குரு வக்கிரம்.. 3 ராசிகளுக்கு ராஜ யோகம்.. பிப்ரவரி மாதம் வரை கொண்டாட்டம்தான்

Published: Wednesday, December 25, 2024, 20:30 [IST]

Subscribe to Oneindia Tamil

சென்னை: நவகிரகங்களில் சுப கிரகமாக கருதப்படும் குரு பகவான், ஒவ்வொரு வருடமும் தனது ராசியை மாற்றுகிறார். இந்த மாற்றமானது அனைத்து ராசிகளிலும் பல்வேறு தாக்கங்களை ஏற்படுத்தும். குரு பகவான் பொதுவாக செல்வம், வளம், குழந்தை பாக்கியம் மற்றும் திருமண வாழ்க்கை போன்றவற்றுக்கு காரணியாக விளங்குகிறார்.

இந்த வருடம் மே மாதம் முதல் தேதி அன்று, குரு பகவான் மேஷ ராசியிலிருந்து ரிஷப ராசிக்கு மாறினார். இந்த வருடம் முழுவதும் அவர் இந்த ராசியில் தான் பயணிப்பார். எனினும், 2025 ஆம் ஆண்டில் அவர் தனது இடத்தை மாற்றுகிறார். குரு பகவானின் ஒவ்வொரு நகர்வும் அனைத்து ராசிகளிலும் தாக்கத்தை ஏற்படுத்தும்.

கடந்த அக்டோபர் ஒன்பதாம் தேதி அன்று, குரு பகவான் ரிஷப ராசியில் வக்கிர கதியில் தனது பயணத்தை தொடங்கினார். அவர் 2025 ஆம் ஆண்டு பிப்ரவரி மாதம் முதல் வாரம் வரை வக்கிர நிலையில் இருப்பார். குருவின் இந்த வக்கிர நிலையால் அனைத்து ராசிகளும் பாதிக்கப்படும் அதே வேளையில், சில ராசிகள் சிறப்பான யோக பலன்களைப் பெறுகின்றன. அந்த ராசிகளைப் பற்றி இங்கே காணலாம்.

ரிஷப ராசி: உங்கள் ராசியின் முதல் வீட்டில் குரு பகவான் வக்கிரமாக இருப்பதால், உங்களுக்கு அற்புதமான பலன்கள் கிடைக்கப் போகின்றன. உங்கள் பணியிடத்தில் சிறப்பான முன்னேற்றம் இருக்கும். உங்கள் தனிப்பட்ட வாழ்க்கை மகிழ்ச்சியாகவும், உங்கள் வாழ்க்கைத் துணையின் முழு ஆதரவுடனும் இருக்கும். திருமணமான தம்பதிகளுக்கு மகிழ்ச்சியான தருணங்கள் அதிகரிக்கும்.

சிம்ம ராசி: உங்கள் ராசியின் பத்தாவது வீட்டில் குரு பகவான் வக்கிரமாக இருப்பதால், உங்களுக்கு யோகம் உண்டாகும். உங்கள் தொழில் மற்றும் வியாபாரத்தில் நல்ல முன்னேற்றம் ஏற்படும். வணிகத்தில் நல்ல லாபம் கிடைக்கும். பணியிடத்தில் பதவி உயர்வு மற்றும் சம்பள உயர்வுக்கான வாய்ப்புகள் உள்ளன.

கடக ராசி: உங்கள் ராசியின் பதினொன்றாவது வீட்டில் குரு பகவான் வக்கிரமாக இருப்பதால், உங்கள் வருமானத்தில் மிகப்பெரிய உயர்வு இருக்கும். புதிய வருமானத்திற்கான வழிகள் திறக்கும். உங்கள் நிதி நிலைமை மேம்படும். அதிக பணம் சம்பாதிப்பதற்கான வாய்ப்புகள் அதிகரிக்கும். புதிய முதலீடுகள் நல்ல லாபத்தை தரும்.