழ்ச்சியை நடத்துவது என்று வெங்கடேஷ் பட் புலம்பும் ப்ரோமோ இப்போது இணையத்தில் வைரலாகி வருகிறது.

English summary

A new promo of Top cooku Dupe Cooku show aired on Sun TV is out. Venkatesh Bhatt, who quit the show Cook with Comali, will participate as a judge. Similarly, many clowns who participated in Cook with comali show on Vijay TV are participating in this show.