நாங்க இருக்கோம் சென்னை மக்களே.. இந்த நம்பருக்கு கால் பண்ணுங்க! காவல்துறை உதவி எண்கள் அறிவிப்பு

சென்னை: மிக்ஜாம் புயல் மழை வெள்ளம் காரணமாக பாதிக்கப்பட்டு உள்ள பொதுமக்களுக்கு நிவாரணம் மட்டும் மீட்புப் பணி உதவிகளை மேற்கொள்ள சென்னை காவல்துறை உதவி எண்களை அறிவித்து உள்ளது.

மிக்ஜாம் புயலின் தாக்கத்தால் சென்னையில் கொட்டித் தீர்த்த கனமழை பாதிப்பு இன்னும் தீராமல் உள்ளது. பெரும்பாலான இடங்களில் வெள்ளம் வடிந்தாலும், சில இடங்களில் நிலைமை இன்னும் மோசமாகவே காணப்படுகிறது. போலீசார், தீயணைப்பு படையினர், மாநில பேரிடர் மீட்பு படையினர், தேசிய பேரிடர் மீட்புப் படையினர், கமாண்டோ படையினர் என அனைத்து தரப்பினரும் இணைந்து மக்களை மீட்கும் பணியில் ஈடுபட்டு வருகிறார்கள். இவர்களும் பல்வேறு அமைப்புகள், தன்னார்வலர்களும் நிவாரண உதவிகளை செய்து வருகின்றனர்.

இந்த நிலையில், சென்னை காவல்துறை தற்போது எக்ஸ் தளத்தில் புயல் தொடர்பா சென்னை பெருநகர காவல்துறை, பொதுமக்களுக்கு மீட்பு மற்றும் நிவாரண உதவிகளை வழங்குவதற்கு பின்வரும் சென்னை பெருநகர காவல் உதவி மைய எண்களை அறிவித்துள்ளது.
23452359, 23452360, 23452361, 23452377 மற்றும் GCP வெள்ளக் கட்டுப்பாட்டறை எண்: 23452437" என்று குறிப்பிடப்பட்டு உள்ளது.

முன்னதாக காவல் துறை வெளியிட்ட செய்திக் குறிப்பில், "சென்னை பெருநகர காவல் எல்லைக்குட்பட்ட சாலைகளின் தற்போதைய போக்குவரத்து நிலை: விமான நிலையத்திலிருந்து அண்ணா சாலை வரையும், கிழக்கு கடற்கரைச் சாலையும் தடையற்ற போக்குவரத்து சாலைகளாக (Green Corridor) பராமரிக்கப்படுகிறது. மற்ற இடங்களில் 1 அடி அளவிற்கு தண்ணீர் தேங்கியுள்ளது. அவசர தேவைக்காக அண்ணா சாலை மற்றும் கிழக்கு கடற்கரைச் சாலைகளைப் பயன்படுத்த பொதுமக்கள் அறிவுறுத்தப்படுகிறார்கள்.

முக்கிய போக்குவரத்து மாற்றங்கள்: புழல் ஏரியிலிருந்து தண்ணீர் திறந்துவிடப்பட்டதால், மஞ்சம்பாக்கம் முதல் வடபெரும்பாக்கம் வரை செல்லும் சாலையில் போக்குவரத்து அனுமதிக்கப்படவில்லை. பெருநகர சென்னை மாநகராட்சி & நெடுஞ்சாலைத் துறையின் ஒருங்கிணைப்புடன் நீர்தேங்கியுள்ள முக்கியப் பகுதிகளில் நீரகற்றும் பணிகள் மேற்கொள்ளப்படுகின்றன. அனைத்து பாதிக்கப்படக்கூடிய பகுதிகளிலும் DDRT குழுக்கள் மீட்புப் பணியில் ஈடுபட்டு வருகின்றனர். மேலும், சென்னை பெருநகர மாநகராட்சி மற்றும் நெடுஞ்சாலைத்துறையுடன் இணைந்து செயல்படுகின்றன." என்று குறிப்பிட்டு உள்ளது.

English summary

Chennai Police has announced helpline numbers to provide only relief and rescue assistance to the public affected by Mijam storm rains and floods.