சிம்பு விஜய்யை காலி பண்ணி இருப்பாரு.. ரஜினி ஒரு வார்த்தை சொன்னால் வேற மாதிரி ஆகிடும்..! பிரபலம் ஆதங்கம்

சென்னை: தமிழக அரசியல் களத்தில் அடியெடுத்து வைத்த பிறகு, விஜய் தொடர்ந்து பல்வேறு சர்ச்சைகளின் மையமாக மாறி வருகிறார். ரசிகர்கள் மத்தியில் பெரிய ஆதரவு இருந்தாலும், அரசியல் பயணத்தின் தொடக்க கட்டத்திலேயே அவரைச் சுற்றி விமர்சனங்களும் எதிர்ப்புகளும் அதிகரித்து வருகின்றன. குறிப்பாக, சமீப காலமாக சினிமா துறையிலிருந்தே சில குரல்கள் எழ ஆரம்பித்திருப்பது கவனிக்கத்தக்கதாக உள்ளது.

அந்த வகையில், இயக்குநர் பிரவீன் காந்தி தெரிவித்துள்ள கருத்துகள் தற்போது பெரிய விவாதமாக மாறியுள்ளன. நடிகராக வேண்டும் என்ற கனவுடன் சினிமாவில் நுழைந்த அவர், பின்னர் இயக்குநராக மாறி ரட்சகன், ஜோடி போன்ற வெற்றி படங்களை கொடுத்தவர். குறிப்பாக நாகார்ஜுனா மற்றும் சுஷ்மிதா சென் நடித்த ரட்சகன் படம் அப்போது பெரிய வரவேற்பைப் பெற்றது. தொடர்ந்து பிரசாந்த் நடித்த ஸ்டார் படத்தையும் இயக்கியவர்.

இப்படியான அனுபவம் கொண்டவர் தற்போது விஜய் குறித்து வெளிப்படையாக கருத்து தெரிவித்தது தான் இந்த சர்ச்சைக்கு காரணமாகியுள்ளது.

சிம்பு ஒப்பீட்டால் கிளம்பிய சர்ச்சை

பிரவீன் காந்தி, சிம்பு குறித்து பேசும்போது, "அவர் ஒழுங்காக இருந்திருந்தால் இந்நேரம் விஜய்யை முந்தியிருப்பார்" என்ற வகையில் கருத்து தெரிவித்ததாக கூறப்படுகிறது. இந்த ஒப்பீடு ரசிகர்கள் மத்தியில் உடனே எதிர்வினையை ஏற்படுத்தியது.

அரசியல் பரிமாணம்

இதற்கு மேலாக, ரஜினிகாந்த் பெயரை எடுத்துக்கொண்டு அவர் கூறிய கருத்தும் கவனத்தை ஈர்த்துள்ளது. தவெக நிர்வாகி ஆதவ் பேசியதற்கு எதிர்ப்பு தெரிவித்த பிரவீன் காந்தி,விஜய்க்கு ரஜினி தான் ரோல் மாடல் என்றும், நாளை ரஜினி ஒரு சைகை காட்டினாலே மக்கள் மனநிலை மாறிவிடும் விஜய்க்கு போட்டியாக பலர் எலக்ஷனில் நிற்பார்கள் என்ற வகையில் அவர் பேசி இருக்கிறார்

இந்த கருத்துகள் சாதாரண சினிமா ஒப்பீடாக இல்லாமல், நேரடியாக அரசியல் தாக்கத்தை ஏற்படுத்தும் வகையில் இருப்பதால், இது மேலும் விவாதத்தை தூண்டியுள்ளது.

ஏன் இப்போது இப்படி பேச்சு?

விஜய் சமீப காலமாக தொடர்ந்து பல பிரச்சனைகளை சந்தித்து வருகிறார். பொதுக்கூட்டங்களில் ஏற்பட்ட உயிர் இழப்பு, விவாகரத்து சர்ச்சை, கல்யாண நிகழ்ச்சியில் நடிகையுடன் கலந்து கொண்டது என இப்படி பல்வேறு விஷயங்கள் அவரைச் சுற்றி விவாதமாகி வருகின்றன.

இதுவரை இந்த விமர்சனங்கள் அரசியல் தரப்பிலிருந்தே அதிகமாக வந்த நிலையில், தற்போது சினிமா துறையிலிருந்தே சிலர் ஓபனாக கருத்து தெரிவிக்க ஆரம்பித்திருப்பது மேலும் பரபரப்பை ஏற்படுத்தி இருக்கிறது.

ரசிகர்கள் vs விமர்சகர்கள்

விஜய் ரசிகர்கள் இந்த கருத்துகளை கடுமையாக எதிர்த்து வருகின்றனர். "இது தேவையில்லாத ஒப்பீடு" என்றும், "விஜய் தனது பாதையில் சென்று கொண்டிருக்கிறார்" என்றும் அவர்கள் சமூக வலைதளங்களில் பதிலடி கொடுத்து வருகின்றனர்.

மறுபுறம், சிலர் "அரசியலுக்கு வந்த பிறகு இப்படிப்பட்ட விமர்சனங்கள் தவிர்க்க முடியாது" என்றும் கருத்து தெரிவிக்கின்றனர்.

சினிமாவில் இருந்து அரசியலுக்கு வந்த விஜய் தற்போது இரு தரப்பிலிருந்தும் கவனிக்கப்பட்டு வருகிறார். ஒரு பக்கம் ரசிகர்களின் ஆதரவு, மறுபக்கம் தொடர்ந்து வரும் சர்ச்சைகள்-இந்த இரண்டிற்கும் நடுவில் அவர் தனது அரசியல் பயணத்தை முன்னெடுத்து வருகிறார்.

இந்நிலையில், பிரவீன் காந்தி போன்றவர்களின் கருத்துகள், விஜயைச் சுற்றியுள்ள விவாதத்தை இன்னும் அதிகரித்துள்ளன. இந்த சர்ச்சைகள் அவரின் இமேஜை பாதிக்குமா? அல்லது மேலும் பிரபலமாக்குமா? என்பது தான் இப்போது அரசியல் மற்றும் சினிமா வட்டாரங்களில் எழும் பெரிய கேள்வியாக உள்ளது.