ரெடியாகிக்கங்க மக்களே! சனிக்கிழமை அதுவுமா 4 மாவட்டங்களில் வெளுக்கப் போகும் கனமழை! மெட் அப்டேட்

சென்னை: இன்று தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். கன்னியாகுமரி, திருநெல்வேலி, தென்காசி, தூத்துக்குடி மாவட்டங்களில் ஓரிரு இடங்களில் கனமழை பெய்ய வாய்ப்புள்ளது என சென்னை வானிலை ஆய்வு மையம் கணித்துள்ளது.

தமிழகத்தில் கடந்த சில தினங்களாகவே வடகிழக்கு பருவமழை தீவிரமாக பெய்து வருகிறது. அதே நேரத்தில் மொந்தா புயல் எதிர்பார்த்த மழையை தமிழகத்துக்கு தராத நிலையில் அடுத்தடுத்து காற்றழுத்த தாழ்வு நிலை உருவாகும் என சென்னை வானிலை ஆய்வு மையம் கூறியுள்ளது.

தற்போதைய சூழலில் தமிழகத்தை ஒட்டிய வங்க கடலில் அடுத்தடுத்து இரண்டு காற்று அழுத்த தாழ்வு நிலைகள் உருவாகும் எனவும். இதனால் தமிழகத்தில் மழை பெய்யும் என எதிர்பார்க்கப்படுகிறது. இதற்கான சாத்தியக்கூறுகள் அதிகமிருப்பதாகவே வானிலை வல்லுநர்கள் கணிக்கின்றனர்.

இந்நிலையில், தமிழகத்தில் இன்று 4 மாவட்டங்களில் ஓரிரு இடங்களில் கனமழை பெய்ய வாய்ப்புள்ளது என சென்னை வானிலை ஆய்வு மையம் கூறியுள்ளது. இதுதொடர்பாக வெளியாகியுள்ள அறிவிப்பில்," தென்னிந்திய பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது. எனவே இன்று தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். கன்னியாகுமரி, திருநெல்வேலி, தென்காசி, தூத்துக்குடி மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

நாளை தென் தமிழகத்தில் ஒரு சில இடங்களிலும், வடதமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும். திருநெல்வேலி மாவட்ட மலைப்பகுதிகள் மற்றும் கன்னியாகுமரி மாவட்டத்தில் ஓரிரு இடங்களில் கனமழை பெய்ய வாய்ப்புள்ளது.

சென்னை மற்றும் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடி, மின்னலுடன் கூடிய லேசான / மிதமான மழை பெய்ய வாய்ப்புள்ளது. அதிகபட்ச வெப்பநிலை 33-34° செல்சியஸை ஒட்டியும், குறைந்தபட்ச வெப்பநிலை 24-25 செல்சியஸை ஒட்டியும் இருக்கக்கூடும்" என சென்னை வானிலை ஆய்வு மையம் கூறியுள்ளது.

English summary

The Regional Meteorological Centre in Chennai has forecast heavy rain in isolated places across four districts — Kanyakumari, Tirunelveli, Tenkasi, and Thoothukudi — today. Light to moderate rain with thunder and lightning is also expected in a few areas of Tamil Nadu, Puducherry, and Karaikal. Chennai may see partly cloudy skies with occasional rain showers.