தமிழ்நாடு வெதர்மேன் போட்ட லேட்டஸ்ட் பதிவு.. இந்த மேம்பை பாருங்க.. பெரிய சம்பவம் காத்திருக்கு

Updated: Tuesday, May 14, 2024, 17:49 [IST]

Subscribe to Oneindia Tamil

சென்னை: காஞ்சிபுரத்தை சுற்றிலும் கடுமையான மேகங்கள் காணப்படுகிறது என்றும், திருச்சி - பெரம்பலூர் இடையே மழை பெய்து வருகிறது என்றும் தமிழ்நாடுவெதர்மேன் பிரதீப்ஜான் கூறியுள்ளார். வழக்கம் போல் ஏற்காடு பகுதியில் இடியுடன் கூடிய மழை பெய்து சேலம் நகருக்குள் அந்த மழை செல்ல வேண்டும் என்றும் கூறியுள்ளார்.

தமிழகத்தில் அடுத்த 4 நாட்களுக்கு அனேக இடங்களில் கனமழை பெய்ய வாய்ப்பு இருப்பதாக வானிலை ஆய்வு மையம் கூறியிருந்த நிலையில் கடந்த சில நாட்களாக தமிழகத்தில் மழை பெய்து வருகிறது. இந்த மழையால் கடந்த இரண்டு மாதங்களாக நீடித்து வந்த கோடை வெயிலின் தாக்கத்தை குறைத்துள்ளது. நேற்று காலை 8.30 மணியுடன் நிறைவு பெற்ற 24 மணி நேரத்தில், அதிகபட்சமாக தென்காசி மாவட்டம் சிவகிரியில் 12 செ.மீ. மழை பெய்திருக்கிறது.

Tamil Nadu weatherman explain about Kancheepuram trichy Madurai salem rain today

இதேபோல் கன்னியாகுமரி மாவட்டம் சிற்றாறு, தேனி மாவட்டம் பெரியகுளம் ஆகிய பகுதிகளில் தலா 8 செ.மீ. மழை பெய்திருந்தது. நேற்று அதிகாலை சென்னையின் சுற்றுவட்டார பகுதிகளில் சாரல் மழை பெய்தது. தமிழகம் முழுவதுமே பரவலாக மழை பெய்தது. மேற்கு தொடர்ச்சி மலையை ஒட்டிய மாவட்டங்களில் கடந்த சில நாட்களாக தினமும் கனமழை பெய்து வருகிறது.

இதற்கிடையே சென்னை வானிலை மையம் வெளியிட்டிருந்த அறிவிப்பில், தென்னிந்திய பகுதிகளின் மேல் வளிமண்டல கீழடுக்குகளில், காற்றின் திசை மாறுபடும் பகுதி நிலவுகிறது. கன்னியாகுமரிக் கடல் பகுதிகளின் மேல் வளிமண்டல கீழடுக்கு சுழற்சி நிலவுகிறது. இன்று (செவ்வாய்க்கிழமை) முதல் 17-ம் தேதி வரையில் 4 நாட்கள் தமிழகத்தில் கனமழை பெய்ய வாய்ப்பு இருக்கிறது.

அதன்படி, இன்றும் (செவ்வாய்க்கிழமை), நாளையும் (புதன்கிழமை) திண்டுக்கல், தேனி, மதுரை, விருதுநகர், தென்காசி, நெல்லை மற்றும் கன்னியாகுமரி மாவட்டங்களில் கனமழை பெய்ய வாய்ப்பு இருக்கிறது. அதேபோல், நீலகிரி, கோவை மாவட்டத்தின் மலைப்பகுதிகள், சேலம், தர்மபுரி, கிருஷ்ணகிரி, திருப்பத்தூர், திண்டுக்கல், நாமக்கல், கரூர், திருச்சி, மதுரை, சிவகங்கை, விருதுநகர், தஞ்சாவூர், திருவாரூர், மயிலாடுதுறை, நாகை, புதுக்கோட்டை, தேனி, தென்காசி, நெல்லை, கன்னியாகுமரி ஆகிய மாவட்டங்கள், காரைக்கால் பகுதிகளில் 16-ந் தேதி கனமழைக்கு வாய்ப்பு இருக்கிறது.

நீலகிரி, கோவை மாவட்டத்தின் மலைப்பகுதிகள், சேலம், தர்மபுரி, கிருஷ்ணகிரி, திருப்பத்தூர், திருவண்ணாமலை, கள்ளக்குறிச்சி, நாமக்கல், திருச்சி, பெரம்பலூர், அரியலூர், கடலூர், தஞ்சாவூர், திருவாரூர், நாகை, மயிலாடுதுறை, புதுக்கோட்டை மாவட்டங்கள், காரைக்கால் பகுதிகளில் 17-ந் தேதி கனமழைக்கு வாய்ப்பு இருக்கிறநது. அதேநேரம், தமிழகத்தின் அனேக இடங்கள், புதுச்சேரி, காரைக்கால் பகுதிகளில் இன்று முதல் வருகிற 19-ந் தேதி வரை இடி, மின்னல் மற்றும் பலத்த காற்றுடன் லேசான மழையும் பெய்யும்" என்று சென்னை வானிலை ஆய்வு மையம் தெரிவித்துள்ளது.

வெப்பநிலையை பொறுத்தவரையில், தமிழக உள் மாவட்டங்களில் ஒரு சில இடங்களில் அடுத்த 4 நாட்களுக்கு 2 முதல் 3 டிகிரி செல்சியஸ் வரை படிப்படியாக குறையும் என்றும் நாளை (புதன்கிழமை) வரை தமிழக உள் மாவட்டங்களில் ஓரிரு இடங்களில், 2 முதல் 3 டிகிரி செல்சியஸ் வரை வெப்பம் இயல்பைவிட அதிகமாக இருக்கும் என்றும் சென்னை வானிலை ஆய்வு மையம் கூறியிருந்தது.

சென்னை வானிலை ஆய்வு மையம் கூறியபடி இன்று தமிழகத்தில் பல்வேறு இடங்களில் மழை பெய்து வருகிறது. தமிழகத்தின் பல்வேறு இடங்களில் வானம் மேகமூட்டத்துடன் காணப்படுகிறது. இந்நிலையில் தமிழகத்தில் இன்று மழை பெய்யப்போகும் இடங்கள் குறித்து தமிழ்நாடு வெதர்மேன் பிரதீப் ஜான் ட்வீட் போட்டிக்கிறார்.

வெதர்மேன் போட்ட பதிவில், "காஞ்சிபுரத்தை சுற்றிலும் கடுமையான மேகங்கள் காணப்படுகின்றன. திருச்சி - பெரம்பலூர் இடையே மழை பெய்து வருகிறது. வழக்கம் போல் ஏற்காடு பகுதியில் இடியுடன் கூடிய மழை பெய்து, சேலம் நகருக்குள் செல்ல வேண்டும். மதுரையில் மீண்டும் ஒரு மழை பெய்ய போகிறது.. அந்த மழைக்காக இன்று மாலை மதுரை தயாராகி வருகிறது" என்று கூறினார். வெதர்மேன் போட்ட பதிவில் உள்ள புகைப்படத்தை பார்க்கும் போது, தமிழகத்தின் காஸ்ட்லியான சாலையான நத்தம் நெடுஞ்சாலையில் வந்து கொண்டிருகிறது.