கொட்டும் மழையில் விஜய் டிவி நடிகைக்கு சங்கீத் ஃபங்ஷன்.. குவிந்த பிரபலங்கள்.. க்யூட்டான போட்டோஸ்

Updated: Wednesday, November 27, 2024, 19:02 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் பொன்னி சீரியலில் கதாநாயகியாக நடிக்கும் வைஷ்ணவிக்கும் சிறகடிக்க ஆசை சீரியலில் முத்துவாக நடிக்கும் வெற்றி வசந்த்க்கும் நாளை திருமணம் நடைபெற இருக்கும் நிலையில், சங்கீத் பங்க்ஷன் புகைப்படங்கள் வெளியாகி இருக்கிறது.

விஜய் டிவியில் ஒளிபரப்பான ராஜா ராணி சீரியலில் துணை கேரக்டரில் நடித்த வைஷ்ணவி பொன்னி சீரியலில் கதாநாயகியாக நடித்துக் கொண்டிருக்கிறார். ஆரம்பத்தில் இந்த சீரியலில் இவர் நடிக்கும்போது அதிகமான விமர்சனங்கள் வந்தது. ஆனாலும் அதையெல்லாம் தாண்டி இவர் இந்த சீரியலில் தொடர்ந்து நடித்துக் கொண்டிருக்கிறார்.

கடந்த மாதத்தில் தான் வைஷ்ணவி சிறகடிக்க ஆசை சீரியலில் முத்து கேரக்டரில் நடிக்கும் வெற்றி வசந்தத்தை காதலிக்கும் தகவலை ரசிகர்களிடம் பகிர்ந்து இருந்தார். அதைத்தொடர்ந்து அடுத்த வாரமே இந்த ஜோடியின் எங்கேஜ்மென்ட் நடைபெற்றது. சின்னத்திரையில் ஒன்றாக நடித்து பலர் காதலர்களாக மாறி இருக்கிறார்கள். அந்த வரிசையில் இப்போது வைஷ்ணவி மற்றும் வெற்றி வசந்த் ஜோடியும் இணைந்து இருக்கிறார்கள்.

வைஷ்ணவி மற்றும் வெற்றி வசந்த் இருவருமே எந்த பின்புலமும் இல்லாமல் தங்களுடைய முயற்சியால் இன்று சின்னத்திரையில் தனக்கென்று ஒரு இடத்தை பிடித்திருக்கிறார்கள். இவர்கள் இருவரும் காதலிக்கிறார்கள் என்றதும் பலரும் இன்ப அதிர்ச்சி தான் அடைந்தார்கள் என்று சொல்லவேண்டும். காரணம் பொன்னி சீரியலில் இரண்டு மாதங்களுக்கு முன்பு வெற்றி வசந்த் பொன்னியின் அண்ணனாக நடித்திருந்தார்.

வெற்றி வசந்த் மற்றும் வைஷ்ணவியின் திருமணம் நாளை நடைபெற இருக்கும் நிலையில் இவர்களுடைய திருமண கொண்டாட்டம் தொடங்கி இருக்கிறது. நேற்று அவர்களுக்கு சங்கீத் பங்க்ஷன் நடந்து இருக்கிறது. அடுத்ததாக மெஹந்தி ஃபங்ஷன் என ஒவ்வொரு பங்க்ஷன்களும் நடைபெற்றுக் கொண்டிருக்கிறது.

இதில் சின்னத்திரை பிரபலங்கள் பலரும் கலந்து கொண்டிருக்கிறார்கள். அதிலும் குறிப்பாக பொன்னி சீரியலில் கதாநாயகனாக நடிக்கும் சபரி இந்த பங்க்ஷனில் கலந்து கொண்டு இருக்கிறார். அவருடைய தோழிகள் பலர் இருக்கிறார்கள் அவர்களோடு சேர்ந்து சபரியும் வைஷ்ணவிக்கு சந்தனம் வைத்து மலர் பந்தல் சுமந்து திருமண வேலை பலவற்றையும் செய்து கொண்டிருக்கிறார். இந்த க்யூட்டான புகைப்படங்கள் இணையத்தில் வெளியாகி இருக்கிறது.