ரெடியான ராட்சச பாலங்கள்.. ரூ.126 கோடி.. டெல்டாவில் வருது பிரம்மாண்ட ரிங் ரோடு.. எங்கே தெரியுமா?

Updated: Tuesday, July 29, 2025, 13:28 [IST]

Subscribe to Oneindia Tamil

சென்னை: மன்னார்குடியில் சுற்றுவட்டாரச் சாலை உருவாக்கும் பணிகள் தற்போது துரிதப்படுத்தப்பட்டுள்ளன. நிலம் கையகப்படுத்தும் பணிகள் முடிவடைந்த நிலையில், முதல் கட்டமாக மன்னார்குடி-திருத்துறைப்பூண்டி சாலையில் சிறிய பாலங்கள் கட்டும் பணிகள் நிறைவடைந்தன. இப்பணிகள் விரைந்து செயல்படுத்தப்பட்டு வருகின்றன.

மன்னார்குடி சாலை பணிகள்: திட்டமிடலும் விரிவாக்கமும்

மூன்றாம் சேத்தி, பாமினி, அரவத்தூர், ராமாபுரம், கைலாசநாதர் கோயில், நாங்கம்சேத்தி, சேரங்குளம், கொப்பிராலயம், நெடுவாக்கோட்டை, குமாரபுரம், கரிக்கோட்டை, மேலவயல், மூவாநல்லூர் ஆகிய வருவாய் கிராமங்கள் வழியாகச் செல்லும்.

சுற்றுச் சாலையுடன் இணைக்கப்படும் மாநில நெடுஞ்சாலைகளை மாவட்ட ஆட்சியர் ஆய்வு செய்து அனைத்து கிராமங்களுக்கும் சென்று திட்டப் பணிகள் குறித்த நேரடித் தகவல்களைப் பெற்றார். மன்னார்குடி நகரில் 73 மீட்டர் நீளமுள்ள புதிய பாலம் ரூ. 2.75 கோடி. அதற்கான பணிகள் தற்போது நடைபெற்று வருகிறது.

இந்தச் சுற்றுவட்டாரச் சாலை அமைக்கும் திட்டம் இரண்டு முக்கியப் பகுதிகளைக் கொண்டது. இப்பணிகள், மேலவாசல் (தஞ்சாவூர் நெடுஞ்சாலை) முதல் சொக்கனாவூர் (மன்னார்குடி முதல் திருமக்கோட்டை சாலை வரை) வரையிலும், மன்னார்குடியில் இருந்து ஒரத்தநாடு, சேதுபாவசமுத்திரம், அதிராம்பட்டினம் வரையிலான சாலைகள் வரையிலும் செயல்படுத்தப்படுகின்றன. சாலை அமைக்கும் பணிகள் திட்டமிட்டபடி நடைபெற்று வருகின்றன.

புதிய சாலைகள் அமைப்பதன் மூலம் இப்பகுதிகளில் போக்குவரத்து நெரிசல் குறைவதோடு, பயண தூரமும் குறையும். இது இப்பகுதி மக்களின் பொருளாதார வளர்ச்சிக்கும் உதவும். இப்பணிகள் அனைத்தும் நிர்ணயிக்கப்பட்ட காலத்திற்குள் முடிக்க திட்டமிடப்பட்டுள்ளது. மக்களின் நலன் கருதி பணிகள் துரிதமாக நடைபெறுகின்றன.

சாலை அமைக்கும் பணிகளால் இப்பகுதியில் உள்ள மக்களின் வாழ்க்கை தரம் உயரும். மேலும், இப்பகுதியில் வணிகம் பெருகும் வாய்ப்புகள் அதிகம். இப்பணிகள் அனைத்தும் அரசு விதிகளின்படி மேற்கொள்ளப்படுகின்றன. இதன் மூலம் இப்பகுதி மக்களின் நீண்ட நாள் கனவு நனவாகும். தமிழ்நாட்டில் பல மாவட்டங்களில் ரிங் ரோடு அமைக்கும் பணிகள் நடந்து வருகின்றன. அதன் ஒரு கட்டமாக மன்னார்குடியைச் சுற்றி 22 கி.மீ.க்கு ரிங்ரோடு அமைக்கப்படும். இதற்கான டெண்டர் சில நாட்களில் விடப்பட உள்ளது.

ரிங் ரோடு

திருவாரூர் மாவட்டத்தில் உள்ள ஒரு சில கிராம சாலைகளைத் தவிர மூன்று மாநில நெடுஞ்சாலைகளையும் இந்த சாலை இணைக்கும் என்று அறிவிக்கப்பட்டு உள்ளது. இதன் மூலம் தமிழ்நாட்டில் ரிங் ரோடு அமைக்கப்படும் மிக முக சிறிய நகரமாக மன்னார்குடி மாறி உள்ளது. தொழிற்துறை அமைச்சர் டிஆர்பி ராஜா மன்னார்குடி எம்எல்ஏவாக இருக்கும் நிலையில் ஏற்கனவே அங்கே பேருந்து நிலையம் மொத்தமாக புனரமைக்கப்பட்டு மத்திய பேருந்து நிலையமாக மாற்றப்பட்டு வருகிறது.

இந்த நிலையில்தான் ரிங் ரோடு அமைப்பது மன்னார்குடியில் போக்குவரத்து நெரிசலை பெருமளவில் குறைக்க வழி வகுக்கும் என்று எதிர்பார்க்கப்படுகிறது . முன்மொழியப்பட்ட சுற்றுச் சாலையுடன் கிராமப்புற சாலைகளை இணைப்பதன் மூலம் விவசாய விளைபொருட்களை அருகில் உள்ள நகரங்களுக்கு மிக எளிதாக கொண்டு செல்ல முடியும்.

ரிங் சாலை கும்பகோணம்-மன்னார்குடி-அதிராம்பட்டினம் சாலையை இணைக்கும் (மாநில
நெடுஞ்சாலைகள் எண். 66); திருவாரூர் மன்னார்குடி-முத்துப்பேட்டை சாலை (SH
எண். 22); மன்னார்குடி-சேதுபாவசமுத்திரம் சாலை (SH எண். 46); மற்றும் மன்னார்குடி-திருமக்கோட்டை-சொக்கனாவூர் சாலை உள்ளிட்ட பிற சாலைகள்; மன்னார்குடி-ஒரத்தநாடு-திருவோணம் சாலை மற்றும் ஒரு சில கிராமப்புற சாலைகளை இது இணைக்கும் வகையில் உருவாக்கப்பட உள்ளது.