சென்னையில் தாறுமாறாக ஓடிய எம்டிசி பேருந்து ரவுண்டானாவில் மோதியது... பயணிகள் காயம்

சென்னை நுங்கம்பாக்கத்தில் இன்று தாறுமாறாக ஓடிய மாநகர பேருந்து, ரவுண்டானாவில் சென்று மோதியதால் பேருந்தில் பயணம் செய்த பயணிகள் காயம் அடைந்தனர்.

By Lakshmi Priya

Published: Saturday, March 25, 2017, 17:29 [IST]

Subscribe to Oneindia Tamil

சென்னை: நுங்கம்பாக்கத்தில் இன்று தறிகெட்டு ஓடிய மாநகர பேருந்து, ரவுண்டானாவில் மோதி விபத்துக்குள்ளானதில் பேருந்தில் பயணம் செய்த சில பயணிகள் காயமடைந்தனர்.

நுங்கம்பாக்கம் கல்லூரி சாலையில் வந்து கொண்டிருந்த மாநகர பேருந்து, ஹேடோஸ் சாலை வளைவில் திரும்பியபோது, திடீரென டிரைவரின் கட்டுப்பாட்டை மீறி, ரவுண்டானாவில் மோதியது.

MTC bus rammed near Nungambakkam, Passengers injured

இதில், பேருந்தின் முன்பகுதி கடுமையாக சேதமடைந்தது. பேருந்தில் இருந்த பயணிகள் சிலர் காயமடைந்தனர். மிதமான வேகத்தில் வந்ததால், அதிருஷ்டவசமாக உயிரிழப்புகள் ஏதும் நிகழவில்லை.

இவ்விபத்தின் காரணமாக அப்பகுதியில் சிறிது நேரம் போக்குவரத்து பாதிக்கப்பட்டது. தகவல் அறிந்து அங்கு வந்த போலீஸார், சம்பவ இடம் விரைந்து போக்குவரத்தை ஒழுங்குபடுத்தினர்.

Published On March 25, 2017