Fact Check: மகளிர் உரிமைத் தொகை பெற தமிழ்நாடு அரசு சிறப்பு முகாம் நடத்துகிறதா? உண்மைதான் என்ன?

சென்னை: தமிழ்நாடு அரசு வழங்கி வரும் பெண்களுக்காக மாதம் ரூ1,000 உதவித் தொகைக்காக ஆகஸ்ட் 17 முதல் சிறப்பு முகாம் நடத்துவதாக சமூக வலைதளங்களில் தகவல்கள் வெளியாகி இருந்தன. ஆனால் தமிழ்நாடு அரசின் பேக்ட் செக் குழு இந்த தகவலை உண்மைக்கு புறம்பானது; பொய்யனது என மறுத்துள்ளது.

தமிழ்நாடு அரசு பெண்களுக்கு மாதம் ரூ1,000 நிதி உதவி தொகை வழங்குகிறது. இது பெண்களின் மேம்பாட்டுக்கான நடவடிக்கைகளில் ஒரு பகுதியாக பார்க்கப்படுகிறது. பெண்களுக்கான இந்த மாதாந்திர நிதி உதவித் தொகை பெரும் வரவேற்பைப் பெற்றுள்ளது.

இந்த நிலையில் சமூக வலைதளங்களில் ஆகஸ்ட் 17, ஆகஸ்ட் 19, ஆகஸ்ட் 20 ஆகிய 3 நாட்களில் மகளிர் நிதி உதவி பெறுவதற்கான சிறப்பு முகாம் நடைபெறும் என்கிற அறிவிப்பு வெளியானது.

ஆனால் தமிழ்நாடு அரசின் பேக்ட் செக் குழுவானது சமூக வலைதளங்களில் வெளியான இத்தகவலை பொய் என மறுத்துள்ளது. இது உண்மைக்குப் புறப்மானது எனவும் தெரிவித்துள்ளது.

English summary

Tamil Nadu Govt's fact check team has claimed on Special Camp for Rs 1,000 monthly aid scheme for women