விஜய் மதுராந்தகம் செல்லும் வழியில் ஷாக்.. அரசு பள்ளியில் சிறுமிக்கு பாலியல் தொல்லை..மறைக்கும் போலீஸ்

கழிப்பறையில் நடந்த அதிர்ச்சி

சக மாணவிகள், ஆசிரியர்கள் மீட்டு பாதிக்கப்பட்ட மாணவியை செங்கல்பட்டு அரசு மருத்துவமனையில் அனுமதித்துள்ளனர். மதுராந்தகம் தொகுதி இடைத்தேர்தலையொட்டி, முதலமைச்சர் விஜய் இன்று மாலை அங்கு பிரச்சாரம் மேற்கொள்ளவுள்ளார். இதனால் மாணவி பாலியல் தொல்லை செய்யப்பட்ட வழக்கை காவல்துறையினர் மூடி மறைப்பதாக புகார் எழுந்துள்ளது. இந்த சம்பவம் அந்தப் பகுதியில் பேரதிர்ச்சியை ஏற்படுத்தியுள்ளது.

இதுகுறித்து அந்த பகுதி மக்கள் கூறுகையில், "இரு பாலரும் அந்த பள்ளியில் படிக்கிறார்கள். மாணவர் கழிப்பறை முன் பகுதியிலேயே உள்ளது. மாணவிகள் கழிப்பறை உள்ளே தள்ளியுள்ளது. கழிப்பறையை சுற்றி புதர் மண்டியுள்ளது. அருகிலேயே தடுப்பு சுவர் உள்ளது. ஏரிக்கரையில் இருந்து குதித்து அந்த பகுதிக்கு எளிதாக செல்ல முடியும். பாதுகாப்பற்ற இடத்தில் தான் கழிப்பறை இயங்கி வந்துள்ளது. பலமுறை கோரிக்கை வைத்தும் மாற்று ஏற்பாடு செய்யவில்லை.

மூடிமறைக்க வேண்டாம்

மர்ம கும்பல் அந்த வழியாக ஏறி குதித்து தான் உள்ளே வந்துள்ளனர். மாணவியை மயக்கமடைய செய்து பாலியல் தொல்லையளித்துள்ளனர். பிறகு அதே வழியாக ஏறி குதித்து சென்றுள்ளனர். சம்பவம் குறித்து கேளம்பாக்கம் காவல்நிலையத்தில் புகார் அளிக்கப்பட்டுள்ளது. விசாரணையை மூடிமறைக்காமல் மாணவிக்கு நீதி கொடுக்க வேண்டும். சக மாணவிகளுக்கு பாதுகாப்பளிக்க வேண்டும். பாதுகாப்பான இடத்தில் கழிப்பறையை மாற்ற வேண்டும்" என்றனர்.