பாரதி பக்கம்

பிப்ரவரி 25, 2001

(பங்கிம் சந்திர சட்டோபாத்தியாயர் எழுதிய வந்தேமாதரம் கீதத்தின் மொழி பெயர்ப்பு)

1.இனியநீர்ப் பெருக்கினை! இன்கனி வளத்தினை
தனிநறு மலயத் தண்காற் சிறப்பினை!
பைந்நிறப் பழனம் பரவிய வடிவினை! (வந்தே)

2.வெண்ணிலாக் கதிர்மகிழ் விரித்திடும் இரவினை!
மலர்மணிப் பூத்திகழ் மரன்பல செறிந்தனை!
குறுநகை யின்சொலார் குலவிய மாண்பினை!
நல்குவை இன்பம், வரம்பல நல்குவை! (வந்தே)

3.முப்பது முக்கோடி வாய் (நின்னிசை) முழங்கவும்
அறுபது கோடிதோ ளுயர்துவக் காற்றவும்
திறனிலால் என்றுனை யாவனே செப்புவன்?
அருந்திற லுடையார் அருவினை போற்றி!
பொருந்தவர் படையுறத் தொழித்திடும் பொற்பினை! (வந்தே)