வாழ்வெனும் ஆறு

வாழ்வெனும் ஆறு
வனம் முழுவதும் மலர்ந்திருக்கையில்
புகைப்படம் எடுக்கிறது மனம்

காற்றில்
கட்டவிழ்ந்து இறங்குகின்ற
மலரில் எழுதுகிறது கவிதை

வண்ணமாய் ஒன்றைக் கண்டுவிட்டால்
வடித்தெடுக்க முயல்கிறது காகிதத்தில்

ஓடையின் அருகே நின்று நனையாமல்
எடுக்கிறது ஒலிக்கோர்வைகளை

சேகரிக்கவும் சுமந்து செல்லவும்
சொல்லித்திரியவும்
எப்போதும் முனைகிறது

கரை தளும்பி, நுரை பொங்கி
ஓடுகிறது வாழ்வெனும் ஆறு.