CWCவில் இருந்து வெளியேற காரணமே இதுதானா? மணிமேகலை வெளியிட்ட போட்டோஸ்... குவியும் வாழ்த்துக்கள்

குக் வித் கோமாளி நிகழ்ச்சியில் இருந்து வெளியேறிய மணிமேகலை தன்னுடைய சொந்த இடத்தில் தான் செய்யும் புது வேலையை புகைப்படமாக வெளியிட்டு இருக்கிறார்.

Updated: Monday, March 6, 2023, 16:53 [IST]

Subscribe to Oneindia Tamil

சென்னை: விஜய் டிவியில் குக் வித் கோமாளி சீசன் 4 ஒளிபரப்பாகி வருகிறது.

நான்கு சீசன்களாக தொடர்ந்து கோமாளியாக இருந்து வந்த மணிமேகலை திடீரென இந்த சீசனில் இருந்து வெளியேறி இருக்கிறார்.

இந்த நிலையில் தன்னுடைய கிராமத்தில் தன்னுடைய சொந்த இடத்தில் புதிய வேலைகளை தொடங்கும் புகைப்படங்களை மணிமேகலை வெளியிட்டு இருக்கிறார்.

முன்னணி தொகுப்பாளர்

இன்றைய இளைஞர்கள் மட்டுமின்றி 90'ஸ் கிட்ஸ் இளைஞர்களுக்கும் நன்கு பரிச்சயமான பிரபலமான விஜே மணிமேகலை ஆவார். அகிலமே ஆண்ட்ராய்டு மயம் ஆவதற்கு முன்பு, கேபிள் டிவி என்றாலே சன் டிவி தான் என்று மக்கள் நினைத்து இருந்த காலகட்டத்தில், தன் அழகாலும் வசீகரிக்கும் பேச்சாலும் சன் நெட்வொர்க் நிகழ்ச்சிகளில் பெரும்பாலான நிகழ்ச்சிகளை தொகுத்து வழங்கி அனைவரது மனதிலும் அவரது முகத்தை பதிய வைத்துவிட்டார் விஜே மணிமேகலை, இப்பொழுது இருக்கும் பல விஜேகளுக்கு இவர் இன்ஸ்பிரேஸ்னாக கூட இருந்திருக்கலாம்.

மறக்க முடியாத விருது

2016 ஆம் ஆண்டு அப்போதைய ஆளுநர் மாண்புமிகு. ரோசய்யா அவர்கள் கையால் "சிறந்த தொகுப்பாளர்" விருதை பெருமளவிற்கு, சன் நெட்வொர்க் நிகழ்ச்சிகள் இவரது கேரியரில் முக்கிய பங்கு வகித்தது. 2019ஆம் ஆண்டு விஜய் டிவிக்கு வந்த இவர் மிஸ் அண்ட் மிஸஸ் சின்னத்திரை ரியாலிட்டி ஷோவில் தன் காதல் கணவருடன் கலந்துகொண்டு, ஒரு கலக்கு கலக்கினார். அப்பொழுதுதான் ரசிகர்கள் மணிமேகலையின் பேச்சுத்திறமை மட்டுமல்ல இன்னும் பல திறமையை பார்த்து ரசித்தனர், ஜோடியாக சிறப்பான பெர்பாமன்ஸை கொடுத்தாலும்,ரன்னர்-அப் ஆகவே வர முடிந்தது.இருப்பினும் இவர்களுடைய பெர்பாமன்ஸ் அனைவரிடமும் நல்ல பாராட்டைப் பெற்றது.

சொந்த உழைப்பு

இதை தொடர்ந்து விஜய் டிவியில் செட்டிலாகி விட்ட விஜே மணிமேகலை, 'குக் வித் கோமாளி' நிகழ்ச்சியில் தனக்கிருக்கும் சமையல் திறமை மற்றும் டைமிங் காமெடி மூலம் செம ரீச் ஆகிவிட்டார். பெற்றோரை எதிர்த்து காதல் திருமணம் செய்து கொண்ட மணிமேகலை,எந்த நிலையிலும் யாரையும் சார்ந்து இருக்கக் கூடாது என்று வெறியோடு ஓய்வில்லாமல் ஒர்க் பண்ணி கொண்டிருக்கிறார். சில நாட்களுக்கு முன்பு கூட தம்பதியர்கள் தங்கள் சொந்த உழைப்பில் பி.எம்.டபிள்யூ. கார் வாங்கி இருந்ததாக பகிர்ந்து இருந்தனர்.அதை பல்வேறு செலிபிரிட்டிகளும் இணையவாசிகளும் வாழ்த்தி.. இந்த போஸ்ட்டை ஷேர் செய்து இருந்தனர்.

புது முயற்சி

தன்னுடைய சொந்த ஊரில் தான் கஷ்டப்பட்டு சம்பாதித்த பணத்தில் தங்களுக்கு என்று ஒரு இடத்தை வாங்கி விட்டோம் என்று சில மாதங்களுக்கு முன்பு மணிமேகலையும் அவருடைய கணவரும் சேர்ந்து வீடியோ வெளியிட்டிருந்தனர். தற்போது குக் வித் கோமாளி நிகழ்ச்சியில் இருந்து வெளியேறிய மணிமேகலை தன்னுடைய சொந்த இடத்தில் பராமரிப்பு வேலையை தொடங்கி இருக்கிறார். இதனால் ரசிகர்கள் கிராமத்தில் செட்டில் ஆகி விடலாம் என்று தான் மணிமேகலை இந்த நிகழ்ச்சியில் இருந்து வெளியேறினாரா? என்றும் அடுத்த முயற்சி விவசாயத்தில் தான் மணிமேகலை கவனத்தை செலுத்த போகிறாரா? என்று கேள்வி கேட்டு வருகின்றனர்.