2011ல் போலியோ இல்லாத பீகார்: மாநில அரசு திட்டம்

பாட்னா: 2011ல் பீகாரில் இருந்து போலியோவை முற்றிலுமாக ஒழிக்க பீகார் அரசு திட்டமிட்டுள்ளது என்று அம்மாநில சுகாதாரத் துறை அமைச்சர் அஷ்வினி குமார் சௌபே தெரிவித்தார்.

இது குறித்து சௌபே இன்று நிருபர்களிடம் கூறியதாவது,

நாங்கள் 2011-ம் ஆண்டில் போலியோவை பீகார் மாநிலத்தில் இருந்து முற்றிலுமாக ஒழிக்கத் திட்டமிட்டுள்ளோம். கடந்த 2009-ம் ஆண்டு மாநிலத்தில் மொத்தம் 117 பேர் போலியோவால் தாக்கப்பட்டனர்.

ஆனால் கடந்த ஆண்டு இந்த எண்ணிக்கை வெகுவாகக் குறைந்த 9 ஆகியுள்ளது. போலியோ ஒழிப்பு திட்டத்தை கண்காணிக்குமாறு மாவட்ட நீதிபதிகளைக் கேட்டுக் கொண்டுள்ளோம் என்று அவர் கூறினார்.

English summary

Bihar government has planned to eradicate polio completely from the state by 2011. It has asked the District Magistrates to oversee polio eradication programme. Last year only 9 polio cases were reported compared to 117 in 2009.