சினிமாவை விட்டு விலகும் திரிஷா.. காரணம் இதுதானா? அதிர்ச்சி பின்னணி! லீக்கான தகவல்கள்

Updated: Friday, March 20, 2026, 13:37 [IST]

Subscribe to Oneindia Tamil

சென்னை: சமீப காலமாக நடிகை திரிஷா குறித்து வெளியாகும் தகவல்கள் ரசிகர்களை குழப்பத்தில் ஆழ்த்தி வருகிறது. குறிப்பாக, அவர் சினிமாவை விட்டு விலகப் போகிறார் என்ற தகவல் பரவி வருவது பெரிய பேசுபொருளாக மாறியுள்ளது.

20 ஆண்டுகளாக குயின்

தமிழ் சினிமாவில் இருபது ஆண்டுகளுக்கும் மேலாக முன்னணி நடிகையாக இருப்பவர் திரிஷா. புதிய நடிகைகள் வந்தாலும், அவருக்கான ரசிகர்கள் குறையவே இல்லை. ரஜினிகாந்த், கமல்ஹாசன், விஜய், அஜித் குமார் போன்ற முன்னணி ஹீரோக்களுடன் நடித்த ஒரே நடிகை என்ற பெருமையும் அவருக்கே.

பட வாய்ப்புகள் இருக்க... ஏன் ரிஜெக்ட்?

திரிஷாவை தேடி இன்னும் பட வாய்ப்புகள் வந்து கொண்டே இருக்கின்றன. ஆனாலும் சமீப காலமாக அவர் பல கதைகளை நிராகரித்து வருகிறார் என தகவல்கள் வெளியாகின்றன. இதனால் "சம்பள பிரச்சனைதானா?" "கதை பிடிக்கலையா?" என்று பலரும் கேள்வி எழுப்பினார்கள். ஆனால் அதற்கு வேறு காரணம் இருக்கலாம் என்ற பேச்சுதான் தற்போது அதிகமாக உள்ளது.

குடும்ப வாழ்க்கை பக்கம் திரும்புகிறாரா?

பல ஆண்டுகளாக "எப்போது கல்யாணம்?" என்ற கேள்வியை தவிர்த்து வந்த திரிஷா, தற்போது அதற்கு விரைவில் பதில் சொல்லும் நிலைக்கு வந்திருக்கிறார் என கூறப்படுகிறது. சினிமாவை விட குடும்ப வாழ்க்கையில் செட்டில் ஆகும் முடிவை அவர் எடுத்திருக்கலாம் என சிலர் கூறுகிறார்கள்.

அரசியல் சர்ச்சைகளும் ஒரு காரணமா?

சமீபத்தில் திரிஷாவை சுற்றி சில சர்ச்சைகள் மற்றும் பேச்சுக்கள் கிளம்பி வருகின்றன. அதனால் படப்பிடிப்பில் கவனம் செலுத்த முடியவில்லை என்றும், அதனால்தான் புதிய படங்களில் கமிட் ஆகாமல் இருக்கிறார் என்றும் தகவல்கள் வெளியாகின்றன.

விஜய்யுடன் தொடர்பு? ரசிகர்கள் இணைக்கும் டாட்ஸ்

சமீபத்தில் விஜய் தொடர்பான தனிப்பட்ட வாழ்க்கை விவகாரங்கள் பேசப்பட்டபோது, திரிஷாவின் பெயரும் அதில் இழுக்கப்பட்டது. இருவரும் ஒன்றாக ஒரு நிகழ்ச்சியில் கலந்து கொண்டது, ஒரே நிற உடையில் வந்தது போன்ற விஷயங்களை வைத்து ரசிகர்கள் பல கணக்குகள் போட ஆரம்பித்தனர். ஆனால் இதுகுறித்து திரிஷா அல்லது விஜய் தரப்பில் எந்த அதிகாரப்பூர்வ விளக்கமும் வெளியாகவில்லை.

கடைசியாக நடித்த படங்கள்

கடந்த ஒரு ஆண்டாக திரிஷா புதிய படங்களில் அதிகமாக கமிட் ஆகவில்லை. சூர்யாவின் கருப்பு, தெலுங்கில் சிரஞ்சீவியின் விஸ்வரம்பரா, மலையாளத்தில் மோகன்லாலின் ராம் போன்ற படங்களில் கடைசியாக நடித்துள்ளார். இந்த படங்கள் இன்னும் வெளியாக தயாராக இருக்கிறது. ஆனால் தற்போது எந்த புதிய அறிவிப்பும் இல்லாதது இந்த "விலகல்" வதந்திக்கு காரணமாகி விட்டது.

உண்மை என்ன?

திரிஷா சினிமாவை விட்டு விலகப் போகிறார் என்ற தகவல் தற்போது பரவிக் கொண்டிருக்கிறது. ஆனால் இது குறித்து அவர் தரப்பில் எந்த அதிகாரப்பூர்வ அறிவிப்பும் இல்லை. அதனால் இப்போதைக்கு இது முழுக்க முழுக்க வதந்தியா? அல்லது உண்மையா? என்பது தெரியாத நிலை தான்.

ஆனால் சில வருடங்களுக்கு முன்பு தொழிலதிபர் வருண் என்பவருடன் திரிஷாவுக்கு எங்கேஜ்மென்ட் நடைபெற்றது. ஆனால் சில காரணங்களால் கல்யாணம் நடைபெறவில்லை. அப்போது ஒரு பேட்டியில், நான் கல்யாணத்திற்கு பிறகு நடிக்காமல் இருக்க மாட்டேன் குழந்தை பிறக்கும் போது தான் நான் நடிப்பை விட்டு விலகி இருப்பேன் அதுவரைக்கும் நான் நடித்துக் கொண்டுதான் இருப்பேன். என் நடிப்பை நிறுத்தும் உறவுகள் எனக்கு தேவையில்லை என்று சொல்லி இருந்தார். ஆனால் இப்போது அவர் சினிமாவில் கமிட்டாகாமல் இருப்பதால் அதை சுற்றி சில வதந்திகள் பரவிக்கொண்டு இருக்கிறது.