பாரதி பக்கம்

ஜுலை 04, 2001

ராகம் - தன்யாசி

பல்லவி

எத்தனை கோடி இன்பம் வைத்தாய்! - எங்கள்
இறைவா! இறைவா! இறைவா! (ஓ -எத்தனை)

சரணங்கள்

1. சித்தினை அசித்துடன் இணைத்தாய் - அங்குச்
சேரும்ஐம் பூதத்து வியனுல கமைத்தாய்
அத்தனை யுலகமும் வர்ணக் களஞ்சிய
மாகப் பலபலநல் வழகுகள் சமைத்தாய். (ஓ- எத்தனை)

2. முக்தியென் றொருநிலை சமைத்தாய் - அங்கு
முழுதினையு முணரும் உணர்வமைத்தாய்
பக்தி யென் றொருநிலை வகுத்தாய் - எங்கள்
பரமா! பரமா! பரமா! (ஓ- எத்தனை)