தேதி குறிச்சாச்சு! தீவிரமடையும் வடகிழக்கு பருவமழை.. உஷார் மக்களே!

சென்னை: கடந்த அக்டோபர் மாதம் 1ம் தேதி தமிழ்நாட்டில் வடகிழக்கு பருவமழை தொடங்கியது. கடந்த சில நாட்களாகவே மழையின் தீவிரம் சற்று குறைவாகவே இருக்கிறது. இந்நிலையில், எதிர் வரும் நாட்களில் தீவிரமடையும் என்று சொல்லப்பட்டிருக்கிறது.

இது குறித்து தனியார் வானிலை ஆய்வாளர்கள் கூறுகையில், "நவம்பர் 12, 13ம் தேதிகளுக்கு பின்னர் தமிழ்நாட்டில் வடகிழக்கு பருவமழை தீவிரமடையும். இந்த மழை முதலில் தென்தமிழகத்தின் கடலோர மாவட்டங்களில் தொடங்கி பின்னர் படிப்படியாக மற்ற மாவட்டங்களுக்கு பரவும்.

குறிப்பாக சென்னை உள்ளிட்ட பிற மாவட்டங்களில் மழையின் தாக்கம் அதிகரிக்கும். நவம்பர் மாத்தின் 4வது வாரத்தில் தென்மேற்கு வங்கக்கடலில் அல்லது இந்திய பெருங்கடல் பகுதியில் ஒரு வலுவான காற்றழுத்த தாழ்வு மண்டலம் உருவாகும். இது புயலாக மாறவும் வாய்ப்பு இருக்கிறது" என்று தனியார் வானிலை ஆய்வார்கள் தெரிவித்திருக்கிறார்கள்.

முன்னதாக சென்னை வானிலை ஆய்வு மையம் விடுத்துள்ள அறிக்கையில், "மன்னார் வளைகுடா மற்றும் அதனை ஒட்டிய குமரிக்கடல் பகுதிகளின் மேல் ஒரு வளிமண்டல மேலடுக்கு சுழற்சி நிலவுகிறது. தமிழக பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது.

எனவே நவ.9ம் தேதி தென் தமிழகத்தில் ஒருசில இடங்களிலும், வடதமிழகத்தில் ஒரிரு இடங்களிலும் புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும். திருநெல்வேலி மற்றும் தென்காசி மாவட்டங்களின் மலைப்பகுதிகள் மற்றும் கன்னியாகுமரி மாவட்டத்தில் ஓரிரு இடங்களில் கனமழை பெய்யவாய்ப்புள்ளது.

நவ.10ம் தேதி தென் தமிழகத்தில் ஒருசில இடங்களிலும், வடதமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும்.

நவ.11ம் தேதி தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும்.

நவ.12ம் தேதி தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, சிவகங்கை, இராமநாதபுரம், விருதுநகர், மதுரை, சிவகங்கை, தூத்துக்குடி, திருநெல்வேலி, கன்னியாகுமரி, நீலகிரி, கோயம்புத்தூர் திருப்பூர், திண்டுக்கல், தேனி, தென்காசி மாவட்டங்களில் ஓரிரு பெய்யவாய்ப்புள்ளது. இடங்களிலும், காரைக்கால் பகுதிகளிலும் கனமழை

நவ.13ம் தேதி தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும். கோயம்புத்தூர் மாவட்ட மலைப்பகுதிகள், நீலகிரி, திண்டுக்கல், தேனி, தென்காசி, கன்னியாகுமரி, திருநெல்வேலி மற்றும் தூத்துக்குடி மாவட்டங்களில் ஓரிரு இடங்களில் கனமழை பெய்யவாய்ப்புள்ளது.

நவ.14ம் தேதி தமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

நவ.9ம் தேதி வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய லேசான / மிதமான மழை பெய்ய வாய்ப்புள்ளது. அதிகபட்ச வெப்பநிலை 34" செல்சியஸை ஒட்டியும், குறைந்தபட்ச வெப்பநிலை 25-26 செல்சியஸை ஒட்டியும் இருக்கக்கூடும்.

English summary

Meteorological experts predict the Northeast Monsoon will intensify across Tamil Nadu during November, with increased rainfall activity expected particularly in coastal and delta regions of the state.